JOSHUA 7:7 - BAIBEL KANGTHIR (BSI)

⁷ Lapen Joshua pulo, “Ningkehang aling Keklem a-Hemphu! Kopi athesi Nang netum aphan Jordan parai nekevanloma? Netum aphan kehodaiji puma? Netum aphan kepavirji puma? Kopisi netum ha Jordan parai kaprek donangnedet loma?

JOSHUA 7:7 ပူးပေါင်းရင်းမြစ်များ

2 RECHO 3:10

“Cheplang-lo!” Joram Recho hangserlo, “Etum bangkethom aphan Moab arecho arideng Hemphu ehodaitang-lo!”

LUN ALOHTHUI 116:11

Ne kepherere ahut, “badu aphanta chikino,” pu ne pulo, seta;

KEBAR 16:3

“Netum aphan ha Ijip along Hemphu nepathi-et asonte mesenji apot-lo. Hadak netum ingnilun pen cholong, ok cholong lapen netum nening hang an akaprek a-anta cholonglang. Bonta nang netum aphan ladak kejejangtang ajo kedo an kepangchir lapen kepathijisi nekevanlo.”

KEBAR 17:3

Bonta rat atum ing-it pik-lo lapen Moses aphan pasimubomlo. Latum pulo, “Kopisi nang netum aphan Ijip pen nekevan loma? Lang kang-it pen netum, netum asomar lapen netum kepangreng api-heihei aphan kepathiji puma?”

KELAKHA 14:16

puhurpo, la arat aphan kejejangtang ajo pathi-et-lo, pima latum aphan kepiji pu kechak alongle along latum aphan van un-edet-lo.

KELAKHA 14:3

Kopisi Hemphu halaso alongle along ekepon nangjilangma? Ron along netum thinang-etpo, netum apiso-aso aphan nep-etpo. La Ijip adet chedamthujuisi akemelo kalima?”

MATHIU 17:17

Jisu thaksi pulo, “O kekroi kave, lapen kechingkino a-ove! Ne nangtum along kopu-an ajir keding donang jilangma? La nedungle vannon!”

MATHIU 17:20

Alangli latum aphan pulo, “Lake nangtum kekroi kekom apot-lo. Chenamsi ne nangtum aphan nangpulang, nangtum akekroi jongsi hanjang emu anbak-le dote labangso aphan ‘Ladak pen hadak chetereknon!’ pusi nangtum pudetji apot-lo; lapen la cheterek po. Nangtum thangnatta ake-un-e avedetji apot-lo.”

IBRI 12:5

Arnam nanglitum aphan amethang asomar nangchekamsi nanglitum aphan kethan kepare alam nanglitum tengnedet-loma? Atheke alangli pulo, “O ne Sopo, Hemphu nangphan kepakeng ahut nang lake thangta kali pu mathari, lapen alangli nangphan nang kangchek ahut nang ning chepa-oiri.

JOSHUA 7:6

Aningduksi Joshua lapen Israel ajalin atum ape chingsek-lo lapen Hemphu Kechejok Aloh Asinduk angno latum domkhrup-lo, lapen hadak arnikangsam apor an tilailo, latum aning ke-oi angthek chepaklangjisi latum aphu athak longle aduk chetailo.

JOSHUA 7:8

Ne kopisi kepupo, O Hemphu, non Israel atum hotur pen aphi chirui nang-lo?

KANGSAI ATUM 20:23

Latum alangliphan arjulo, “Netum akorte Benjamin abe kethur pen netum ron chedan damthu nangjima?” Hemphu thak-lo, “Kalang damnon.” Lasi Israel aron armu aning che-thelo lapen latum aron-aso atum aphan aphrang arni asonthot padolo.

1 SAMUEL 4:3

Ahin kerenglang atum mukam chevangsi Israel ajalin atum pulo, “Pini Hemphu etum aphuthak kopisi Philistia atum pahailongdet-loma? Etum damra Hemphu kechejok Asinduk Shiloh pen vandet-lonang, anke la etum along nangdunpo lapen ehotur pen epajokpo.”