JOSHUA 7:6 - BAIBEL KANGTHIR (BSI)

⁶ Aningduksi Joshua lapen Israel ajalin atum ape chingsek-lo lapen Hemphu Kechejok Aloh Asinduk angno latum domkhrup-lo, lapen hadak arnikangsam apor an tilailo, latum aning ke-oi angthek chepaklangjisi latum aphu athak longle aduk chetailo.

JOSHUA 7:6 ပူးပေါင်းရင်းမြစ်များ

KECHENG 37:29

Langtuk along Reuben chevangthulo, lapen hadak Joseph aphan thek-longle det-lo, aning ke oi pen ape chingsek lo.

KECHENG 37:34

Aningduk si Jakob ape chingsek-lo, lapen pethoila che-umlo. Asopo aphan alangli penang an arni ningduk-lo.

2 SAMUEL 1:11

Aning oisi David ape chingsek-lo, lapen alangli amonit atum anta lasonsi klemlo.

2 SAMUEL 1:12

Halatum aningduksi chiru-charnap-lo lapen arnikangsam an Sol lapen Jonathon lapen Hemphu arat Israel aphan an humlo, pima ron kechedan along ongdung amonit thinang-lo.

2 SAMUEL 1:2

Puthot arni Sol amukam pen inut ariso vang-lo. La aningke-oi chepaklangsi ape chingsek-lo, lapen aphu athak longle chebat-lo. La David along damlo lapen man kepijisi akengphu longle athak patongruilo.

2 SAMUEL 12:16

Oso keso kemeji aphan David Arnam ardomlo, la ajatta kechoji molo, lapen aningvevangta la amethang angdeng arlo chedamlo lapen longle athak tilaisi ajo pangthang-lo.

2 SAMUEL 13:19

Bangpi aphu athak thek-lo chehisi athak ape chingsek-lo lapen amahang ari pen chedip-hopsi kechiru pen hem chedamlo.

2 SAMUEL 13:31

Recho thurphlutsi aning keduk pen ape chingsek-lo, lapen longle athak klidup-lo. La along kedodun aban atum anta halatum ape chingsek-lo.

2 RECHO 22:11

Loh keporhe recho arjulongsi la kephere pen ape chingsek-lo,

2 PHURKIMO 34:19

La keporhe recho arjulongsi alangli mong-loisi ape-ari chingsek-lo,

EZRA 10:1

Ezra Kardomhemthepi athengno kechiru lapen pap-heihei kechekobir kardom tongdik ahut, asong thedung pinso-arlo, lapen osomar a-Israel atum alanglidung kompetsi chingrumlo, lapen un an chirudunjolo.

NEHEMIAH 9:1

Halaso achiklo amat, ingkoira phli arni, Israel arat atum halatum apap-heihei aputhak aning ke-oi chepaklangji aphan an kehumjisi chingrumpet-lo. Latum bang adet amonit atum pen chepaprekdak-lo. Latum aning ke-oi angthek ason pethoila lapen latum aphu-heihei longle aduk chinglulo.

ESTHER 4:1

Mordekai la kadokave keklemtang alam chinidet aphi alangli ape chingsek-lo lapen pethoila che-umsi thek-lo chinglulo. Lapen rongsopi angbong damsi asekethe pen hangkongsi aningkeduk pen chirulo.

ESTHER 4:3

Lapen alongritin recho alam lapen ahukum kele adim an Judia atum chirupik-lo, halatum an humsi chiru charnap-lo, lapen penang atum pethoila che-umsi thek-lo athak tiruilo.

JOB ALOH 1:20

Ansi Job arjap-lo lapen aning duk-si ape chingsek-lo. Achu chesoilong-lo lapen amahang longle patongbak lo.

JOB ALOH 2:12

Halatum tovar ajak nangkeleji tebok het-lo, latum Job aphan thek-long-lo, bonta laphan chinine det-lo. Latum aphi chini lo, lapen chiru-charbu pangchengsi aning aduk pen ape chingsek lo lapen angsong lapen aphu-athak longle-aduk chevarlo.

JOB ALOH 42:6

Lasi ne kepu alam an ne chetherak lo, lapen longle-aduk, thek-lo-heihei pensi nening chiruilo.

NINGDUK ALUN 2:10

Jerusalem akesar atum longle athak dojoisi ingni, halatum aphu athak longle aduk lapen halatum abang pethoila che-um. Okarjang atum halatum aphu longle arum tongkurkarlo.

KELAKHA 14:6

Lapen Joshua, la Nun asopo lapen Kaleb, la Jephunneh asopo, kelangjoi atum banghini aning oisi ape chingsek-lo,

KELAKHA 16:22

Bonta Moses lapen Aaron longle athak tongbaksi ardomlo, lapen ningjelo, “O Arnam, nang ke kadokave achethe atirilo. Inut amonit pap klemlote, kadokave arat aphan nangning thijima?”

KELAKHA 16:45

“Lahei arat pen kedo chepahelonon lapen latum karjap adim amat Ne latum aphan pavirdetpo!” Latum banghinita longle athak ardomkhrup-lo,

AKAM 14:14

Pol lapen Barnabas labangso alam arjulongsi amethang methang ape chingsek-lo, lapen armu atum angbong katvirsi, hangsi pulo,

JOSHUA 7:7

Lapen Joshua pulo, “Ningkehang aling Keklem a-Hemphu! Kopi athesi Nang netum aphan Jordan parai nekevanloma? Netum aphan kehodaiji puma? Netum aphan kepavirji puma? Kopisi netum ha Jordan parai kaprek donangnedet loma?

KEPAKLANG 18:19

Halatum longle aduk aphu athak chevarsi lapen chirusi keningri pen pulo, “Mai! Labangso arongsopi kethe ko-an akepherememe akesung pho nang-lo! Talo along telongpi pen bepar keklem atum an labangpi akhi pen ajoksi plang-olo! Bonta porphai isivet angbong alangli mar an virdet-lo!”

KANGSAI ATUM 11:35

Labangpi aphan la kethek-long ahut, la aningke-oi pen ape chingseksi pulo, “Oh Pei! Nang nening paphukdak-lo! La kopi athesi nening paso binong-loma? Ne Hemphu aphan dhorompet pen chechak-lo, lapen la ne voi un-elo!”

KANGSAI ATUM 20:23

Latum alangliphan arjulo, “Netum akorte Benjamin abe kethur pen netum ron chedan damthu nangjima?” Hemphu thak-lo, “Kalang damnon.” Lasi Israel aron armu aning che-thelo lapen latum aron-aso atum aphan aphrang arni asonthot padolo.

KANGSAI ATUM 20:26

Ansi kedo-an Israel arat atum Bethel along damsi ningri damlo. Hemphu angno latum ingniphrong-lo, lapen arnikangsam anta an chochedet-lo. Latum kechingrum athok-heihei lapen ajehak athok-heihei lapen danta Hemphu angno phrinlo.

KANGSAI ATUM 21:2

Lasi Israel arat atum Bethel along damlo, lapen arnikangsam an Arnam angno ingnilo. Asekethe lapen aning hodaksi chirulo:

1 SAMUEL 4:12

Benjamin akhei pen inut amonit ron aklam pen tovarsoding Shiloh anat nangkat-lo, lapen halabangso arni amat nanglerok-lo. Aningke-oi kechepaklangjisi la ape chingsek-lo lapen aphu athak longle chebat-lo.