KETHAN 7:9 - BAIBEL KANGTHIR (BSI)

⁹ Chemathatha, nang Arnam Hemphu-si Arnam chot, lapen Alangliphan kanghon lapen ahukum kekroi atum aphan Alangli ove suri anta kanghon paklang,

KETHAN 7:9 ပူးပေါင်းရင်းမြစ်များ

KECHENG 17:7

“Nangphan lapen nangso-nangsu aphan mo-aphi a-ove-ove anta isi kaike-kedover akechepathik aloh ason Nelamchak chebilo. Ne ke nang Arnam lapen nangso-nangsu atum a-Arnam plangpo.

KECHENG 28:15

Chematha-tha, Ne nanglong doji, lapen nang kedam aling nangraiji, lapen laso alongle along Ne nangphan nang-vanthudetji. Nangphan Ne kechak ason an paplengpletik Ne nangphan nang-lole.”

KECHENG 9:15

Ne nangphan lapen pi amar an aputhak chemathapo lapen kereng-et api an aputhak langthepi pen ajok pavirvelo.

1 RECHO 8:23

Arnam ardomlo, “Israel Arnam Hemphu, sining angsong mate pirthe athak nangsonthot Arnam avelo! Nang rat aphan kechechak alam nang chebilo lapen halatum nangphan aning aklong akekroi pen reng-lote Nang kanghon paklang-lo.

1 PHURKIMO 16:15

La kepinchong kepadoverji Arnam a-Kechejok tengneri,

2 PHURKIMO 6:14

La ardomlo, “Israel a-Arnam Hemphu, sining kedo-an lapen pirthe adang Nangsonthot Arnam nahokta avelo. Nangrat atum pen Nang Kechejok alam chebiver lapen latum aning aklong pen Nangphan kroilote Nang kanghon halatum aphan paklang.

NEHEMIAH 1:5

“Sining Arnam Hemphu! Nang thepik lapen Nangphan pheresi netum arjap. Nangphan kechinghon lapen Nanghukum keklem atum aphan kekroi thirklong pen Nang kechechak ateng dover.

NEHEMIAH 9:32

“O Arnam, netum a-Arnam, Nang ko-an kethe! Ko-an pherememe, ko-an jakongkethe! Nang kekroithirklong pen Nang kechejok kechechak-heihei chebi, Assiria arecho netum aphan kechenek arni pen non anta netum kesung chechak nangbomlang! Netum arecho atum netum ajalin atum netum akurusar atum, lapen montri atum, netum aphusar atum lapen kedo-an netum rat aso atum ke sung-chechak Nang-lo. Mathatha, netum ko-an sung chechak Nang-loma!

LUN ALOHTHUI 103:18

La Kechejok Aloh ateng ahokpet pen, lapen la ahukum-heihei kekroipame atum aphan doverji.

LUN ALOHTHUI 105:8

La kechechak aloh ateng kaike klemverpo, la suri isi a-ove aphan chechak-lo.

LUN ALOHTHUI 119:75

Ne chini nang akangsai-heihei dhoromipet, Hemphu, Lapen nang nephan aduk pilo, pima nang kekroi thirklong.

LUN ALOHTHUI 146:6

lapen sining pirthe lapen talo, lapen lahei alang kedo-an kepinchong abang, Hemphu Arnam aphan chiki abang rengme.

LUN ALOHTHUI 36:6

Nang dhoromi inglong ason ingtuiving-lo, nang ahok akangsai talo aklong ason thirlo, monit lapen pi atum nangridengsi dolo.

KEBAR 20:6

Bonta Nephan kechinghon lapen Ne aron-heihei kekroi abangphan ove suri suri anta Ne kanghon paklangverji.

ISAIAH 49:7

Kehijimhurnei det-heihei atum kehijim abang lapen kepangri atum aban aphan, Israel a-Arnam Kangthir lapen kepajok abang pulo, ‘Nang kejok recho atum nang thek longpo lapen halatum thurpetsi nangphan man nangpiji; rechoso atum la kethek long abang nangphan man kepijisi halatum angphun chingdilo.’” Lason plangji pima Hemphu-si aban aphan ingvailo; Israel a-Arnam Kangthir kechechak alam chebi.

JEREMIAH 32:18

Suri-suri abangphan Nang chimitmepin akanghon paklang-lo, bonta apo-apei apap-heihei apot monit aphan Nang adukpilo. Nang ke thedung lapen kangtangrak a-Arnam; nangke Jakongkethe Hemphu lo.

NINGDUK ALUN 3:23

Adap ason mirak lapen arni kevang ason vangvek.

DANIEL 9:4

Neli ne Arnam Hemphu aphan choningrilo, lapen nerat atum apap-heiheita chekobirlo. Neli pulo, “Hemphu Arnam, Nang thepik, lapen netum Nangphan man pi. Nang kechejok alam aputhak Nang kekroithirklong, lapen Nangphan kechinghon lapen Nanglam kekroi abangphan chelarlepin akanghon paklang.”

