LEVI 1:3 - BAIBEL KANGTHIR (BSI)

³ Jongsi alangli achainong angbong ejon kephrin athok pilote, alangli mesen achainong alo pavannang. La alangli Hemphu kedo a-Pehem kelutdam anghap along pavannang, anke alangliphan Hemphu dengpo.

LEVI 1:3 ပူးပေါင်းရင်းမြစ်များ

KECHENG 22:13

Abraham adung arei chelang-lo, lapen biresak alo ingsu ajo anu chingthang-lok thek-long-lo. Alangli damlo lapen la endamlo lapen asopo alar la kephrin athok pilo.

KECHENG 22:2

“Nangsopo ponnon,” Arnam pulo, “Nangsopo po epumpet, Isaak, nang kechinghonnei abangphan ponnon, lapen Moriah adet damnon. Hadak Ne nang kepaklangji anglongpi athak, la Nephan athok nepinon.”

KECHENG 22:8

Abraham thak-lo, “Arnam amethangsi ejon chevanpo.” Lapen latum banghini dam rapbomlo.

KECHENG 8:20

Anke Hemphu aphan Noah isi adovan bui pilo, lapen kangthir-et api ajattin, lapen vo kangthir ajattin, dovan athak athok pilo.

2 PHURKIMO 29:32

Halatum jon 70 achainong alo, jon 100 abiresak, lapen jon 200 abiresak aloso Hemphu aphan kephrin athok vanpilo;

2 PHURKIMO 35:12

Anke latum rat angbong ahemtun asontin chethak-lo, kephrin athok aphan pi-heihei chethaksi latum Moses Aron aloh kepinkhat ateng pajirthekpo.

LUN ALOHTHUI 110:3

Nang hotur atum pen nang ronkechedan arni, nangrat aso atum nangchetodunpo. Adap a-ar-e keklo asonsi, nangrisomar atum inglong kangthir adim along nanglong vangpetpo.

LUN ALOHTHUI 40:8

O Ne Arnam, ko-an ne nangningkehang ateng keklemji neninghang-lo! Nening arlo nang kethan alam nening chebilo.”

KEBAR 12:5

Nangtum biresak ejon mate bi ejon ingvaitame, seta la kemesen ningkan isi arta aloso nangji.

KEBAR 24:5

Anke alangli inut ariso aphan toilo, lapen latum Hemphu aphan athok-heihei phrinlo, lapen kejelang athok-heihei aphan ajehak achainong arklilo.

KEBAR 29:18

Biresak kangthim dovan athak phrinnon, la isi kecho adanlo. La kedokjin angnim nephan ning pangsamlo.

KEBAR 29:4

Ne kedo a-pehem ajakan along Aaron lapen asomar atum vannon, lapen latum aron alang pachinglu non.

KEBAR 29:42

Kevangji arni anta, laso kephrin athok Ne kedo a-pehem ajakan along Ne kedo alongsi pajir nangji. Hadaksi Ne rat atum aphan chetongji lapen nangphan ningjepo.

KEBAR 32:6

Puthot adap latum kephrin athok kepijisi ajehak api vanlo, lapen ajehak ke kejelang athok kechoji aphan vanlo. Rat atum kecho-kejun amei along chongni phrong-lo, lahei kejun lapen pinso-arlo kechebam keche-en arong plang-lo.

KEBAR 35:21

lapen keklemji aning kehang abangphutin Hemphu kedo a-pehem keselamji aphan Hemphu along adan-heihei chevanlo. Karchoji aphan ke-en amar an lapen kurusar atum ape-ari aphan dorphlup asontin latum vanlo.

KEBAR 35:29

Israel arat kedo-an atum Moses aphan Hemphu hukum pisi kepaklemtoi an akam aphan dan Hemphu aphan kepiji pu aning kehang an atum dan-heihei vanlo.

KEBAR 35:5

Hemphu aphan isi adan pinon. Abangphutin kepiji atum an ser, rup, mate tam;

KEBAR 36:3

Pehem kangthir kekimji aphan Israel aso atum kevan adan-heihei an alangli pen latum enlo. Bonta adapvang Israel atum Moses along dan-heihei vanbomlang.

