KETHAN 7:8 - BAIBEL KANGTHIR (BSI)

⁸ Bonta Hemphu nangtum aphan inghon lapen nangphusar atum aphan Alangli kechechak apot paplengji Alangli ninghang-lo. La apotsi Alangli jakong pen nangtum aphan nangpajok-lo, lapen Ijip arecho along ban kedo pen nangpajok-lo.

KETHAN 7:8 ပူးပေါင်းရင်းမြစ်များ

KECHENG 19:16

Lot aning pakungkeng-lo. Tebonseta Hemphu alangli phuthak ingjinsolo, lasi banghini amonit atum alangliphan, apiso aphan lapen asopimar banghini aphan ari pen ponsi ha rongsopi angtan padodam toilo.

KECHENG 19:29

Bonta Lot kedo arongsopi a-arlok Arnam kepavir ahut alangli Abraham aphan chemathalo, lapen Lot aphan pajok-lo.

2 SAMUEL 22:20

Kepherememe pen la nepajok-lo; la nephan nepajok-lo, pima la nephan aning ingsam-olo.

1 RECHO 10:9

Nangli Arnam Hemphu aphan rolo! Nangliphan Israel arecho kepaplang pen ajok la nangliphan ko-an aning dok-loma la paklang-lo. Pima la Israel aphan akanghon ke kaike aphanlo, la nangliphan halatum arecho paplang-lo, anke nangli aron lapen ahok-kangsai pangri thekpo.”

1 PHURKIMO 16:16

Abraham lapen alangli Kechejok, Isaak aphan la kechak ason an.

2 PHURKIMO 9:8

Nangli Arnam Hemphu aphan chorolo! Nangliphan recho nangkebat pen ajok la nangliphan ko-an aning ingsamloma la paklang-lo, alangli men pen kepangriji aphan, pima la amethangsi arat Israel aphan chinghon-o-lo lapen kaiketa halatum aphan kepadoverji aninghang, halatum aphuthak nangliphan recho bat-lo anke nangli aron lapen ahok-akangsai klem unpo.”

LUN ALOHTHUI 105:42

Alangli ban Abraham aphan kechak alam chemathalo,

LUN ALOHTHUI 44:3

Nangrat aso anokjir pensi, bangso adet chepa Hemphu long-lo lapu kali, latum ajakong penle kehai i-long kali, la nang jakong lapen nang kangtang pen apot, nang kedodun pen ajok nang, latum aphan kanghon paklang-lo.

LUN ALOHTHUI 44:4

Nang ne recho lapen ne-Arnamlo, nangrat aphan nang pahailo,

KEBAR 13:14

Mononphi la ketalon athe kopilo pu nangsopo nang arjulote, la aphan nang thak-nangpo, “Amethang thedung ajakong pensi etum aphan Hemphu Ijip adet pen evandet-lo, hadak etum ban si kedo nang-lo.

KEBAR 13:3

Rat atum aphan Moses pulo, “Laso arni chemathanon, nangtum Ijip ke-o arni, nangtum ban kedo adim. Laso arnisi Hemphu ajakong kethe pen nangtum aphan nangvandet-lo. Thap kedo ahim ke chochedetpo.

KEBAR 20:2

“Ne helo Hemphu, nang Arnamlo, nangtum Ijip along ban kedo pen nangkevan abang-lo.”

KEBAR 32:13

Nangban Abraham, Isaak lapen Jakob aphan chemathatha. Latum aphan sining angsong achiklolongso an aso-asu pipo pu Nang kechak alam lapen halatum aso-asu atum aphan kepiji pu alongle latum kaike aphan chepahemphu longpo pu kechak alam Nang chematha damtha.

KEBAR 6:6

Nesi Israel aso aphan kepulo pura latum aphan thannon, ‘Ne Hemphu lo, Ne nangtum aphan nangpajokpo, lapen Ijip aso arideng ban kedonang pen nangpajokpo. Latum aphuthak pherememe aduk kepijisi Ne jakong kethepik ari chirungpo, lapen Ne nangtum aphan nangpajokpo.’

ISAIAH 43:4

Nangchethe nangkepajokjisi khei atum aphan o-et po, pima nang nephan ador sopik lapen pima ne nang chinghon-o, lapen nangphan man nangpi-o.”

