JOSHUA 24:7 - BAIBEL KANGTHIR (BSI)

⁷ halatum Ne pen kerap kehangjisi hangjolo, lasi Ne halatum lapen Ijip aso atum angbong chitim pangtingsang-lo. Ne, talo alang Ijip aso aphuthak pangbak-lo, lapen halatum langjang-lo. Nangtum chinilo Ne Ijip aphan kopisi klemtang-loma.” Kejejangtang ajo nangtum penang an ajirkeding apor donang-lo.

JOSHUA 24:7 ပူးပေါင်းရင်းမြစ်များ

KEBAR 14:10

Recho lapen la aron-armu atum, Israel atum anat kevang thek-longsi latum pherepik-lo, lapen kerap kelongjisi Hemphu aphan choningrijolo.

KEBAR 14:20

Inghun anujokta Ijip lapen Israel atum angbong. Inghun Ijip atum aphan pangtingkuk-lo, bonta Israel arat aphan ke pathe-angdang-lo, lasi jo pangthang ron-armu atum lahin-lahin chevang-chedam un-e det-lo.

KEBAR 14:31

Hemphu ajakong kethe pen Ijip atum aphan keparem akam Israel atum thek-longsi latum Hemphu aphan pherelo; lapen latum Hemphu aphan lapen aban Moses aphan kroilo.

KETHAN 1:46

Lasonsi Kadesh along kedo ajirdingklui an ongdung arni nangtum hadak dolo.

KETHAN 2:14

Kadesh Barnea odet pen ningkan thomkep-ra nerkep aphi Zered nanglelo. Hemphu aseme atengsi ronkechedan pinsomar a-ove atum an thi-et-lo.

KETHAN 29:2

Moses kadokave arat atum aphan hangpetsi latum aphan pulo, “Ijip arecho, a-saihemphu atum lapen adet kangthim aphan kopisi keklemloma nangtum nangmek-hini pen thek-long-lo.

KETHAN 4:34

Kaprek arnam atum isi arat aphan kaprek akhei angbong pen kevanji aphan damhaijima, lapen nangtum aphan Hemphu Arnam Ijip along nangkeklem ason amethang arat chepinchong unjima? Nangtum amek angden Alangli jakong lapen kangtang chepaklang-lo Alangli avur lapen ron vanlo, manghumeme ason ason Alangli klemlo lapen kepherememe akam paplang-lo.

IBRI 3:17

Lapen ningkan phlikep angbong Arnam komat atum aphansi aning kethima? Lake hala pap keklem pen apot kejejangtang ajo kethikoi atum aphan helo, kalima?

JOSHUA 5:6

La semeketang ason si halatum aphusar atum aphan kechak kedorphlup lapen aho-or kedo alongle lang longledet-lo.