KEBAR 13:3 - BAIBEL KANGTHIR (BSI)

³ Rat atum aphan Moses pulo, “Laso arni chemathanon, nangtum Ijip ke-o arni, nangtum ban kedo adim. Laso arnisi Hemphu ajakong kethe pen nangtum aphan nangvandet-lo. Thap kedo ahim ke chochedetpo.

KEBAR 13:3 ပူးပေါင်းရင်းမြစ်များ

KECHENG 15:16

Ladak nangsomar atum kevangji aphrang ovephli plangji, pima Amor atum hingnopik pen aduk kepinangji an plangpletik Ne latum aphan phlungphle.”

1 RECHO 8:42

Nangrat aso aphan nang kethedung akam keklem alam arjulongra Nangphan karchoji lapen laso Kardomhemthepi along kardomji vang-lote,

1 PHURKIMO 16:12

Arnam aban, nang Jakob asomar, Arnam kangvai Israel aso,

NEHEMIAH 1:10

Hemphu lahei atum Nangbanlo lapen Nang-rat asolo. Nang latum aphan Nang jakong kethe lapen kangtang pen pajok-lo.

NEHEMIAH 9:10

Recho abethursi Nang manghumeme akam klemtang-lo, alang asaihemphu la adet kedo-an arat abe Nangthurlo, pima Nang chini ko-an latum Nangrat aphan chenek-loma. Nang chepahaisi pini anta Nangnong dolo.

LUN ALOHTHUI 105:5

Nang Abraham aso-asu atum, alangli kangvaitang Jakob asomar atum.

LUN ALOHTHUI 114:1

Israel arat atum Ijip ke-o ahut, Jakob asomar atum bang adet ke-o ahut,

LUN ALOHTHUI 136:11

Ijip pen alangli Israel arat aphan nangjalinlo, Alangli akanghon kaike jutje,

LUN ALOHTHUI 136:12

Ari ajakong kangtang pen, avengkong ajakongkethe pen, Alangli akanghon kaike jutje,

LUN ALOHTHUI 89:14

Nang recho arat dhoromi akam, lapen ahok akangsai aputhaksi pathirlo, nang keklem along an kanghon, lapen kekroithirklong paklang-lo.

KEBAR 12:15

Hemphu pulo, “Ni throksi nangtum thap pen keselam ahim cho nangne thapkave ahimle chochot-tu. Nangtum ahem-heihei along kecheng arni thap kedo-an pavirdet nangpo, pima ni throksi angbong jongsi mane abang thap kedo ahim cholo pulote halabangso aphan Ne monit lo pu lakha ponpedet-po.

KEBAR 12:17

Laso arong-aje rimnon, pima laso arnisi Ne Ijip pen nang khei atum aphan nangvanlo. Kevangji arni anta laso arni isi arong-aje arni pura la talon nangji.

KEBAR 12:19

Ni throksi nangtum ahem-heihei thap thek-longledet nangji, mane jongsi thap kedo ahim cholo pulote la det along mahangkethek abang setame labangso aphan Ne rat asolo pu lakha ponpedetpo.

KEBAR 12:2

“Laso achiklo ke nangtum aphan ningkan kecheng achiklolo.

KEBAR 12:41

Ningkan 430 kechok arni, Hemphu arat akhei kedo-an atum Ijip olo.

KEBAR 12:42

Ijip pen latum aphan Hemphu kevangji pu kehonding ahut lake ajo apor; halaso ajo amat kaike aphan lapen kevangji arni anta Israel atum kehonding pen kerim nangji pura Hemphu aphan hodaidet-lo.

KEBAR 12:8

Halabangso aningve ok phi nangji, lapen keho ahan lapen thap kave ahim pen cho nangji.

KEBAR 13:14

Mononphi la ketalon athe kopilo pu nangsopo nang arjulote, la aphan nang thak-nangpo, “Amethang thedung ajakong pensi etum aphan Hemphu Ijip adet pen evandet-lo, hadak etum ban si kedo nang-lo.

KEBAR 13:9

Laso aketalon ke isi akechematha-damlo, nangri along pine chekok-het ason mate nang tehang athak kerak-het ason; la nangtum aphan kaike ning kechebiji aphan lapen Hemphu aron kangchapji aphan, pima Alang jakong kethe pen nangtum aphan Ijip adet pen Hemphu nangvandet-lo.

KEBAR 20:2

“Ne helo Hemphu, nang Arnamlo, nangtum Ijip along ban kedo pen nangkevan abang-lo.”

KEBAR 20:8

Kesang arni sangnon lapen la pangthir-etnon.

KEBAR 23:15

Abib mate Jangmi achiklo, nangtum Ijip adet ke-o achiklo, Ne nangtum aphan hukum nangkepi ateng Thapkave ahim arong-aje talon non. Laso arong-aje ahut athok ajir vanvepin pen nephan karchoji aphan vangri.

