KEBAR 7:3 - BAIBEL KANGTHIR (BSI)

³ Bonta Ne recho aning pangtangrakji, lapen Ijip adet along angthek-heihei lapen manghumeme ason-heihei Ne pa-ong seta,

KEBAR 7:3 ပူးပေါင်းရင်းမြစ်များ

NEHEMIAH 9:10

Recho abethursi Nang manghumeme akam klemtang-lo, alang asaihemphu la adet kedo-an arat abe Nangthurlo, pima Nang chini ko-an latum Nangrat aphan chenek-loma. Nang chepahaisi pini anta Nangnong dolo.

LUN ALOHTHUI 135:9

Recho lapen la aban atum aphan aduk kepijisi, hadak alangli manghumeme, lapen angthek-heihei akam paklang-lo.

LUN ALOHTHUI 78:12

Ijip adet Zoan aklam ajo, Arnam manghumeme ason keklem ahut, Latum aphusar atum thekdunlong-lo,

KEBAR 11:10

Recho angno Moses lapen Aaron lahei manghumeme akam klemlo, bonta Hemphu la aphan aning pangtangrak-lo, lapen Israel atum aphan alang det pa-o longle det-lo.

KEBAR 11:9

Moses aphan Hemphu putang-lo, “Recho abang nangphan nang arjuje bompo, lake Ijip along manghumeme akam ne keklem-oji aphanlo.”

KEBAR 14:4

Alangliphan Ne aning pangtangrakpo, lapen la nangtum aphi phi hungdunpo, lapen la lapen aron-armu aphuthak kehai lake Ne men aphan anong vanpo. Anke Ijip atum Ne helo Hemphu lo pu chinipo” Israel atum aphan kethan ateng si latum klemlo.

KEBAR 3:20

Bonta Ne Nejakong chepaklangpo lapen hadak pherememe akam keklem pen ajok Ijip aphan adukpipo. Laso aphi la nangtum aphan padam longpo.”

KEBAR 4:21

Puthot Moses aphan Hemphu pulo, “Non nang Ijip adet puthot chevoilo, chininon, recho angno kedo-an manghumeme akam-heihei keklemji ajakong Ne nangkepitang klemveknon. Bonta Ne, recho aphan aning pangtangrakji, lapen la rat atum aphan padam longledetji.

KEBAR 4:29

Lasi Moses lapen Aaron Ijip adet damlo lapen kadokave Israel ajalin atum aphan pangrumlo.

KEBAR 4:7

Anke Hemphu pulo, “Nangri puthot nangchoi arlo chebithunon.” Alangli la klemlo, lapen alangli la ingtan kechepon aphong ahut ke, la mesenlo, alangli bang akaprek areng asonthot-lo.

KEBAR 7:13

Bonta recho aning ingtangrak bomlang, lapen Hemphu kepu asonthot, Moses lapen Aaron alam recho arjujelo.

KEBAR 9:16

Bonta nangphan Nejakong kepaklemjisi Ne nangphan pareng-long-lo, anke Nenong pirthe adang bithe chethangphlup po.

SARLAMTHE 21:1

Hemphu arideng recho aning ke langjeng ason. La aning kehang alingsi la tevarpo.

ISAIAH 51:9

Mek-prangnon, Hemphu lapen nerapnon! Nangjakong chesekera nepajoknon. Hako ahut nang keklem ason klemnon, Nanghelo talo api Rahab aphan kangthan abang.

MIKAH 7:15

Ijip adet pen nangtum nangkebar arni ahut ason Ne halatum aphan manghumeme akam-heihei paklangpo.

JON KETOK ABIRTA KEME 4:48

Ansi Jisu alangliphan pulo, “Kemanghumeme akam hei hei lapen kemathadam un-edet akam kethe hei hei thek-longlete nanglitum kaita kroikre.”

AKAM 2:22

“Israel akortemarli atum, nang-litum labangso alam arjutha! La Najareth a-Jisu pen ajok Arnam kemanghumeme akam lapen angthek hei hei paklangsi alangli ke Arnam pen ajakong kelong amonit-lo pu nanglitum aphan paklangdak-lo. Lake nanglitum methangsi chinilo, pima lake nanglitum angbongsi plang-lo.

AKAM 7:36

Alangli halabangso amonit atum aphan Ijip adet pen japonlo, lapen alangli Ijip adet along, Talo Ke-er along lapen Kejejangtang ajo ningkan phlikep an kemanghumeme akam lapen kematha abidi kejutdet akam hei hei klemlo.

ROM ASOR ATUM APHAN POL KETOK ALOH 15:19

Lasi Jerusalem pen than pangchengsi Illirikam adet anta neli damsi Khristo alamjir a-Birta Keme pachethang tang-lo.

ROM ASOR ATUM APHAN POL KETOK ALOH 9:18

Tangte lahelo, Arnam ke amethang aning kehang aling aphan ingjinso lapen amethang aning kehang aling aphan aning pangtang.

KETHAN 4:34

Kaprek arnam atum isi arat aphan kaprek akhei angbong pen kevanji aphan damhaijima, lapen nangtum aphan Hemphu Arnam Ijip along nangkeklem ason amethang arat chepinchong unjima? Nangtum amek angden Alangli jakong lapen kangtang chepaklang-lo Alangli avur lapen ron vanlo, manghumeme ason ason Alangli klemlo lapen kepherememe akam paplang-lo.

KETHAN 7:19

Nangtum nangmek hini pen kethek-long kepherememe avur, manghumeme akam-heihei lapen angthek-heihei lapen alangli thedung ajakong lapen kangtang rak ajakong pen ajok nang Arnam Hemphu nangtum aphan nangpajok-lo. Lasonthotsi Alangli Ijip atum aphan pavirlo, lapen non nangtum kephere arat aphan Alangli pavirdetpo.