KEBAR 38:1

Kephrin athok aphan mirjove athengpi pen alangli adovan selamlo. La atok-phli, keding ingrup pho lapen arpan ingrup pho, lapen la kangtui ingrup kethom.

ISAIAH 1:11

Alangli pulo, “Nephan kethokbomji lahei kedo-an athok ajir ne kenangji putong nang kematha ma? Nang kethok kephrin abiresak lapen athu kedo kangtulim api-heihei anta dorphlup lo. Chainong biresak lapen bi-heihei avi along nening ingsamse.

EZEKIEL 20:40

Det along, Ne Inglong Kangthir, Israel anglong kangtui athak, along nang Israel arat atum kedo-an Nephan Ne archo nangji. Nangtum aphan Ne ningdokpo, lapen nangtum athok-heihei, kemenei lapen adan-heihei, nangtum kangthir adan-heihei nelong kevanji aphan nening chethelo.

EZEKIEL 40:39

Laso kelutcheng angdeng arlo tebul phli, chepang-nophrong angdeng arlo do. Lahei atebul alongsi athok kepiji api-heihei pathi lo, arpum kangthim kephrinji aphan seta, mate pap-heihei aphan athok setame, mate kechetu athok aphan setame.

LEVI 1:10

Mane abang jongsi amethang abiresak mate abi athok pajirlote, la aju kavepin alo nangji.

LEVI 14:10

Ninerkep arni alangli jonni abiresak aloso lapen aju-kavepin abiresak api ningkan isi arta ejon, jit ajangthu pen kepangvui him aduk linthom, lapen powa isira ebeng ajit ajangthuta vanpo.

LEVI 16:7

Anke alangli Hemphu kedo A-pehem ajakan along bi alo jonni ponpo.

LEVI 17:4

Alangli vi pabulo lapen Arnam arat atum angbongpen inut-lo pu lakha ponpedetpo.

LEVI 17:8

Israel atum angbong badutame mate rat angbong kedo bang-adet aso tame kephrin athok mate

LEVI 17:9

jat athok tame Hemphu aphan kepi ahut Pehem ajakan along apar along kaprek si pilo bonta vanvedet-lote Arnam arat atum angbong inut-lo pu lakha ponpedetpo.

LEVI 23:12

Sok adan nang kepi arni, ejon mesen biresak aloso ningkan isi arta ta isi kephrin athok pidunpo.

LEVI 23:18

Him penpen rat atum ningkan isi abiresak aloso jon throksi, chainong alo ejon, biresak alo jonni, thangnatta hingnone pin pen van-nangpo. Lahei isi kephrin athok asonsi Hemphu aphan, sok-sang adan lapen drakha-ahorlang adan penpen pirappetpo. Laso athok angnim Hemphu aphan aning padok-lo.

LEVI 3:1

Mane jongsi kejalang athok chainong ejon pilote, la chainong alo kalite aju kavepin achainong api nangji.

LEVI 4:15

rat ajalin atum ari la aphu athak batpo, lapen la aphan hadak pathipo.

LEVI 4:23

alangli pap chechini pen aju kavepin abi alo alangli isi athok ason vanpo.

LEVI 4:3

Kurusar Kethenei abang jongsi pap klemlo, lapen rat aputhak ado vanlo pulote, alangli aju kavepin achainong aloso pinangji lapen alangli pap apot la Hemphu aphan athok pinangji.

LEVI 4:32

Mane abang jongsi pap athok aphan biresak ejon van pulote la api aju kavepin nangji.

LEVI 5:15

Hemphu angno kangthir et ason kechetu thekthe pen ajok mane abang mathakrang pen pap klemlo pulote, alangli Hemphu aphan isi kechetuthu athok biresak alo mate bi alo aju kavepin ejon athok pinangji. Kejor-kelangbom ador atengsi la pathik nangpo.

LEVI 5:18

Kechetuthu athok kurusar aphan la pinangpo, biresak kalite bi alo ejon aju avepin nangji. La ador ke halaso ahut kejor-kelang ador atengsi pathik nangpo. Kurusar abang halabangso amonit kemathakrang pen kelet apap athok pajirpo, lapen halabangso amonit aphan diyadetpo.

