KETHAN 7:7 - BAIBEL KANGTHIR (BSI)

⁷ Akaprek akhei atum aphan nangtum aphai ong munak apot-le Hemphu nangtum aphan nangkanghon lapen nangkangvai lapu kali; nangtum ke pirthe athak kebinei akheilo.

KETHAN 7:7 ပူးပေါင်းရင်းမြစ်များ

1 PHURKIMO 16:19

Arnam arat ke aphai ong-e, Kanaan adet along det kaprek asor plang-lo.

LUN ALOHTHUI 105:12

Arnam arat aphai ong-e ahut, Kanaan adet along kechinine amonit ason plang-lo.

LUN ALOHTHUI 105:6

Arnam keklem manghumeme akam, lapen la akangsai-heihei chemathatha.

LUN ALOHTHUI 115:1

Nangliphan chotji, O Hemphu, nangliphan chotji, lapen netum aphan kali anong kepiji, pima nang kanghon chemitme, lapen kekroithirklong.

LUN ALOHTHUI 44:3

Nangrat aso anokjir pensi, bangso adet chepa Hemphu long-lo lapu kali, latum ajakong penle kehai i-long kali, la nang jakong lapen nang kangtang pen apot, nang kedodun pen ajok nang, latum aphan kanghon paklang-lo.

ISAIAH 51:2

Nangtum keplang nangphusar-nangphisar Abraham lapen Sarah alam mathadamtha. Ne Abraham aphan kehang ahut, la asomar ave, bonta laphan Ne pahirjumelo, lapen laphan a-somar pilo, Ne la asomar pa-ongdung-lo.

ISAIAH 63:9

latum akesung an pen. La pherangke kali, bonta Hemphu amethangsi latum aphan pajok lo. Alangli kanghon lapen kangjinsosi halatum aphan alangli pajok-lo. Hako pen ta latum aphan alangli kaita ora lo,

EZEKIEL 20:5

Ne kopi si latum aphan kepuma thannon. Ne, Israel aphan kangvai ahut latum aphan Ne isi pachechak-lo. Ijip along latum aphan Ne cheklang-lo, lapen pulo: Ne Hemphu nangtum a-Arnamlo.

EZEKIEL 36:22

Non lasi, Ne, Keklem-un a-Hemphu Israel atum aphan kepunangji alam thannon: Ne kopima keklemji lake nang Israel aso atum aphanchot lapu kali, bonta Ne men kangthir apot, nangtum kedam aling anong kepajuno amen.

MATHIU 7:14

bonta kereng-iji achethe anat kedam anghap angho ke bihek, atovar ta chingkinret lapen la kethek long atum ong-e.

LUK KETOK ABIRTA KEME 12:32

“Phereri, O bihek asong, pima nangtum aphan Rat kepijisi nangtum a-Po aning dok-olo.

ROM ASOR ATUM APHAN POL KETOK ALOH 11:6

Arnam halatum aphan amethang akangjinso pensi ingvailo, halatum keklem akam apot kali. Pima jongsi monit atum amethang akam apotsi Arnam halatum aphan ingvailo tangte, alangli akangjinso ke ahok akangjinso kalilo.

ROM ASOR ATUM APHAN POL KETOK ALOH 9:18

Tangte lahelo, Arnam ke amethang aning kehang aling aphan ingjinso lapen amethang aning kehang aling aphan aning pangtang.

ROM ASOR ATUM APHAN POL KETOK ALOH 9:21

Phule kethip abang isipet alongle angkleng pen amethang aning kehang aling kethipji lapen isipet alongle angkleng pen hini aphule, isi ke aman kedo aphan lapen isi ke kaike ke-en-iji aphan kethipji ajakong do, kalima?

KETHAN 1:10

Sining angsong achiklolongso asonsi nanglitum aphan nang Arnam Hemphu aphai nangpa-ongdung-lo.

KETHAN 10:22

Nangphusar atum Ijip kedam ahut, latum bang throksi kepvet. Bonta non nang Arnam Hemphu nangtum aphan sining achiklolongso asonsi pa-ongdung-lo.

KETHAN 14:2

Nangtum ke nang Arnam Hemphu amarlo; pirthe kedo arat atum an angbong pen amethang arat kepaplangjisi Alangli nangtum aphan nang ingvailo.

KETHAN 4:37

Nangtum aphusar atum aphan Alangli chinghon-o apotsi, nangtum aphan Alangli ingvailo, lapen Alangli thedung ajakong pen nangtum aphan Alangli ha Ijip pen nangvanlo.

1 JON 3:1

Po ilitum aphan ko-an e-inghon-loma, lale mathanon! Ilitum aphan Arnam asomar pusi ehang-lo. Alangli akanghon lapu-an akethe! Lapen ahokta ahok-lo, ilitumke Arnam asomarlo. La apotsi pirthe ilitum aphan chininelo, pima pirthe ke Arnam aphan chininelo.

1 JON 4:10

Kanghon la helo: ilitumsi Arnam aphan inghonlo, lapu kali, bonta alanglisi ilitum aphan e-inghonlo lapen ilitum apap ekediya-iji aphan alangli amethang a-Sopo aphan nangtoilo.