KEBAR 3:20

Bonta Ne Nejakong chepaklangpo lapen hadak pherememe akam keklem pen ajok Ijip aphan adukpipo. Laso aphi la nangtum aphan padam longpo.”

KEBAR 34:18

“Thap kave ahim arong-aje talon bomnon. Ne nangtum aphan hukum nangkepi asonthot, thapkave ahim ni throksi Abib mate There-Jangmi achiklo ahut chonon, pima halaso achiklosi nangtum Ijip olo.”

KEBAR 6:1

Anke Moses aphan Hemphu pulo, “Non Ne recho aphan kopisi klem poma nang thek-longpo. Ne la aphan Nerat aso padamtoi bor-i detpo. Chenamsi la adet pen latum aphan Ne paphlung bor-i detji.”

KEBAR 6:6

Nesi Israel aso aphan kepulo pura latum aphan thannon, ‘Ne Hemphu lo, Ne nangtum aphan nangpajokpo, lapen Ijip aso arideng ban kedonang pen nangpajokpo. Latum aphuthak pherememe aduk kepijisi Ne jakong kethepik ari chirungpo, lapen Ne nangtum aphan nangpajokpo.’

KEBAR 6:7

‘Ne nangtum aphan Ne methang amonit nangpaplangpo, lapen Ne nangtum a-Arnam plangpo. Ijip along nangtum aphan Ne ban pen nang kepajok thek-longsi nangtum Ne Hemphu, nangtum a-Arnam lo pu chinipo.

KEBAR 7:4

recho nanglam arjujedetji; anke Ijip adet aphuthak Ne pasungpikpo, lapen det pen Ne rat aphan padamlongpo.

JEREMIAH 34:13

Israel a-Arnam rat aphan kepathanjisi neli pulo: Nangphusar atum Ijip adet pen Ne kepajok ahut lapen halatum aphan ban pen kepajok ahut halatum pen Ne kechejok aloh chetok-lo. Ne halatum aphan pulo,

DANIEL 9:15

O Hemphu netum a-Arnam, Ijip pen Nangrat atum aphan kevan pen Nangjakong non anta netum aning dolang. Netum pap klemtang-lo; netum kechokche klemtang-lo.

MATHIU 10:12

Labangso ahem kelutdam ahut kardom chepinon.

LUK KETOK ABIRTA KEME 22:19

Ansi alangli him eplang enlo, Arnam aphan rolo, beng-lo, lapen ha-latum aphan pisi pulo, “La nangtum aphan kepitang ke nebang arpumlo. Nephan kechemathathujile, la klem-non.”

1 KORINTH 11:24

Arnam aphan kero pisi la beng-lo, lapen pulo, “Nangtum aphan lake nebang arpumlo. Nangtum nephan kechemathathujile la klemnon.”

1 KORINTH 5:8

Tangte, thapban kedo ahim pen, atheke kechelangselet lapen kehingno aning pen kali, bonta thap kave ahim, atheke ning ingthir-et pen lapen ahokpet aning penle ilitum la Kejok Achojun a-Mei talon lonangho!

EPHESAS 1:19

lapen ilitum along kedo alangli jakong, atheke kekroitang atum along kedo alangli jakong ko-an akethema, la hei hei nanglitum kechini thekji aphan nanglitum alangli akethe-ang kethek-longjisi nanglitum aning amek nangkepangpuji aphan neli Arnam ardomlo. La ilitum along kedo alangli jakong ke

KETHAN 13:10

Laphan arlong pen varbopnon! Labangso abang nangtum aphan nangtum ban kedo adim Ijip adet pen nangkepajok nang Arnam Hemphu pen nangkepasuiji abang-lo.

KETHAN 13:11

Anke kadokave Israel arat atum kopi plang-loma arjulongpo; latum pherepo, lapen badutame mononphi lapuson kehingno akam choklemhaihelo.

KETHAN 13:5

Bonta Hemphu abe kethur mang athe kethan abang mate amontri aphan pathilotnon, Hemphu-si nangtum ban kedo Ijip adet pen nangpajok-lo. Lason amonit ke kehingno amonit-lo, lapen Hemphu nangtum aphan kai kereng nangji aphan kepi ahukum pen nang-kepasuijisi kebor-ilo laso akehingno pen kejokji aphan. Lason aphan pathilot nangji.

KETHAN 13:6

Nangkorte tame, nangsopo tame, mate nangsopi tame, mate kechinghon nangpiso tame, mate nang kechephonei ajirpo jongsi akaprek arnam-heihei aphan keparchoji nangchorungjoi pulote, la ke kehingno akamlo, atheke lahei nang lapen nangphusar atum ta kaita archochepinlang.

