JOSHUA 8:1 - BAIBEL KANGTHIR (BSI)

¹ Joshua aphan Hemphu pulo, “Kedo-an aron-aso nanglong cheponra Ai anat arlu damnon. Phereri mate ning chepa-oiri. Ai arecho aphuthak Ne nangpahaivekpo; la arat arongsopi lapen alongle anta nangtumlo.

JOSHUA 8:1 ပူးပေါင်းရင်းမြစ်များ

LUN ALOHTHUI 27:1

Hemphu ke ne kethe-ang lapen ne kejok, ne badu aphanta pherere. Kadokave akesung pen Hemphu nerailo, ne kaita phererelo. Alangli nejakong lapen ne chethelo,

LUN ALOHTHUI 44:3

Nangrat aso anokjir pensi, bangso adet chepa Hemphu long-lo lapu kali, latum ajakong penle kehai i-long kali, la nang jakong lapen nang kangtang pen apot, nang kedodun pen ajok nang, latum aphan kanghon paklang-lo.

LUN ALOHTHUI 46:11

Jakongkethenei Hemphu elong do; Jakob a-Arnam echong-lo.

ISAIAH 12:2

Arnamsi nepajok a-Bang; Alangliphan ne chikiji lapen pherere. Hemphu-si nephan jakong-horang nepilo; Alangli nepajok-abang.

ISAIAH 43:2

Langkarnuk le nang hat seta, Ne nanglong nangdodunji; nangkesung nangphan nanghai un-e lo. Me angkang angbong nang hatnang seta, nangphan nangchoche; Kesung nei asat vang seta nangphan thangta phangno un-e.

JEREMIAH 46:27

“Nerat atum, phere nangne, Israel arat atum, pherepik nangne. Heloving adet pen Ne nang pajokji, Nangtum ban kedo adet pen. Nangtum hem chevanglongji lapen ingsamjin pen dolongji; Nangtum jokvanji lapen badu ta nangtum aphan paphererelo.

JEREMIAH 49:3

Heshbon arat atum, hangjonon! Ai pavirtang-lo! Rabbah a-arloso atum, chirujonon! Pe-thoila che-umnon lapen chiruhurnon. Manghu-mangramra katnon. Akurusar lapen arechoso atum penpen nang arnam Molek aphan ban pondetpo.

DANIEL 2:21

Apor-heihei lapen asek-heihei Alangli khang; Alangli recho atum aphan bat lapen pasun; Alanglisi recho aphan bat lapen pasun, Alanglisi bidi lapen kechinithek ajakong kepi a-Bang.

DANIEL 4:25

Monit atum angbong pen nangliphan phlungjuipo lapen marat api atum pen donangpo. Hidi adang along ejon achainong alo bap kechopan ason lapen amek kejang asonsi nangli ningkan throksi bap chonangpo, lapen hadak sining ar-e nangli phuthak klopo. Ansi nangli chinipo, Arnam kethe monit arat-heihei pangri, lapen Alangli ning kehang aling abangphan Alangli pidet un.

DANIEL 4:35

Pirthe amonit atum aphan ke Alangli thangta kali; sining apherangke lapen pirthe amonit atum Alangli kepangri abersi do. Baduta Alangli ningkehang akam hili un-e lapen Alangli keklem akam khinde un-e.

MATHIU 8:26

Alangli halatum aphan pulo, “Kopi apotsi nangtum lapu-an kephereloma? O nang kekroi kekom atum!” Ansi alangli thursi tomon lapen talo aphanta ingchek-lo, lapen la hamdet-lo.

KETHAN 1:21

Langtha, Nangtum Arnam, Hemphu-ke nangtum angno longle nangbitang-lo; arludamra, nangtum aphan nangphusar atum Arnam Hemphu nangkepu ason, cherai damnon; nangtum phereri, mate ning cheparun-ri.”

KETHAN 31:8

Nangphan Hemphu ame-thangsi nangjapo lapen nangdodunpo. Alangli nangphan rapvekji lapen nangturchorche, lasi ning biri mate phereri.”

KETHAN 7:18

Latum aphan phereri, Hemphu Ijip arecho lapen la arat aphan kopisi keklem loma chematha damtha.

KETHAN 7:21

Lasi lahei arat aphan phereri, Nangtum Arnam Hemphu ke nangtum along sido lo; Alangli ke thedung Arnamlo lapen Laphansi pherechot nangji.

JOSHUA 1:9

Chemathathutha, Ne nangphan mathathip nangji lapen ning chethethip nangji pusi hukum nangpilo kalima? Phereri mate ning biri, pima Ne Hemphu nang Arnam, nang kedam aling nangdodunpo.”

JOSHUA 10:7

Lasi Joshua lapen ron-armu kang-thim aketheknei asong pen pen Gilgal pen damlo.

JOSHUA 10:8

Joshua aphan Hemphu pulo, “Halatum aphan phereri. Ne nangtum aphan nangpahaitang-lo. Inutbakta nang ingno arjap un-edetji.”

JOSHUA 2:24

lapen pulo, “Nelitum ning chethepamelo, Hemphu ilitum aphan det epitang-lo. Hadak kedo-an arat atum etum aphan epherelo.”

JOSHUA 6:2

Joshua aphan Hemphu pulo, “Ne, Jeriko, la arecho lapen angthin-kethe aron-aso penpen nangrideng nanghodaitang-lo.

JOSHUA 7:9

Kanaan atum lapen det along kedo abangphutin laso alam arjulongpo. Halatum netum aphan komchensi abangphutin aphan pathi-etpo! Lapen Nangman kechekhangji aphan Nang kopi klempo?”