JOSHUA 9:9 - BAIBEL KANGTHIR (BSI)

⁹ Anke latum laso atomo thanlo: “Akehai, nelitum heloving adim pensi kevang-lo, pima nelitum Hemphu, nang-litum a-Arnam keklem alam arjulong-lo. Alangli Ijip adet along keklem asontin arjulong-lo.

JOSHUA 9:9 ပူးပေါင်းရင်းမြစ်များ

1 RECHO 8:41

Dak pen heloving kedo bang adet amonit Nangnong lapen

NEHEMIAH 9:5

Aber ketok a-Levi atum karchoji aphan hang-lo: Jeshua, Kadmiel, Bani, Hashabneiah, Sherebiah, Hodiah, Shebaniah, lapen Pethaliah. Latum pulo: “Thurpet-ra Nang Arnam Hemphu aphan kaiketa rohurnon; Kaiketa Alangliphan ronon! Monit akerokethe padorphlup un-e seta, Anut-tin ta Alanglinong kethe amen paropet lo nang.”

LUN ALOHTHUI 148:13

Latum kedo-an Hemphu amen aphan parohurnang! Alangli men ke akaprek apar themulang; Alangli adak-atur ke sining lapen pirthe athak ta do.

LUN ALOHTHUI 72:19

Kaiketa la anong amen parovernang! La adak-atur pirthe adang paplengsetnang. Amen! Amen!

LUN ALOHTHUI 78:12

Ijip adet Zoan aklam ajo, Arnam manghumeme ason keklem ahut, Latum aphusar atum thekdunlong-lo,

LUN ALOHTHUI 83:18

Nang inutvetsi Hemphu, pirthe adang kepangri a-Bang, pu latum pachininang.

KEBAR 15:14

Khei atum arjulong-lo lapen latum pheresi klemhurlo; Philistia atum kephere a-ok chekopdop-lo.

KEBAR 9:16

Bonta nangphan Nejakong kepaklemjisi Ne nangphan pareng-long-lo, anke Nenong pirthe adang bithe chethangphlup po.

ISAIAH 55:5

Non nangtum bidet asor aphan hangpo; ehut isi latum nangtum aphan nangchinine, bonta latum nangtum pen kejelangjisi katsi vangpo! Ne, nang Arnam Hemphu, Israel Arnam Kangthirsi la paplangpo; nangtum aphan man lapen anong ne nangpiji.”

ISAIAH 66:19

lapen Nesi halatum aphan aduk-kepi abang lo pu chini po.” Bonta ajehak aphan Ne pareng-longji lapen det-heihei anat toisi lapen nenong mate ne kethe lapen nejakong kethek-longle pin kehelo adet: Spein anat, Libia anat, lapen Lydia anat la thai ke-apthek amonit pen pen, lapen Tubal lapen Grik anat toiji. Lahei det angbong latum Ne kethe alam pachethangpo.

KELAKHA 14:15

Non Nang jongsi nangrat aso an aphan pathilote, nangnong karjulong akhei atum

KELAKHA 20:14

Edom arecho aphan Moses Kadesh pen pherangke atum toilo. Latum pulo, “Laso abirta ke nangli don pen, Israel akhei pen. Nelitum kesung kephonang alam nangli chini,

AKAM 8:7

Kangthirthe ahi-i kepho amonit penang atum pen hi-i atum jasemet hangsi nangbarlo. Kethiklak lapen akeng ketekok penang atum medet-lo.

KETHAN 20:11

Latum jongsi anghap-heihei ingpulo, lapen chehodailo pulote, latum kedo-an nangtum aban plang nangpo lapen nangtum aphan kam klem bor-i nangpo.

KETHAN 20:15

Lason helo halahei kehelo arongsopi-heihei aputhak nangtum kedo damji alongle adim pen keklem nangji akam.

JOSHUA 9:10

Lapen Jordan anihang anat Amor arecho banghini Heshbon arecho Shihon lapen Bashan arecho Og Ashtaroth along kedo atum aphan kopusonsi Alangli klemloma lata arjulong-lo.

JOSHUA 9:16

Chepame aloh kechetok nithom damdet aphi, Israel aso atum chinilo je lahei amonit atum ke adung-arei atumchot.

JOSHUA 9:17

Lasi Israel arat aso atum barsi nithom aphi lahei amonit atum kedo arongsopi-heihei lake Gibeon, Chephirah, Beeroth, lapen Kiriath Jerim along nanglelo.

JOSHUA 9:24

Halatum thak-lo, “Nelitum la klemlo, akehai, nanglitum dambomsi kedo-an det kangthim nangkepiji lapen la kedo-an arat aphan kepathi-etjisi nanglitum a-Arnam Hemphu aban Moses aphan hukum pitang-lo pusi la ahok alam chinilo. Nelitum la klemlo, pima nelitum nanglitum aphan pherelo; nelitum nelimethang achethe aphansi pherelo.