JOSHUA 5:1 - BAIBEL KANGTHIR (BSI)

¹ Jordan anichi anat Amor arecho kedo-an lapen Mediterran atalo anat kedo Kanaan arecho kedo-an Israel arat kehat tangtetik Jordan alang pakrengphunlo pu alam latum arjulong-lo. Halatum pherelo lapen halatum Israel pen ajok aning ajakong avedet-lo.

JOSHUA 5:1 ပူးပေါင်းရင်းမြစ်များ

KECHENG 12:6

Moreh athengpi kangthir, Shekem along kangthir adim nangleletik Abram det adang bithe damlo. (Halaso ahut Kanaan aso atum det arlo dobomlang.)

KECHENG 48:22

Lake nangphan, bonta nang-ik atum aphan kali, nenokjir lapen nethai pen Amor atum arideng pen ne kelong a-Shekem, aho-or kedonei alongle, nangphan si ne nangpidet-lo.”

2 SAMUEL 21:2

(Gibeon arat atum Israel aso kali, latum Amor asongso, latum aphan Israel atum raipo pusi chechak-lo, bonta Israel lapen Judah aphan aning kepadokjisi Sol kepavirdetjisi bor-itang-lo.)

1 RECHO 10:5

An kecho ahut kecho ason kevanpi la bangpi thek-long-lo, la kepangri atum aphan kedohem-heihei ta thek-long-lo, Rechohem kedo asong lapen amonit, halatum ejatpet apindeng, kecho-kejun amei along laphan kanghong aban atum lapen Kardomhemthepi along la kethok kepajir-heihei ta thek-long-lo. Lahei thek-longsi bangpi achethepi vangphunsi kemanghu si mong-loilo.

EZRA 9:1

La kadokave klemtangdet aphi, ajehak Israel arat kejalin atum nelilong vangsi pulo, rat atum, kurusar atum, lapen Levi atum adung-arei adet Ammon arat, Moab lapen Ijip mate Kanan asor, Hitti asor, Perijit asor, Jebusi asor lapen Amor asor pen chepaprekpre. Latum bang atum kehijimmeme akam-heihei keklem asonthotsi klemlo.

LUN ALOHTHUI 135:11

Sihon, Amor atum arecho, Og, Bashan arecho lapen Kanaan arecho kedo-an aphan.

KEBAR 23:28

Nang hotur atum aphan Ne pasungphrat po; Hivi, Kanaan, lapen Hitti aso aphan nangtum kedambom ahut ke phlung-etpo.

ISAIAH 41:5

‘Kehelo adet atum Ne kopi klemloma thek longpet lo; latum pherepik lo lapen kephere a-ok klemhur lo. Lasi latum kedo-an ta chingrumlo lapen vang-lo.

EZEKIEL 16:3

Bangpi aphan keklem un a-Hemphu kopisi kepuma thannon:” Nangtum Kanaan adetsi mahangthek-lo. Nangpo ke inut Amor asolo lapen nangpi ke inut Hitti-pi lo.

EZEKIEL 21:7

Latum jongsi nangphan kopisi kechirulo pu nang arju lote, lake pima birta karjulong apot pule halatum aphan thannon. La kevang ahut, latum aning kephere pen plengsetpo, latum ari dojoipo, latum angthin the haihelo, lapen latum akengphu klemhurpo. Apor nangle tang-lo: Ladaksi dolo”. Keklem un a-Hemphu-si ningjelo.

DANIEL 5:6

Alangli mahang ik-kui lo lapen phere-ongsi alangli kengphu klemhurlo.

AMOS 2:9

“Tebonseta Ne latum angno Ammon aphan pavirlo. La kangtui kedar arong kangtui ason, lapen kangtang phongrong longpoh arong-heihei ason Ne la angsong athe lapen la arum angkur pavirtang-lo.

KELAKHA 13:29

Amalek atum ke det anitur anatsi kedo; Hitti atum, Jebusi atum, lapen Amor atum ke inglong ajo si kedo; lapen Kanaan aso atum ke Mediterran Atalo akung-kungsi kedo lapen Jordan Aroi sodingsi kedo.”

JOSHUA 17:12

Manasseh arat atum halahei arongsopi arlo kedo arat aphan phlung un-edet-lo, lasi Kanaan aso atum hadak dobomlo.

JOSHUA 17:18

Inglong alongrita nangtumlo. La ingnam seta, nangtum la chepangthainon, lapen ehin kecheng pen ha kejut an cherainon. Kanaan aso aphan ke halatum ingchin ahemkonglong do seta lapen amonit atum ingtangrak seta halatum aphan nangtum arphlung et unji.”

JOSHUA 24:15

Jongsi nangtum Alangliphan ingduk ingtungte pulote pini komat aphansi nangtum ingdukjima phar pamenon, Mesopotamia along nangphusar atum karcho a-Arnam atum aphanma mate nangtum non kedobom Amor aso atum a-arnam atum aphanma? Bonta netum hem isi thuke, netum Hemphu aphansi ingdukji.”

JOSHUA 3:16

langroi alang liledetsi Zarethan arongsopi adung kedo Adam aroi athak along lang chepangpen pring-lo. Aber alang Thitang Atalo anat pen chebengpet-lo, lapen Jeriko adung arat atum hat pet undet-lo.

JOSHUA 3:17

Rat atum kekrengdang alongle ajo kedam un ahut, Hemphu akechejok aloh Asinduk keparphang akurusar atum Jordan Aroi angbong chittim kekrengdang alongle athak rat atum hat tangtetik ke arjapding-lo.

KEPAKLANG 18:10

Labangpi kepho akesung apot pheresi halatum achar si, arjap phrongji. Halatum puji, “La-an arongsopi kethe! Bebilon, la-an ajakong kethe arongsopi! Nang kepho akesung ko-an akepherememe! Porphai isivet angbongsi nangliphan pasungdet tang-lo!”

KANGSAI ATUM 1:1

Joshua thidet aphi Israel arat atum Hemphu aphan arjulo, “Netum akhei angbong pen koloso akheisi Kanaan asor aphan ketengkheng nangjima?”

KANGSAI ATUM 11:23

Lasi lake Israel a-Arnam, Hemphu-si amethang arat Israel ajoine Amor atum aphan phlungpilo.

KANGSAI ATUM 3:3

Det along kepadolongtoi ke pho Philistia arongsopi-heihei, Kanaan asor an, Sidon asor an, Hivi asor an Lebanon anglong pen Baal Hermon anglong pen ha Hamath anglong atovar an.

KANGSAI ATUM 4:2

Lasi Hazor arongsopi kepangri abang, inut Kanaan arecho, Jabin pen ajok Hemphu halatum aphuthak pahaitoilo. La ron apinpo ke Sisera, la Harosheth along kedo abang.

1 SAMUEL 25:37

Anke la kangri hamdetsi la aphan bangpi than-et-lo. La achethe vang nodak-lo, lapen ephar thi-klak-lo.