JOSHUA 3:13 - BAIBEL KANGTHIR (BSI)

¹³ Pirthe adang ahemphu Hemphu a-Kechejok Aloh Asinduk keparphang akurusar atum akeng lang along kechebi pen amat Jordan alang liledetpo, lapen kevangji alang seta elong adim chepangpen pringpo.”

JOSHUA 3:13 ပူးပေါင်းရင်းမြစ်များ

1 PHURKIMO 29:11

Nangli thepik lapen jakongthepik, anongthepik, ahir-asang dopik, lapen recho atheng. Sining lapen pirthe along kedo-an amar nanglimarlo, lapen Nanglisi recholo, kedo-an aputhak kepangri a-Bang-lo.

LUN ALOHTHUI 33:7

Talo alang kedo-an La elong adim pangrumlo, la marpuru-heihei along talopi akarnuk arlo bilo.

LUN ALOHTHUI 74:15

Nangsi lang amek pinchong-lo, lapen lang pangbop-lo; thedung aroi seta nang pakreng-lo.

LUN ALOHTHUI 78:13

La talo phlaksi latum aphan lang angbong ponlo, arpong asonsi alangli lang-heihei parjapsomlo.

KEBAR 15:8

Nang talo aputhak but-phulo lapen lang abui ingtuilo; la arpong asonsi arjap-lo; lapen talo aklong ingtanghet-lo.”

ISAIAH 54:5

Nangphan kepinchong abang nangpenan ason plangpo, Jakongkethe Hemphu helo alangli men. Israel a-Arnam Kangthirsi nangphan pajok po, alangli ke pirthe adang kepangri abang.

HABAKKUK 3:15

Nang Nang-losei pen talo aphan Nangkeng pen silo, anke lang-heihei adihu thepik-lo.

ZEKARIAH 4:14

Ansi alangli pulo, “Pirthe adang ahemphu adung karjapphrong la banghini Hemphu kangvai tang atumlo.”

JOSHUA 3:11

Pirthe adang a-Hemphu a-Kechejok Aloh Asinduk nangtum aphrang Jordan kehat ahut kereng-et Arnam nangtum along do pu nangtum chinipo.

JOSHUA 4:7

nangtum halatum aphan Hemphu Kechejok Aloh Asinduk Jordan Aroi kehat pen amat lang ali liledet-lo pu than longpo. Lahei a-arlong Israel arat aphan ladak kopi plangtang-loma la kaike pachemathapo.”