KETHAN 15:15

Chemathanon, nangtumta Ijip adet along ban donang-lo, lapen nang Arnam Hemphu si nangtum aphan nangpajok-lo; laso apotsi Ne nangtum aphan laso ahukum nangkepilo.

KETHAN 16:1

Abib achiklole nang Arnam Hemphu aphan aman kepijile Kejok Amei talonnon; halaso aningve lapen achiklosi Alangli nangtum aphan Ijip adet pen nangpajok-lo.

KETHAN 16:12

Chechininon, nangtum lahei ahukum klemvekpo; nangtumta Ijip adet along ban donang-lo pu alam chetengneri.

KETHAN 16:3

Laso a-ok nangtum kecho ahut, thap kedo ahim pen chori. Athema nithroksi nangtum thapkave ahimsi chonangji, atheke nangtum Ijip ke-o ahut ketong pen nangtum lasonsi klemlo. Laso ahim chonon, atheke la phan kesung ahim pusi irpo, anke nangtum rengtik an nangtum kesung adim la ke Ijip pen nangkebar ahut alam chemathadampo.

KETHAN 24:18

Chemathatha, Ijip adet nangtumta ban donang-lo, lapen nang Arnam Hemphu-si nangtum aphan nangpajok-lo, la apotsi ne nangtum aphan laso ahukum nangkepilo.

KETHAN 24:22

Nangtum ta Ijip along ban kedo alam chetengneri; la apotsi ne nangtum aphan laso ahukum nangkepilo.

KETHAN 26:8

Alangli ajakong lapen kangtang-kangsak pen ajok Ijip arideng pen nelitum aphan nepajok-lo. Alangli manghumeme akam klemlo, lapen angthek-heihei paklang-lo, lapen kepherememe akam paplang-lo.

KETHAN 4:34

Kaprek arnam atum isi arat aphan kaprek akhei angbong pen kevanji aphan damhaijima, lapen nangtum aphan Hemphu Arnam Ijip along nangkeklem ason amethang arat chepinchong unjima? Nangtum amek angden Alangli jakong lapen kangtang chepaklang-lo Alangli avur lapen ron vanlo, manghumeme ason ason Alangli klemlo lapen kepherememe akam paplang-lo.

KETHAN 5:15

Chemathatha, Ijip along nangtum jokta ban si donang-lo, lapen Ne Hemphu nang Arnamsi Ne thedung ajakong lapen akangtang pen nangtum aphan nangpajok-lo. La apotsi Kesang Arni ketalonji aphan Ne nangtum aphan hukum nangpilo.

KETHAN 5:6

“Neke nangtum Arnam Hemphu, nangtum ban kedo adim, Ijip pen nangkepajok a-Bang-lo.”

KETHAN 6:12

seta nangtum Ijip adet ban kedo adim pen nangtum aphan nangkepajok a-Hemphu aphan tengneri.

KETHAN 6:21

Anke latum aphan thannon, “Netum Ijip arecho aber ban donang-lo, lapen thedung jakong pen Hemphu netum aphan nepajok-lo.

KETHAN 7:8

Bonta Hemphu nangtum aphan inghon lapen nangphusar atum aphan Alangli kechechak apot paplengji Alangli ninghang-lo. La apotsi Alangli jakong pen nangtum aphan nangpajok-lo, lapen Ijip arecho along ban kedo pen nangpajok-lo.

KETHAN 8:14

nangtum chepindakde detjile cherenon, lapen nangtum ban kedo Ijip adet pen nangkepajok a-Hemphu Arnam aphan tengneri.

KETHAN 9:12

Anke neliphan Hemphu pulo, “Non amat inglong pen hirnon, pima Ijip pen nangkeja nangrat atum ingthirthetang-lo lapen hingno akam klemtang-lo. Latum ne kepaklemtoi akam pen suitang-lo, lapen latum amethang aphan isi akumlin selamtang-lo.”

JOSHUA 24:17

Netum Arnam Hemphu-si netum aphusar atum lapen netum aphan Ijip adet ban pen nevanlo, lapen Alangli keklem manghumeme akam netum thek-long-lo. Netum kedam kephopon adet-heihei an Alangli netum aphan pajokverlo.

KANGSAI ATUM 2:12

Halatum Hemphu lake halatum aphusar atum a-Arnam Ijip adet pen kevan a-Arnam aphan ingdukdesi obup-lo, lapen akaprek arnam-heihei, la hem adung arei a-arnam aphansi ingduk-rong-lo. Latum halahei aphan angphun patongkisi Hemphu aning papung-lo.

KANGSAI ATUM 6:8

lapen latum aphan inut amontri laso abirta Hemphu, Israel a-Arnam pen kevangji abang toilo: “Ne nangtum aphan Ijip adet ban kedo pen nangvantang-lo.