KELAKHA 14:18

‘Ne Hemphu, neke ningthidapde lapen ne ke thedung akanghon lapen kekroithirklong lapen pap kediya, lapen kethurkrap aputhak paklang. Seta ne asomar atum aphan lapen asumar atum aphan ove kethom ovephli anta latum apo atum apap apot aduk pipedetji lapu kali.’

ROM ASOR ATUM APHAN POL KETOK ALOH 8:28

Kadokave asonta Arnam ke akeme aphansi keklem athema Arnam aphan kanghon, atheke alangli kam aphan alangli ning kehang ateng kephatang atum pen kam klem rap rap-lo, pu ilitum chinilo.

1 KORINTH 1:9

Amethang a-Sopo, atheke e-Hemphu Jisu Khristo pen ilitum aphan kepachelangpetji aphan ilitum aphan kepha a-Arnam ke kechiki ening thek-long abang-lo.

1 KORINTH 10:3

Halatum kadokaveta esonpet akarjong a-an cholo,

1 KORINTH 8:3

Bonta Arnam aphan kechinghon abang aphan ke Arnam chini.

2 KORINTH 1:18

Bonta Arnam ke ahokpet abang-lo asonthotsi, nelitum nanglitum aphan kethan alamta ahokpetsi, “kali” “Kalang”, lapu kalilo.

KETHAN 32:39

“Ne lapen Ne inutpetsi Arnam chot; akaprek arnam ke ahok kali. Ne pathi lapen chethe pi, areng amekta pado lapen pame, lapen Ne kopima keklem baduta nang hili un-e.

KETHAN 32:4

“Hemphu-ke nangtum aphan thedung nangkechedanpi abang-lo, Alangli tovarke chok-lim lapen ingsaipame; Nang Arnam ke kekroithirklong lapen ahokpet; kopisi akechok lapen akeme la klemlo.

KETHAN 4:35

Hemphu ke nangtum aphan la paklang-lo, la ke Alangli inutnatsi Arnamlo, lapen akaprek avelo pu aporman nangpilo.

KETHAN 4:39

Lasi pini chemathanon, lapen kaiseta tengnerinon: Hemphu-ke sining lapen pirthe a-Arnamlo. Akaprek arnam avelo.

KETHAN 5:10

Bonta Nephan kechinghon lapen Ne hukum kekroi atum aphan suri suri a-ove anta Ne kanghon paklangji.

1 THESALONIKA 5:24

Nang-litum aphan nangkepha abang ke kekroi thirklong abang-lo apotsi alangli la klemji.

2 THESALONIKA 3:3

Bonta Hemphu-ke kekroi thirklong abang-lo. Alangli nanglitum aphan jakong nangpiji lapen Kehingno a-Bang arideng pen nangraiji.

2 TIMOTHI 2:13

Ilile kekroi thirklongkle setta, alangli ke kekroi thirklongbom, pima alangli amethang aphan chechobei un-e.”

TAITAS 1:2

Labangso akekroi lapen ahokpet alam ke kejut un-e achethe kelongji aphan aning pathelo. Arnam ke chobeibe; alangli labangso achethe ekepiji alam kai chengche ako pen echak-lo,

IBRI 10:23

Ilitum kechekobirdam aning kethe ason aphan ili ning theklongbom lonang, pima ilitum aphan ekechak abang, Arnam ke kechaktang alam ateng klemvek, lake ili chinilo.

IBRI 11:11

Abraham sar-olo lapen Sarahta aso kechopatheji arta littang-lo setta alangli kekroi pen ajoksi po planglong-lo. Pima alangliphan kechak abang ke alam kechak ateng klemvek pu alangli kroithip-lo.

IBRI 6:18

Tangte la sonni kelar un-e alam do, lapen Arnam labangso alam ke chobei un-e. Lasi ili, Arnam along kechepachongdam atum ke, alangli ilitum aphan ning ekepathe ason kelongji aphan ning kechetheklongji ajakong long-lo.

JEMS 1:12

Asat pho setta kekroi kechepathirthip abang rengme. Pima asat chechak undet-lote Arnam aphan kanghon atum aphan Arnam piji pu kechaktang achethe avaikang alangli longji.

1 JON 1:9

Bonta ilile emethang methang apap hei hei Arnam angno chekobir lote alangli ke amethang kechak ateng keklem abang lapen dhoromipet abang-lo apotsi alangli epap hei hei diyaji lapen ilitum akehingno akam anta pakakji.

KANGSAI ATUM 2:1

Hemphu apherangke Gilgal pen Bokim damsi Israel arat aphan pulo, “Ne nangtum aphan Ijip pen nangvanlo, lapen nangphusar atum aphan ne kechak alongle along nangvanlo. Ne pulo, ‘Nangtum pen kechejok aloh kaita phriphrelo,

KANGSAI ATUM 5:31

Nang hotur an lasonthot-le pathinang, O Hemphu, bonta nangjirpo atum arni kevang atur ason paturbong nang! Lapen det angbong ningkan 40 ningkangsam pen dolong-lo.