KEBAR 10:3 - BAIBEL KANGTHIR (BSI)

³ Lasi Moses lapen Aaron atum recho along damlo, lapen pulo, “Ibri atum a-Arnam, Hemphu si kepulo, nang ni ko-ansi nephan chehodai mobomjilang? Nerat aso aphan padamlongnon, anke latum nephan Ne archo longpo.

KEBAR 10:3 ပူးပေါင်းရင်းမြစ်များ

1 RECHO 18:21

Rat anat Elijah arludamsi pulo, “Nanglitum aning kepharji aphan ko-an apor enbom jilangma? Hemphu jongsi Arnam tangte, la aphanle archonon; bonta Baal jongsi Arnam pulote laphanle archonon!” Bonta rat atum etheta thakthedet-lo.

1 RECHO 21:29

“Nang thek-long-loma Ne ingno Ahab ko-an chepabiloma? La laso keklem apot, la akai isi la aphuthak akevir Ne vanvelo; Ahab ahemtun aphuthak ke la asomar akai ahutsi akevir vanpo.”

2 RECHO 22:19

Ne kosonsi Jerusalem lapen la arat atum aphan aduk kepiji pu nang arjulong amat Ne ingno ning chiruisi nangmethang chepabihek-lo, nangpe chingseksi chirulo. Isi rat atum kepherememe ahirjuno Ne paplangpo. Bonta Ne nang kardom arjulong-lo.

2 PHURKIMO 33:12

La sungsi chepabihek-lo, la a-Arnam Hemphu anat chetevarlo, lapen akerap chohang-lo.

2 PHURKIMO 33:19

Recho akardom lapen la aphuthak Arnam kethak, lapen la aning kecheruire aphrang la keklem apap lapen kehung akam-heihei karchotap adim-heihei lapen la keselam arnampi Asherah akumlin-heihei lapen la karcho akumlin-heihei montri atum aphurkimo along tok-et-lo.

2 PHURKIMO 34:27

lapen nangning chiruilo, lapen Ne ingno chepabihek-lo, nang pe-ri chingsek-lo, lapen Ne kosonsi Jerusalem lapen la arat aphan aduk kepiji pu kether nang arjulong-lo,

2 PHURKIMO 7:14

jongsi halatum Nephan ardomra chepabihek-lote, anke Ne sining pen halatum aphan arjupo, lapen apap-heihei diyapo, lapen halatum adet pachingthur-thupo.

JOB ALOH 42:6

Lasi ne kepu alam an ne chetherak lo, lapen longle-aduk, thek-lo-heihei pensi nening chiruilo.

KEBAR 10:4

Nang jongsi kroimobom pulote, penap nangdet along longvur Ne pavangpo.

KEBAR 16:28

Anke Moses aphan Hemphu pulo, “Nang rat atum ni ko-ansi Ne hukum-heihei kekroikre bomjilangma?

KEBAR 4:23

Ne, Nesopo kepadamlongji aphan nangpulo, anke la Nephan Ne archopo, bonta nang kroimolo. Lasi non Ne nangso akleng aphan pathipo.’ ”

KEBAR 5:1

Anke Moses lapen Aaron latum Ijip arecho angno damsi pulo, “Hemphu, Israel a-Arnam si pulo, Nerat aphan padam longnon, anke Nephan man kepijisi latum kejejangtang ajo rong-aje padopo.”

KEBAR 9:17

Tebonseta nangning ingtangrak bomlang lapen Ne rat aphan padamlonglelang.

SARLAMTHE 1:22

Kelu arat! Nangtum ni ko-ansi chepaluver poma? Gian aputhak nangtum ni ko-ansi pinrempoma? Nangtum kaita charliledet poma?

SARLAMTHE 1:24

Ne nangtum aphan nanghangbomlo, nangtum kevangji aphanlo, bonta nangtum ne arjudunde. Nangtum nephan nangno chedendedet-lo.

SARLAMTHE 18:12

Badu aphanta chepabihek-he tik ke aman pipe; cheparoka atum ke kevir atovarsi damlo.

ISAIAH 1:5

Nangtum kopisi kethur-krap bomlangma? Nangtum aphan ongmuchot aduk nangpi nangjilang ma? Israel, nangphan ameksi plengset lo, lapen nangning-nang-ingthin ta keso lo.

ISAIAH 2:11

Monit anekethe kejut arni lapen kecheparoka kevir arni nangleji. Anke Hemphu inut pet aphansi pathe chotpo.

JEREMIAH 13:10

Lahei kehingno amonit atum aphan kroimolo. Latum aphrang asonsi aning ingtang-lo lapen hingnolo, lapen kaprek arnam-heihei aphan archolo lapen ingduk-lo. La apotsi latum laso ape kethi ason plangpo, la ennopinlo.

JEREMIAH 13:18

Neliphan Hemphu pulo, “Recho lapen apei aphan recho anghoi pen pahirnon pima halatum aphu pen kelangmesen recho aphutup klotang-lo.

JEREMIAH 50:29

Thai ke-ap amonit atum aphan Bebilon ketengkhengjile thannon. Komatma thai aso ke-ap thek abang-phutin aphan toinon. Rongsopi komchennon, lapen inutbak aphanta pakat longri. La keklemtang an apot alar huinon, lapen latum bang aphan keklem asonthot latum aphan klemnon, pima la cheparoka pen Israel Kangthir Abang, Ne bethurlo.

EZEKIEL 5:6

Bonta nehukum abe Jerusalem thurlo, lapen bangpi akaprek adet hei hei apar hingnomuchot chepaklang-lo, akaprek bangpi aphan kekompet adet-heihei apar kroikremuchot-lo. Jerusalem Ne hukum-heihei dengmolo lapen Ne aron-heihei kroimolo.

DANIEL 5:22

Bonta nangli alanglisopo, nangli la do-an chinipame seta chepabi thekthe det-lo,

KELAKHA 14:27

“Nephuthak ko-ansi lahei kehingno arat atum pasimubom poma? Lahei kepasimu alam Ne arjudak-lo!

ROM ASOR ATUM APHAN POL KETOK ALOH 2:4

Kalite Arnam akechingkimepik, kangsai kepader lapen aning kechepading apotsi nangli Alangliphan langremrok tahailo. Arnam ke chingkime-o, pima alangli nangliphan aning kepachiruijisi bor-ilo, lake nangli chini binong-lo, kalima?

IBRI 12:25

Lasi nanglitum aphan nangkethan atum alam arjumori. Pima pirthe athak Arnam kepacheretoi alam kethan abang alam kekroimo atum ke jok-longledet-lo. Tangte ili jongsi hala sining athak pen ilitum aphan ekepacheretoi alam kethan abang alam arjumolo tangte ilike halatum apar kejok kelong sungmuchotji.

JEMS 4:10

Nanglitum Hemphu angno chepabiheknon; anke alangli nanglitum aphan nang pathepo.

1 PITOR 5:6

Lasi nanglitum kechepabihek pen Arnam ajakong kethepik ari aber donon. Anke Arnam nanglitum aphan athikpet apor ahut nang ingthurpo.