ISAIAH 63:9

latum akesung an pen. La pherangke kali, bonta Hemphu amethangsi latum aphan pajok lo. Alangli kanghon lapen kangjinsosi halatum aphan alangli pajok-lo. Hako pen ta latum aphan alangli kaita ora lo,

JEREMIAH 31:3

heloving adim pen Ne cheklang-lo. Israel arat atum, nangtum aphan Ne kaike nangchinghonlo, lasi Ne kechemitmepin akanghon paklang-verpo.

EZEKIEL 36:22

Non lasi, Ne, Keklem-un a-Hemphu Israel atum aphan kepunangji alam thannon: Ne kopima keklemji lake nang Israel aso atum aphanchot lapu kali, bonta Ne men kangthir apot, nangtum kedam aling anong kepajuno amen.

MIKAH 6:4

Pima Ne Ijip adet pen nangvanlo, lapen kebeng ahem pen nanglangtang-lo; lapen nang ingno Moses, Aaron lapen Miriam nangtoilo.

MIKAH 7:20

Hako ahut pen phusar atum aphan alangli kechak asonsi, Alangli Jakob aphan kekroi thirklong lapen Abraham aphan larle akanghon paklangpo.

ZEPHANIAH 3:17

Hemphu, nang Arnam nang angbongsi do, inut kechedan abang, la nangpahai longji; Alangli kanghon pen nangliphan chethe pamithupo, Asekethe alun pen Alangli nangphuthak ning cheparongpo.

MALAKI 1:2

“Ne nangtum aphan chinghonlo,” Hemphu pulo, Bonta nangtum pulo, “Nang kosonsi nang inghonloma?” Iso lapen Jakob atum korte kalima? Hemphu-si pulo. “Ne Jakob aphan chinghonlo,

MATHIU 11:26

ahok-lo Po, pima lake nangning kedok alamlo.

LUK KETOK ABIRTA KEME 1:55

Alangli Abraham aphan lapen la aso asu atum an kaike aphan kangjinso kepaklangjisi mathalo.”

ROM ASOR ATUM APHAN POL KETOK ALOH 11:28

Jihudi atum Birta Keme dengdedet-lo apotsi nanglitum Jihudi kalidet atum pen apot halatum Arnam ahotur plang-lo. Bonta Arnamsi halatum aphan ingvailo apotsi, halatum aphusar atum pen apot Arnam halatum aphan inghonbomlo.

KETHAN 1:8

Lahei alongleke Ne, Hemphu si nangtum aphusar Abraham, Isaak lapen Jakob lapen apoton atum aphan kepiji pu kechak alonglelo. Damra la cheraidamnon.’ ”

KETHAN 10:15

Bonta nangphusar atum aphan Hemphu lapu-an kanghon kethe Alangli akaprek arat aphan ingvaivesi nangtum aphan ingvailo, lapen nanglitum ke Alangli kangvaitang arat atumlo.

KETHAN 23:6

Nangtum khei dotik ke, laso akhei aphan nangtum thangnatta rap-rinon mate pachingthurrinon.

KETHAN 33:3

Hemphu ke arat aphan chinghon lapen Alanglilong kedo atum an aphan rai. Lasi ili Alangli kengri ingphun pangkilo lapen Alangli hukum-heihei kroilo.

KETHAN 4:20

Bonta nangtum ke Alangli Ijip adet kekar-ang amede pen kepajoktang arat-lo. Nangtum pini keplang asonsi Alangli nangtum aphan amethang arat kepaplangji si nangtum aphan Alangli nangvanlo.

KETHAN 4:34

Kaprek arnam atum isi arat aphan kaprek akhei angbong pen kevanji aphan damhaijima, lapen nangtum aphan Hemphu Arnam Ijip along nangkeklem ason amethang arat chepinchong unjima? Nangtum amek angden Alangli jakong lapen kangtang chepaklang-lo Alangli avur lapen ron vanlo, manghumeme ason ason Alangli klemlo lapen kepherememe akam paplang-lo.

KETHAN 4:37

Nangtum aphusar atum aphan Alangli chinghon-o apotsi, nangtum aphan Alangli ingvailo, lapen Alangli thedung ajakong pen nangtum aphan Alangli ha Ijip pen nangvanlo.

KETHAN 5:6

“Neke nangtum Arnam Hemphu, nangtum ban kedo adim, Ijip pen nangkepajok a-Bang-lo.”

1 JON 4:19

Ilitum inghon, pima Arnam ilitum aphan e-inghon paphrang-lo.

1 SAMUEL 12:22

Hemphu nanglitum aphan chechakthip-lo, Alangli nanglitum aphan nang-o-elo, athema la nanglitum aphan amethang arat aso kepaplangjisi phartang-lo.