JOSHUA 8:14 - BAIBEL KANGTHIR (BSI)

¹⁴ Ai arecho Joshua amonit aphan kethek-long pen, la klem rok-lo. La lapen amonit an aphrang adimthot Israel atum pen kechedanjisi Jordan arlok anat pen nangbarlo, aphi pen bang nang tengkheng detna pu chechininepin.

JOSHUA 8:14 ပူးပေါင်းရင်းမြစ်များ

THANPARE 9:12

Nang apor kevang ahut nang thang chechinine. Pham along vo atum kechedan ason, lan along ok kenep asonsi apor kehingno ahut eliphanta lahei eli kemathathe ahut edanchekpo.

ISAIAH 19:11

Zoan arongsopi ajalin atum kelu saide! Ijip kerenei amonit atum kelu abidi si pilo! Kopusonsi latum hako athekkere lapen recho arecho atum apoton lo pu recho aphan kechethan hai-lo?

ISAIAH 19:13

Zoan lapen Memphis ajalin atum kelu saide. Latum det keja nangji atum lo, bonta latum la pamanghulo.

DANIEL 4:31

La angho pen lamthe bardet aphi, sining pen ase vangsi pulo, “Recho Nebukadnejar, Ne kopima kepu arjutha! Nang recho ajakong nang pen non pontang-lo.

MATHIU 24:39

lapen langthepi vangsi halatum do-an aphan kepondet ahut anta halatum kechinine asonthot; lason thak-thaksi Monit a-Sopo kevang ahut ta plangji.

MATHIU 24:50

Ansi alangli vangvedet jibon pu kematha arni lapen kechininedet apor ahutsi halabangso aban ahemphu vangji,

KETHAN 1:1

Laso aloh along ke Jordan Aroi anihang akejejangtang ajo Israel atum kedo ahut rat atum aphan Moses keningje alam-heihei tok-lo Latum Jordan a-Arlok, Suph adung, la ke rongso hini adak do, atheke ehin anat ke Paran lapen ahin kaprek anat ke Tophel, Laban, Hazeroth, lapen Dizahab.

JOSHUA 8:13

Ron-aso atum kechedanjisi parjap-lo, rongsopi nirep amukam kethe anat lapen ahin amonit ke nichi anat. Arlok alongsi Joshua ajo pangthang-lo.

JOSHUA 8:15

Joshua lapen la amonit atum kerem palemlemsi aphi chiruilo, lapen aho-or kave ahidi anat kat-lo.

JOSHUA 8:16

Rongsopi kedo-an aphan hangpetsi halatum aphi pahungdunpet-lo, lapen halatum Joshua aphi aphi hungdunbomsi halatum rongsopi pen chepahelobomlo.

JOSHUA 8:5

Ne monit lapen ne rongsopi dampo. Ai amonit atum netum abe thur pen nangbarlote, aphrang abatai etum keklem asonthot, netum aphi chiruisi katpo.

2 PITOR 2:3

La ahok-he alam kethan atum amek keplengple pen ajok amethang methang kepinchongchot atomo thansi nanglitum aphan rotsoji. Hako ahut penta halatum aphan ado padosi kepavirdetji aphan pathiktang-lo. Halatum aphan kepavirji abang ke amek jangjoije. Alangli kepathiktang ateng klemvekji.

KANGSAI ATUM 20:37

Lahei amonit Gibeah anat kat serak-lo; rongsopi arlo chethakjam-jamsi hadak abangphutin aphan pathilo.