JOSHUA 6:17 - BAIBEL KANGTHIR (BSI)

¹⁷ Rongsopi lapen la along kedo-an amar angton pen Hemphu aphan isi athok ason pavirdet khangjang nangji. Muthe Rahab beisapi lapen bangpi ahem asor an si pajokchot nangji, pima bangpi etum akelangjoi atum aphan patulo.

JOSHUA 6:17 ပူးပေါင်းရင်းမြစ်များ

KECHENG 12:3

Nangphan kepahirjume aling abangphan Ne pahirjume ji, Bonta nangphan kepahirjuno aling abang aphan Ne pahirjunoji. Lapen nang pen ajok Ne kadokave akhei aphan pahirmepo.”

EZRA 10:8

rat ajalin atum ahukum pen pachethang-toilo. Jongsi mane abang nithom angbong nangchetong dun thekthe pulote, labangso amar an thipon-etpo, lapen la rat amei abangphu keplangji ajakong en-edetpo.

ISAIAH 34:6

Alangli anokjir ke halatum avi lapen athu pensi chinglu kung po, kethi ahut biresak aso lapen bi avi lapen athu-heihei ason. Laso athok ke Bozrah arongsopi alongsi Hemphu arklipo; Edom adet alangli laso akethenei akepathi klempo.

JEREMIAH 46:10

Pini arni ke Jakongkethe Hemphu klem-un a-Bang arnilo; pini Alang alar huipo; pini Alang hotur aphan adukpipo. Plengsetsetik Alang nokjir halatum aphan chopo, Lapen aning rengmemetik halatum avi la junpo. Pini Jakongkethepik a-Bang kenep an aphan arkli-ipo, Nirep, Euphratis akung.

EZEKIEL 39:17

Keklem-un a-Hemphu neliphan pulo, “Monit aso, vo lapen pi atum aphan Ne kesikpitang athok kepachoji aphan kedo-an atok pen hangpetnon. Israel anglongpi-heihei along la thedung akecho pi amei plangpo, hadak latum ok cholongpo, lapen vi junlongpo.

LEVI 27:21

Puthot Kevoi Aningkan ahut ke longle Hemphu amar kaike aphan plangpo; la ke kurusar atum apharmanlo.

MIKAH 4:13

Thurnon lapen sok sinon, O Zaion asopi, pima Ne nangnu ingchin pinchongpo lapen nangkeng kemo ingchin-ke-er top-po; Ongdung arat-heihei aphan pangjepo, lapen halatum ale Hemphu aphansi panongpo, latum akhi pirthe adang Ahemphu aphansi panongpo.

MATHIU 25:40

Ansi Recho halatum aphan thaksi puji, ‘Chenamsi ne nangtum aphan nangpulang, la ne korte akebinei abang aphan setta la son keklem abang aling ke nephansi klemlo.’

1 KORINTH 16:22

Hemphu aphan kechinghonhe abang aling ke hirjuno paphonang. O netum a-Hemphu, vangnon.

1 KORINTH 2:7

Arnam akepatu agian alamsi neli pachethang-lo. Arnam monit atum aphan labangso alam pachininedet-lo, bonta ilitum Arnam adak atur kelongdunji aphan Arnam pirthe pinchongche ako pen labangso agian ingvailo.

GALASIA 3:10

Aron ateng keklem akam aphan kechiki atum an aphuthak ahirjuno do. Pima hastro pulo, “Badutame, Aron aloh along ketoktang alam an kekroipetpe atum an aphuthak ke Arnam ahirjuno do.”

GALASIA 3:12

Bonta Aron ke kekroi pen thangta chetonte. Labangso alar hastro ke pulo, “Aron akam an keklempet abangsi hala hei hei pen ajok rengji.”

KETHAN 20:17

Kadokave arat atum aphan pavir klungnon: Hitti atum, Amor atum, Kanaan atum, Periz atum, Hivi atum lapen Jebusi atum aphan, Hemphu nangtum aphan hukum nangkepi ateng klemnon.

IBRI 11:31

Kekroi ajoksi akhat kave arloso Rahab-ta hala Arnam alam kekroikre atum along virdun jokphlot-lo, pima hala det kelangjoi atum aphan alangli aning kangsam pen chak-lo.

IBRI 6:10

Arnam ke dhoromimedet abang kali. Nanglitum keklem akam, mate nanglitum kangthir atum aphan keraptang lapen kerapbom akam pen ajok alangliphan kechepaklang akanghon alangli tengnene.

JEMS 2:25

Lasonthak thaksi akam pen apotsi hala Rahab pu akhat kave arloso aphanta dhoromi pu lakhalo, Kalima? Pima Israel atum nangketoijoi atum aphan alangli chak-lo, lapen akrong kaprek atovar pen halatum aphan toithulo.

JOSHUA 2:1

Anke Shittim amukam pen banghini kelangjoi atum aphan dam pen Kanaan adet akenangsot ke Jeriko arongsopi longle kelangjoiji aphan hukum-heihei pisi toilo. Hala-tum rongsopi kevang ahut ajo Rahab, pu inut abeisapi ahemsi pangthang-lo.

JOSHUA 2:22

Kelangjoi atum inglong anat damsi chepatulo. Recho amonit atum nithom halatum aphan rong anat rilo, bonta halatum latum aphan longledet-lo, lasi halatum Jeriko anat chedamlo.

JOSHUA 7:1

Israel atum aphan Hemphu hukum kepi kepavir nangji amar an Jeriko pen thangnatta ponpedet nangji ason kroipet thekthedet-lo. Inut amonit Achan pu amen laso ahukum kroikredet-lo, lapen Israel atum aphuthak Hemphu aning thipik-lo. (Achan ke Karmi asopo lapen Zabdi asupo, lapen Zerah aro, isi Judah akhei angbong-lo.)

1 SAMUEL 15:3

Damra Amalek atum aphan tengkhengnon, lapen halatum kedo ason an pavirklungnon. Isibak amarta pajok-longri. Kedo-an pinso-arlo, osomar, kethi-ivok; chainong, biresak, ka-ut kedo-an lapen gadha kedo-an lahei pathi-etnon.”

1 SAMUEL 15:6

Israel atum Ijip pen kevang ahut aphusar atum kangjinso dun Ken asor aphan pacheretoilo: “Damnon lapen Amalek atum pen che-onon anke ne halatum pen pen nangtum aphan nangpathirap petpe detpo.” Lasi Ken aso atum kat-et-lo.