LEVI 6:2

Mane abang jongsi akorte Israel atum kebirti-tekang amar kevoithuji aphan aninghanghe mate alangli pen ajehak amar kechonghupon mate alangliphan kepachobei

LEVI 6:8

Moses aphan Hemphu hukum pilo.

LEVI 7:16

Mane abang jongsi kechechak kechepachok mate amethang aning-kangsam adan kepiji pulote, la kepajir arni amat la kadokave cho-et nangli lapukali, bonta ahin an puthot adap seta chotame.

LEVI 8:18

Adunthu, kephrin athok aphan Moses biresak alo vanlo, lapen Aaron lapen asopomar atum la aphu athak ari bat-lo.

LEVI 8:21

Aphek-angthin lang pen cham et aphi, dovan athak biresak arpum kangthim Moses me phrinlo, la kephrin athok-lo, lapen angnim Hemphu aningdok-lo, Hemphu aphan isi me kephrin athok Hemphu kepi ahukum ateng-lo.

LEVI 9:2

Alangli Aaron aphan pulo, “Chainong aloso lapen aju-kavepin abiresak alo ejon ponnon, lapen lahei Hemphu aphan athok pajirnon, chainong ke pap athok aphanlo, lapen biresak alo ke kephrin athok aphanlo.

ZEKARIAH 13:7

Thurnon, O nokjir, Ne biresak kevi atum abe thurnon, Ne dung karjap abang abe thurnon, pu muluk a-Hemphu-si kepulo. “Biresak kevi abangphan areng pasonon, anke biresak atum pratjampo; Ne bihek-hak atum abethurpo.

MALAKI 1:14

Kepacherei abang aphuthak ahirjuno padonang! Atheke alangli hur angbong alo abiresak do seta chechaksi api si Hemphu aphan karklijisi pilo; athe Ne helo kethenei arecholo, muluk a-Hemphu si kepulo, lapen khei-heihei atum angbong Ne men aphan phere.

KELAKHA 15:3

Chainong alo ejon, biresak alo ejon, biresak mate bi ejon, Hemphu aphan kephrin athok mate kechechak chepachok akarkli mate ningkehang athok mate dhorom arong-aje along kaike kepibom athok pi tame; lahei ahim athok angnim Hemphu aphan aningpadok-lo.

KELAKHA 15:8

Chainong alo ejon Hemphu aphan kephrin athok kepajir ahut, mate kechechak kechepachok athok kepi ahut, mate kejelang athok kepi ahut,

KELAKHA 19:2

lapen Israel atum aphan lahei aron pathantoilo: Moses lapen Aaron along ake-ang achainong api la kam paklemklepinlang lapen thangnat akehingno ta ave achainong vannon,

KELAKHA 23:19

Arnam ke monit ason kali, monit ke pachobei; Alangli ke monit ason aning chelarvoive. Alangli kechechak aling, la klemlo; Alangli ningjelo, lapen la klemtang-lo.

KELAKHA 23:27

Balak pulo, “Nelilong nangdunnon, lapen neli nangliphan along kaprek nangponpo. Hadak Arnam nelijoine halatum aphuthak nanglipen ahirjuno papilong tahai mene.”

KELAKHA 23:3

Anke Balak aphan Balaam pulo, “Nangli kephrin athok pen ladak-le arjapthernon, neliphan Hemphu nangchetongjine nangchetongtelone neli kedam ahut ladak donon.” Lason alangli kangtuinei anglong aphuchong athak inutvet damlo,

KELAKHA 23:30

Alangliphan kepu atengsi Balak klemlo, lapen adovan alongtin along chainong ejon lapen biresak ejon athok pilo.

KELAKHA 28:11

Chiklo kecheng arni Hemphu aphan kephrin athok pajir nangji: Chainong aloso jonni, biresak alo ejon, biresak aloso jon throksi, kadokaveta hingnonepin nangji.

KELAKHA 28:19

Hemphu aphan kecho adan kepijile kephrin athok pajirnon; Chainong aloso jonni, biresak alo ejon, lapen ningkan isi arta abiresak aloso jon throksi, hingnonepin van-nangji.

