KEBAR 5:2 - BAIBEL KANGTHIR (BSI)

² “Hemphu komat-lo?” Recho arjulo. “Ne kopisi alangli lam karjunangpo, lapen Israel atum aphan padam-longpo?” “Ne Hemphu aphan chinine; lapen ne Israel atum aphan padam-long-le.”

KEBAR 5:2 ပူးပေါင်းရင်းမြစ်များ

2 RECHO 18:35

Netum Arechokethe arideng pen lahei adet atum a-arnam halatum adet cheraithek-loma? Tangte kopisi Jerusalem aphan Hemphu rai unpo pu nangtum kemathama?”

2 PHURKIMO 32:14

Netum pen halatum adet kedo-an a-arnam atum amethang adet aphan pajok unpo pu nangtum aphan Hezekiah nangpachobei longri, mate lason nang paklem longrinon.

2 PHURKIMO 32:15

Laphan kroiri! Badu a-arnamta amethang arat aphan Assiria Arechokethe arideng pen pajok un-epinlang. Lasi nangtum a-arnam jokta nangtum aphan nangpajok un-elo!”

2 PHURKIMO 32:19

Latum Jerusalem a-Arnam aphuthak ningjelo lapen lasonsi akaprek adet atum a-arnam ari pen keselam akumlin aputhak ta ningjelo.

NEHEMIAH 9:10

Recho abethursi Nang manghumeme akam klemtang-lo, alang asaihemphu la adet kedo-an arat abe Nangthurlo, pima Nang chini ko-an latum Nangrat aphan chenek-loma. Nang chepahaisi pini anta Nangnong dolo.

JOB ALOH 15:25

Arnam abe kethur ari kechirung abang lapen jakong kethenei abang aphan kekroikre abang akopai lasonlo.

JOB ALOH 15:26

Halaso amonit anethe-o lapen thurkrap; la bang alam arjuje si achong chirungpo,

JOB ALOH 21:15

Arnam aphan kangdukji akenang avelo, pusi latum mathalo lapen alangliphan kardomji akenang avelo.

LUN ALOHTHUI 10:4

Inut kehingno abang Hemphu aphan mathathe; la chepindaksi la mathalo, “Arnam thangta kali.”

LUN ALOHTHUI 12:4

Latum pulo, “Elam pen eli kenangji ason long-lo. Etum eninghang aling ningjenang, Lapen baduta ekhamkhe un-elo.”

LUN ALOHTHUI 12:5

“Bonta non ne vangpo,” Hemphu pulo, “Pima keboi aphan chenektang-lo, lapen areng keso ar-emkhrung-lo. Latum aningkehang akerai latum aphan Ne pipo.”

LUN ALOHTHUI 14:1

Kelu atum amethang aning arlo chepulo, “Arnam ave.” Latum kadokaveta chopap-lo, Lapen latum hijim-meme akamsi klemlo; Kechokpet akam keklem abang baduta ave.

KEBAR 3:19

Ne chini, Ijip arecho aphan paklem bor-i pulote la nangtum aphan padam longle detji.

KEBAR 7:17

Non recho, Hemphu pulo, Alang keklemji akam pen Alang komatma nangli chinipo. Langtha, neli laso achin pen langroi athak thengpo, lapen lang vi cheplangdetpo.

SARLAMTHE 30:9

Ne dorphlup lote nangphan tengnedet tahai, lapen nepupo, “Hemphu komat-lo? “ lapen ne dukvok lote chonghudet tahai, lapen ne Arnam amen pahijimdet tahai.

JEREMIAH 42:13

Bonta nang Judah along kedo arat atum nang Arnam, Hemphu aphan kroikre nangne lapen laso alongle along domo nangne.

JEREMIAH 48:26

Hemphu pulo, “Moab aphan hor pangrithamnon, pima la nebe thur-tang-lo, Moab la keching-ok athak kong-longpo, lapen monit atum hiringjopo.

DANIEL 3:15

Lasi non pong-ut-heihei, pongsi-heihei, kumbeleng-chongdeng-heihei, kumbeleng-chordeng-heihei, kum beleng-heihei lapen kaprek kelun-i ason-amung-heihei arki karju long kecheng amat kumlin aphan ardomkhrupsi archo nangji. Jongsi nangtum klemkle pulote nangtum aphan men-men me angkang arlo phrindutpo. Nangtum aphan nangkepajok a-arnam do pu nangtum matha ma?”

JON KETOK ABIRTA KEME 16:3

Monit atum nangtum aphan lahei hei klemji, pima halatum Po aphan lapen nephanta chinine.

ROM ASOR ATUM APHAN POL KETOK ALOH 1:28

Monit atum Arnam alamjir ahok agian amethang aning arlo kechebiji aning hanghedet apotsi, halatum aning kehingno pen a-ot-e akamle klem setta Arnam halatum aphan panungdunkuk-lo.

2 THESALONIKA 1:8

Arnam aphan kechinine lapen e-Hemphu Jisu alamjir abirta keme kekroikre atum aphan alangli pasungji.

KANGSAI ATUM 2:10

Halaso a-ove an thi-et-lo, lapen aphi a-ove atum Hemphu Israel aphan kopi klemtang-loma tengne-et-lo.

1 SAMUEL 2:12

Eli asomar atum ajat langno-o. Latum Hemphu aphanta arjuje

1 SAMUEL 25:10

kejut thu Nabal thak-lo, “David! La komat-lo? La aphan ne arjulongle-pinlang! Non malom kekat aban atum si det plengset!