KECHENG 22:2 - BAIBEL KANGTHIR (BSI)

² “Nangsopo ponnon,” Arnam pulo, “Nangsopo po epumpet, Isaak, nang kechinghonnei abangphan ponnon, lapen Moriah adet damnon. Hadak Ne nang kepaklangji anglongpi athak, la Nephan athok nepinon.”

KECHENG 22:2 ပူးပေါင်းရင်းမြစ်များ

JON KETOK ABIRTA KEME 3:16

Pima Arnam pirthe aphan lapu-an kanghon, Sopo aphan kekroi atum an baduta kevirvedetji, bonta kejut un-e achethe kelongji aphan alangli amethang a-Sopo po epumpetta chepidet-lo.

ROM ASOR ATUM APHAN POL KETOK ALOH 8:32

Alangli amethang asopo aphan anta cherairesi ilitum kadokave aphan ajok alangliphan athok ason paplangsi thokdet-lo. Alangli ilitum aphan amethang a-Sopo epidet-lo, tangte alangli ilitum aphan kadokave amarta akejoi pen epipedetjima?

IBRI 11:17

Arnam asat kelang ahut Abrahamta kekroi kedo ajoksi asopo Isaak aphan athok ason paplangsi thok-lo. Arnam Abraham aphansi chak-lo, bonta alangli inutnat asopo aphanta athok ason paplangsi kethokji momedet-lo.

KECHENG 22:16

“Nemen pen Ne chechak-lo Hemphu-si ningjelo, Ne nangphan pahirmepikpo. Pima nang la klemlo, lapen nangsopo po epumpet ta Ne pen khangkhedet-lo,

KECHENG 17:19

Bonta Arnam thak-lo, “Kali, nangpiso Sarah nangphan inut pinso a-oso amahang nang pathek pipo lapen laphan nang Isaak pule amen irnon. Alangli pen lapen alangli aso-asu pen Ne kechejok aloh pathikpo kaiketa. La ke isi kejut un-epin akechejok.

2 RECHO 3:27

Lasi la alar recho kechoji abang aso akleng aphan rongsopi apai along Moab arnam aphan arklidet-lo. Israel atum pheresi rongsopi pen chiruilo lapen adet methang chevoi-et-lo.

KECHENG 22:12

“Oso aphan arengpasori mate thangta klemri, “alangli pulo. “Non Ne chinilo, nang Arnam aphan man pi lapen kroi, pima nang sopo po epumpet ta Nephan kepidetji pen chebibe det-lo.”

2 PHURKIMO 3:1

Solomon apo David Recho Kardomhemthepi aphan adim pathik-et-lo. La Jerusalem along, Moriah anglong hadak David aphan Hemphu kecheklang adimlo, la Jebusi-aso Araunah asok kesi adimlo.

KANGSAI ATUM 11:39

Chiklo jonni aphi bangpi apo along chevang-lo. La Hemphu aphan kechechak ateng pen klemlo, lapen pinso amahang thek-longle pin pen bangpi thinang-lo. La helo Israel angbong jutang keplang-lo,

KANGSAI ATUM 11:31

nephan nekechetongjira nehem pen nangkebar abangphu aphan ke isi athok asonsi ne nangphan nangpajir-detpo.”

KECHENG 21:12

Abraham aphan Arnam pulo, “Laso a-oso lapen nangbanpi Hagar aphan nangkematha chepasungri. Sarah nangphan kopima nangkepu alingle klemnon, pima la Isaak pen ajoksi Ne nangphan nangkechak nangso-nangsu dopo.

ROM ASOR ATUM APHAN POL KETOK ALOH 5:8

Bonta Arnam ilitum aphan ko-an e-inghonloma, lake alangli ilitum aphan epaklangtang-lo; atheke, ilitum papibomlang ahutsi Khristo ilitum aphan ajok thilo.

MIKAH 6:7

Hemphu suri suri abiresak alo-heihei lapen surikep alangroi-heihei ajangthu pen aning ingsamjima? Ne aron kangdi apot ne so-akleng, Ne karjong pap apot ne bang athe pipoma?

KECHENG 8:20

Anke Hemphu aphan Noah isi adovan bui pilo, lapen kangthir-et api ajattin, lapen vo kangthir ajattin, dovan athak athok pilo.

KECHENG 22:3

Puthot adap karkliji aphan Abraham ajehak atheng thumlo, agadha arthang-lo, lapen Isaak aphan lapen banghini aban atum cheponlo. Alangliphan Arnam kethan adim aphan latum bar pangcheng-lo.

KECHENG 22:9

Alangliphan Arnam kethan adim along latum nanglesi Abraham isi adovan builo, lapen la athak thengbat-lo. Asopo aphan alangli rak-het lo lapen dovan angsong theng athak batkok-lo,

KECHENG 21:3

Laphan Abraham ke Isaak pusi amen irlo,