JOSHUA 3:10 - BAIBEL KANGTHIR (BSI)

¹⁰ Nangtum kedam ahut la Kanaan asor, Hitti asor, Hivi asor, Perizzi asor, Girgashi asor, Amor asor lapen Jebusi asor an aphan phlung etpo.

JOSHUA 3:10 ပူးပေါင်းရင်းမြစ်များ

KECHENG 15:21

Amor atum, Kanaan atum, Girgashi, lapen Jebusi atum alongle anta parlopon-etpo.”

1 RECHO 22:28

Nangli jongsi nangchevoi pamelong pulote Hemphu nelipen ningjejelo pu chininon! Lapen la puthulo, “Nekeputang alam abangphutinta no chedentha!”

2 RECHO 19:4

Assiria Arechokethe Kereng-et a-Hemphu aphan kepinremjisi la kethenei achakri nangtoilo. Nangli Arnam Hemphu lahei kepinrem alam parjuding nang, lapen laphan kepu atum aphan aduk papinang. Lasi etum arat kerenglang atum aphan Arnam ardompitha.”

1 PHURKIMO 1:14

Kanan ke Zebusi, Amor, Girgash,

LUN ALOHTHUI 42:2

Kereng Arnam, ne nangphan ingit-lo, ne komantusi nang ingno archodam longpoma?

LUN ALOHTHUI 9:16

Hemphu dhoromi akangsai pen la amethang chepaklang-lo, lapen kehingno atum amethang keklem apham pen chedanlingpo.

KEBAR 17:7

Massah lapen Meribah pusi adim amen irlo, pima Israel atum pasimulo, lapen “Etum along Hemphu doma mate avedetma?” pu kepu pen ajok latum Hemphu aphan asat enlo.

KEBAR 3:8

lapen latum aphan Ijip aso atum pen kepajokjisi Ne nanghirlo, lapen latum aphan Ijip pen vansi ha ajam kethe adim, kedorphlup lapen aho-or kedo adim, atheke Kanaan atum, Hitti atum, Amor atum, Perizi atum, Hivi atum, lapen non Jebusi atum kedo adim vanpo.

KEBAR 33:2

Nangtum aphan kepajajisi Ne pherangke nangtoipo, lapen Nesi Kanaan aso, Amor aso, Hitti aso, Perizzi aso, Hivi aso lapen Jebusi aso atum aphan phlung-etpo.

ISAIAH 7:14

Mesen lo, Hemphu amethangsi nangphan isi angthek nangpipo: Inut kangthir-et animsopi oso chopathepo lapen amen ‘Immanuel’ pu hangpo.

JEREMIAH 10:10

Bonta Nang, Hemphu ke ahok Arnam, Nang ke kereng-et Arnam lo; lapen kedover arecholo. Nang ningthi lote, pirthe klemhur; Det atum Nang ning kethi chechak un-e.

HOSEA 1:10

Tebonseta Israel arat aphai talo asangti ason thakthak plangpo, la pun un-e detpo; lapen lakha un-edetpo; lapen latum aphan nangtum Nerat kali, pu kepu adim amat latum aphan “Nangtum kereng Arnam asomar” pusi pudetpo.

KELAKHA 13:29

Amalek atum ke det anitur anatsi kedo; Hitti atum, Jebusi atum, lapen Amor atum ke inglong ajo si kedo; lapen Kanaan aso atum ke Mediterran Atalo akung-kungsi kedo lapen Jordan Aroi sodingsi kedo.”

MATHIU 16:16

Simon Pitor thaksi pulo, “Nang ke Khristo, kerengver Arnam a-Sopolo.”

JON KETOK ABIRTA KEME 6:69

Lapen Kangthir, Arnam pen kevang abang ke nang helo pu nonke netum kroilo lapen chinilo.”

