JOSHUA 3:17 - BAIBEL KANGTHIR (BSI)

¹⁷ Rat atum kekrengdang alongle ajo kedam un ahut, Hemphu akechejok aloh Asinduk keparphang akurusar atum Jordan Aroi angbong chittim kekrengdang alongle athak rat atum hat tangtetik ke arjapding-lo.

JOSHUA 3:17 ပူးပေါင်းရင်းမြစ်များ

2 RECHO 2:8

Anke Elijah keche-um ape chephloksi, la arhet-lo lapen lang theng-ilo, lang chephlakdak-lo lapen Elisha pen la longle krengtai ajo hatsi ha parai kap-lo.

LUN ALOHTHUI 66:6

La talo aphan kekreng alongle pinchong-lo; nangphusar atum akeng pen langroi hatpet-lo. Hadak netum la keklem apot ning cheparong-lo.

KEBAR 14:21

Moses talo aphan ari pen jarding-lo, lapen nihang atomonpi pen ajok Hemphu talo aphuthak tomon pajapsi aphi anat pachevoilo. Tomon jo pangthang jap-lo, lapen talo pakrengdang-lo. Lang chephardak-lo,

KEBAR 14:22

lapen Israel atum talo angbong kekrengdang alongle athak damlo, lapen ar-e, arvi ta lang arpongsi arjap-lo.

KEBAR 14:29

Bonta Israel atum ke talo angbong kekrengdang alongle ajo ar-e arvi lang arpong soding damlo.

ISAIAH 25:8

Muluk a-Hemphu si kethi kaike pavirpo! Alanglisi abangphutin amekkri venpo lapen pirthe adang arat-aso atum kelangrem akesung alangli pondet po. Hemphu amethangsi ningje lo.

KELAKHA 33:51

Israel atum aphan papinkhatjisi Hemphu lahei alam pulo: “Nangtum Kanaan adet kelutdamjile Jordan kehat ahut,

IBRI 11:29

Kekroi pen ajoksi Israel atum talo ke-er angbong longle kekreng athak damsi kap-lo, bonta Ijip adet asor ke lapuson kekapji kebor-i ahut lang jangkoilo.

JOSHUA 4:1

Rat atum kedo-an Jordan hatdet aphi, Joshua aphan Hemphu pulo,

JOSHUA 4:10

Joshua aphan Hemphu hukum kepi ason rat aphan kepaklemtoi an tangtetik-ke kurusar atum Jordan angbong chittimsi arjapverlo. La helo Moses kepitang ahukumlo. Lapen rat atum langroi hat serak-rak-lo.

JOSHUA 4:11

Lapen latum kadokave ta parai si dopet-lo. Kurusar atum Hemphu Kechejok Aloh Asinduk pen rat aphrang si dambomlo.

JOSHUA 4:22

Israel atum kekrengphun alongle ajo Jordan kehat-lo pu halatum aphan than nangji.

JOSHUA 4:3

lapen halatum aphan Jordan Aroi achitim pen arlong hong krehini kurusar atum karjap adim pen pahumnon. Latum aphan laso a-arlong papontoinon lapen peningve mukam adim pabidamtoinon.”

JOSHUA 5:1

Jordan anichi anat Amor arecho kedo-an lapen Mediterran atalo anat kedo Kanaan arecho kedo-an Israel arat kehat tangtetik Jordan alang pakrengphunlo pu alam latum arjulong-lo. Halatum pherelo lapen halatum Israel pen ajok aning ajakong avedet-lo.