KEBAR 5:3 - BAIBEL KANGTHIR (BSI)

³ Moses lapen Aaron atum thak-lo, “Netum aphan Ibri atum a-Arnam si amethang nangcheklang-lo. Netum a-Arnam Hemphu aphan kejejangtang ajo kethok kepajir damjile nithom nelitum aphan nelipadam longnon. Jongsi nelitum la klemkle pulote Alang nithom elitum aphan keso pen ajok mate ron pen ajok epathi-et-po.”

KEBAR 5:3 ပူးပေါင်းရင်းမြစ်များ

2 RECHO 17:25

Halatum hadak kedocheng ahut halatum Hemphu aphan archoche lasi la hingho toipaksi ajehak aphan pathilo.

2 PHURKIMO 30:8

Halatum ason bang alam arjujeri, bonta Hemphu aphan kroinon. Nang Arnam Hemphu kaike aphan kroinon, kepangthirtang a-Kardom, hemthepi, Jerusalem along vangpetnon, lapen Alangliphan archonon anke Alangli nanglitum aphan aning thivervedetpo.

EZRA 7:23

Mathapamera Sining Arnam amethang Kardomhemthepi aphan kenangji amar an pinon, lapen ne lapen nephi kepangri atum aphuthak Alangli aning kethithe detjile akeme klemnon.

KEBAR 3:18

“Ne rat aso atum nang halatum aphan kopisi kepujima arjupo. Anke nang Israel ajalin atum penpen Ijip arecho along damnon lapen alangliphan punon, ‘Hemphu, Ibri atum a-Arnam, neliphan nangcheklang-lo. Non lasi nelitum aphan Hemphu nelitum a-Arnam aphan kethok kepajirjile nithom kejejangtang ajo neli padam longnon.’

KEBAR 7:16

Anke recho aphan punon, ‘Hemphu, Ibri atum a-Arnam si nangliphan Alangli rat aphan kepadamtoijisi neliphan netoilo, anke latum kejejangtang ajo Alangphan archo longpo. Bonta nonpu anta nangli arjuje.

KEBAR 8:1

Anke Moses aphan Hemphu pulo, “Recho along damra Hemphu si kepulo pura than damnon, Nerat atum aphan padam longnon, anke latum Nephan Ne archo longpo.

KEBAR 8:20

Moses aphan Hemphu pulo, “Penap adapprang damra recho aphan la langroi anat kedam ahut chetong dunnon, lapen Hemphu-si kepulo pu thannon, ‘Ne rat aso aphan padam-longnon, anke latum nephan Ne archo unpo.

KEBAR 8:27

“Netum a-Arnam, Hemphu aphan athok kepiji aphan dak pen kejejangtang ajo anat Alang hukum nekepi ateng nithom dam nangji.”

EZEKIEL 6:11

Keklem un a-Hemphu pulo, “Nangri hongni chepasimnon! Nangkeng saknon! Ningduk pen chiru non pima kehingno an, kehijimmeme akam an Israel atum keklem apot. Latum ron along thiji, akhim pen ajok, lapen keso pen ajok thipo.

LEVI 26:25

Nangtum Ne pen kechejok aloh kangdi apot nangtum aphan aduk nangkepijisi ron Ne nangtoipo, lapen nangtum jongsi kejokji aphan rongsopi-heihei along chingrumlote, nangtum angbong keme-un-epin akeso Ne nangtoipo, anke nangtum nanghotur arideng chehodai jokjedetpo.

KETHAN 28:21

Alangli nangtum aputhak nangtum kecheraiji pu alongle along keso chetangphlup-phletik ke keso aputhak keso nangtoipo