KETHAN 31:17

La plang-lote Ne latum aphan Nening thipo; Neta latum aphan obuppo, lapen latum aphan pavirdetpo. Ongdung akevir latum aphuthak vangji lapen lahei keplanglong ke Ne, latum a-Arnam latum along dodundedet apotsi lahei plang-lo pu latum chechinipo.

KETHAN 5:26

Me pen Arnam keningje alam arju longdet aphi mane amonit reng-loma?

KETHAN 7:1

Nangtum Arnam Hemphu nangtum aphan nangtum kecheraiji alongle along nangvanpo, lapen Alangli ongdung akhei atum aphan phlungji. Nangtum dambomsi, nangtum apar thedung lapen kangtangmuchot akhei throksi aphan phlungpo: Hitti atum, Girgash atum, Amor atum, Kanaan atum, Periz atum, Hivi atum, lapen Jebusi atum.

KETHAN 7:21

Lasi lahei arat aphan phereri, Nangtum Arnam Hemphu ke nangtum along sido lo; Alangli ke thedung Arnamlo lapen Laphansi pherechot nangji.

1 THESALONIKA 1:9

Nelitum nanglitum angbong kevang ahut nanglitum nelitum aphan kopusonsi chak-loma, lahei hei alam hala kadokave atumsi nelitum aphan thanlo. Nanglitum kerengver lapen Arnam binong aphan karchojisi kumlin aphan kangduk akam che-olo,

IBRI 10:31

Kerengver Arnam arideng kepho ke kepherememe alam!

JOSHUA 11:3

La Jordan parai-harai kedo a-Kanaan asor, Amor asor, Hitti asor, Perizzi asor, lapen inglong alongri Jebusi asor lapen Mizpah adet Hermon anglong akeng-ri kedo Hivi atum aphan anta la lam lolo.

JOSHUA 12:8

lake inglong ajo, lapen kangdai ajo alongle, Arob alongle, arlengjir ajo alongle, kejejangtang ajo alongle, lapen Negeb alongle, Hitti atum, Amor atum, Kanaan atum, Perizi atum, Hivi atum lapen Jebusi atum alonglelo.):

JOSHUA 21:45

Israel atum aphan Hemphu kechechak ason an papleng-lo.

JOSHUA 22:31

Eleazar kurusar asopo Phinehas halatum aphan pulo, “Non netum chinilo, Hemphu etum along dolo. Nangtum Alangli abekethur kali, lasi nangtum Israel arat aphan Hemphu aduk kepiji pen pajoktang-lo.”

JOSHUA 24:11

Nangtum Jordan hat-lo lapen Jeriko vang-lo. Amor aso atum, Perizzi aso atum, Kanaan aso atum, Hitti aso atum, Girgash aso atum, Hivi aso atum lapen Jebusi aso atum keklem asonthotsi Jeriko amonit atum nangtum pen ron chedanlo. Bonta Ne nangtum aphan halatum kedo-an aphuthak nangpahailong-lo.

JOSHUA 3:9

Anke Joshua arat aphan pulo, “Dak vang-ra Hemphu nang Arnam kopi pujima arjutha.

JOSHUA 9:1

Israel atum kehai alam nichi a-Jordan anglong, inglong-heihei akeng-ri Mediterran atalo athoi aklam lapen ha Lebanon anirep lahei ke Hitti arecho, Amor arecho, Kanaan arecho, Perizzi arecho. Hivi arecho lapen Jebusi arecho anta chinipet-lo.

1 SAMUEL 17:26

Adung abangphan David arjulo, “Laso a-Philistia aphan kepathi abang lapen Israel aphan non ason kepinrem pen kepajok abang kopi longji? Jat seta la kereng aron-armu Arnam aphan kepinrem akekroikre a-Philistia komat-lo?”

1 SAMUEL 26:6

Hitti asor Ahimelek aphan lapen Joab akor Abishai (Latum apei Zeruiah) aphan David arjulo, “Sol amukam along nangtum banghini komatsi nelong nangdunpo?” Neli nangdunpo! Abishai thak-lo.