KELAKHA 28:31

Lahei pajirnon lapen drakha ahorlang athokta pinon, lahei ke arnivang kepi kephrin athok lapen sok-sang athok-heihei abat-lo.

KELAKHA 29:13

Kecheng arni Hemphu aphan me kecho athok pajirnon, laso angnim alangliphan aning pangsamlo: jon krekethom achainong aloso, biresak alo jonni, lapen ningkan isi arta abiresak aloso jon krephli hingnonepin pinangji.

KELAKHA 29:2

Hemphu aphan isi kephrin athok pajirnon, laso angnim Alangliphan aningpadok-lo. Chainong aloso ejon, biresak alo ejon, ningkan isi arta abiresak aloso jon throksi hingnonepin api pinangji.

LUK KETOK ABIRTA KEME 1:35

Pherangke thaksi alangliphan pulo, “Karjong Kangthir nangli phuthak vangji lapen Arnam ajakong nangli phuthak sakokpo. La apotsi la kangthir a-oso aphan Arnam a-Sopo pusi pudetji.

JON KETOK ABIRTA KEME 1:36

alangli Jisu aphan tovar kedam thek-longsi pulo, “Jaho langtha, Arnam a-Biresak a-So!”

JON KETOK ABIRTA KEME 10:7

Lasi Jisu puthulo, “Neli nanglitum aphan ahokpetsi nangpulang, neli helo biresak atum kelut anghap-lo.

JON KETOK ABIRTA KEME 10:9

Neli helo inghap-lo. Nelinat pen aroi arlo kelutdam abang aling ke jokji. Labangso abang aroi arlo lutji, ingtan nangbar longji lapen chopan longji.

2 KORINTH 8:12

Pima jongsi kepiji aning kehang dolo tangte, nanglitum akhi ateng pen kepi adan Arnam dengji. Nanglitum kavedet asonsi nanglitum pi nangji, lapu kali.

2 KORINTH 9:7

Abangphutin amethang aning arlo kecheparai asonthot-le papinang; aning duk pen, kalite pivek nangji apotsi pilo, lapu kalidet nangji. Pima aning arong pen kepi abang aphan Arnam inghon.

EPHESAS 2:18

Khristo pen ajoksi ilitum kadokaveta, atheke Jihudi lapen Jihudi kalidet atumta isipet a-Karjong akerap pen ajok Arnam along vanglong-lo.

EPHESAS 5:27

lapen mondoli aphan alon kepado parpik pen, atheke thang aphik kero, kechekedu lapen thang akehingno kepavedet pen amethang arideng kechehodaiji aphansi, lapen mondoli kangthir-etji lapen thangta kedin movedetji aphansi alangli lason amethang apran chepilo.

KETHAN 12:27

Hemphu adovan along-le kephrin pangthim athok-heihei hadak-le pajirnon. Lapen nangtum kechoji a-ok athok ta hadak-le pinon lapen dovan athak-le avi ke dungnon.

KETHAN 15:21

Bonta pi along pine jongsi kechokche do pulote, atheke akeng tekok jok, mate amek selokjok mate pine akechokche do pulote, nangtum nang Arnam Hemphu aphan lahei athok pajir nangne.

KETHAN 17:1

Pine kechokche kedo achainong mate abiresak Hemphu aphan athok pajir nangne; lahei Hemphu hijimlo.

IBRI 7:26

Tangte ilitum akenangji ason hei hei ekepithek a-Kurusar Kethenei ke Jisu helo. Alangli ke ingthir-et, thang ado, mate apap ave. Arnam alangliphan papi atum pen paprek-lo, lapen alangliphan sining hei hei apar rung pangtui tang-lo.

IBRI 9:14

Labangso apar Khristo avi klem unmulo. Alangli amethang amat kechok-lim athok cheplangsi kejut un-e akai anta kedover a-Karjong pen ajok Arnam aphan thok-lo. Kerengver Arnam aphan ili kardom kangduk thekji aphan Khristo avi ke ilitum along pen ale kave aron atang akam hei hei pakaksi ilitum aning angthin pangthirlo.