JOSHUA 7:26 - BAIBEL KANGTHIR (BSI)

²⁶ La aphuthak latum arlong buithip-lo, la nonputa hadak dolang. La apotsi laso adim Kesung Arlok pusi irlo. Anke Hemphu aningkethi hamdet-lo.

JOSHUA 7:26 ပူးပေါင်းရင်းမြစ်များ

2 SAMUEL 18:17

Halatum Absalom, abang arpum ponsi ingnam ajo ahilik karnuk ajo varchorlo, lapen la amangho arlong thepi pen dipthip-lo. Abangphutin a-Israel atum kat-etsi amethang ahem chedamlo.

2 SAMUEL 21:14

Anke Sol lapen Jonathon arrepi ke Sol asopo Kish atipit along halatum pip-lo. Benjamin alongri Zela along recho kepu-an halatum klemlo, lapen laso aphi det adang aphan halatum akardom Arnam arjulo.

2 PHURKIMO 29:10

Ne lasi Israel a-Arnam Hemphu pen kechejok aloh chepathikji aphan chesik-lo, anke La etum aphan aningthithelo.

EZRA 10:14

Netum achakri atum Jerusalem padolonang lapen akam arpu padeng-lonang, lapen bang adet apiso kedo abang apor kethiktang ateng pen la arongsopi ajalin lapen kangsai atum pen pen pavang-lonang. Lasonsi laso ahut aputhak Arnam aningkethi hamji mene.”

LUN ALOHTHUI 85:4

Netum aphan nevanthunon, lapen netum aphan ning kedokde ingtonnon!

KEBAR 32:12

Nang rat aso aphan Ijip pen vandet-lo lapen inglong along kepathijisi lapen latum aphan pavir pamelo pu Ijip atum nangpapu longset jilangma? Ningkethi ingtonnon; Nangning chelarra Nangrat aphuthak laso akevir vanrinon.

ISAIAH 40:2

Jerusalem arat aphan ningparungtha. Halatum aphan than non latum sungpik lo, lapen latum apap-heihei non diya-tang-lo. Ne halatum aphan apap-heihei apot dorphlup aduk pilo.

ISAIAH 65:10

Latum nephan archoji lapen nichi ahin Sharon athoi lapen nihang ahin kesung Arlok alang halatum abiresak lapen achainong-heihei japonsi pachopan damji.”

NINGDUK ALUN 3:53

Hilik along halatum nephan varlo lapen hilik angho arlong pen rangkhathip-lo.

HOSEA 2:15

Lapen hadak laphan la adrakha aberi-heihei pipo. Lapen Achor a-arlok ningkethe anghap paplangpo. lapen hadak la a-okarjang ahut lapen la Ijip adet pen kevan ahut ason thak thakpo.”

HOSEA 2:17

Pima Ne bangpi aphan Baal atum amen paningje longledetpo, lapen latum mononphi seta amen parnonedetpo.

JOEL 2:13

Nangtum aning ke-oi chepaklangnon; nangpe kechingsek chot ke chokche.” Nang Arnam Hemphu along chevangthunon. Alangli pi, inghon lapen kangjinso plengset; Alangli aningding-o lapen kechechak ason chebi; Alangli kaike kediyajisi chesik lapen aduk pipe.

JOEL 2:18

Ansi Hemphu amethang alongle aphan chelang-lo; arat aso aphan Alangli ingjinsolo.

JONAH 1:15

Ansi latum Jonah aphan ponlo lapen talo varchuilo; lapen talo la lang adihu pen hamdet lo.

ZEKARIAH 6:8

Ansi Alangli neliphan hangserlo, chininon, hala Nirep adet anat kedam atum Ne karjong Nirep adet anat pasanglong-lo.

KELAKHA 25:8

lapen pehem arlo kelutdam apinso lapen arloso aphi hungdunlo, lapen banghini aphanta chir pen jorplot-lo. Lasonsi Israel atum aphan kepavirji avur paklip-lo,

KETHAN 13:17

Kepavirji aphan kepanong an amar nangtum aphan thangnatta chebi ri, lapen Hemphu Alangli ningkethi pen chiruipo, lapen nangtum aphan ingjingso po. Alangli nangtum aphan ingjinsopo lapen nangtum aphan ongdung arat paplangpo, la nangphusar atum aphan kechak ateng-lo.

KETHAN 13:18

Pini ne nangtum aphan nangkepi ahukum-heihei an kroipet pulote lapen akenang ateng klemlote kechak ateng nangpipo.

JOSHUA 10:27

Arnikangsam ansi Joshua halatum abang arpum pasuntoilo lapen ponsi halatum kechepatu alongku along amat pavardamtoilo. Arlongthepi longku kelut amangho along ingthinsi halatum hadak donangverlo.

JOSHUA 7:24

Joshua lapen Israel arat kedo-an Achan aphan phlung-lo lapen rup, pe, lapen ser angkleng, asopo atum, lapen asopi atum, la achainong, agadha-heihei lapen biresak, la apehem lapen la kechepahemphu amar ason an, lahei latum “Kesung Arlok” pu anatsi ponlo.

JOSHUA 8:29

La Ai arecho aphan thengpi erong along vek-lingsi abang arpum arnikangsam anta padolo. Arni kechelut ahut abang arpum kepasunjisi Joshua hukum pilo, lapen la rongsopi kelut anghap angno pavardamlo. Halatum la athak arlong bui pangsomlo, la nonputa dolang.