JOSHUA 24:20 - BAIBEL KANGTHIR (BSI)

²⁰ Jongsi nangtum Alangliphan obup-ra kaprek arnam atum aphan ingduk lote nangtum abe la thurpo, lapen nangtum aphan aduk nangpipo. Aphrang ahut Alangli nangtum aphan mesen seta la nangtum aphan pavirdetpo.”

JOSHUA 24:20 ပူးပေါင်းရင်းမြစ်များ

AKAM 7:42

Lasi Arnam halatum pen chetevarsi, lapen sining achiklo longso hei hei aphan keparchoji aphansi Arnam halatum aphan obup-lo. Lake hala Arnam amontri atum ketok aloh along ketok asonthot-lo, atheke hadak tok-lo, ‘Oh Israel amonit atum! Nangtum kejejangtang ajo ningkan phlikep kedo ahut nephansi marat api athok hei hei thok-loma?

EZEKIEL 18:24

Bonta inut dhoromi abang keme keklem olo, lapen kehingno akam an klem cheng-lo, kehingno atum keklem ason kehijimmeme klemlo, alangli reng-longbomjima? Kali! La keklem akeme akam anta tengne-etpo. La thipo, pima la akekroi thirklongkle lapen apap-heihei apot.

JEREMIAH 17:13

Hemphu, Nangphansi Israel atum ningchethelo; nangphan ke-o abang aling aphan patherakdukpo. Latum sangti aduk ajo amen ketok ason Ave dapprangji; Pima latum Nangphan nang-obup-lo, Hemphu, langkereng atiri.

1 PHURKIMO 28:9

Lapen Solomon aphan alangli pulo, “Po, nangpo a-Arnam aphan nang chechininon lapen elep-pet aning penle lapen ning kehang pen alangliphan ingduknon. Alangli eli kematha lapen ening akar-i ason an chinipet abang-lo. Nang jongsi Alanglilong damlote, Alangli nangdengji, bonta nang jongsi Alangli pen chepahelo lote, Alangli kaike aphan nang-obuppo.

ISAIAH 63:10

bonta latum Alangli Karjong Kangthir aphan aning pa-oi lo. Lasi Hemphu ke halatum ahotur plang-lo lapen halatum abe thursi chedanlo.

ISAIAH 1:28

Bonta pap keklem atum an lapen la abe kethur atum an aphan alangli sorlamji; alangliphan ke-o aphan la pathiji.

EZRA 8:22

Rechokethe pen ne kerai asong hotur atum pen tovar kedam un ahut kechedan ron-aso kehang therak-hik-lo, pima ne alangliphan pulo, netum a-Arnam ke Alangliphan kechiki atum aphan pahirme, bonta Alangliphan aning padokde abang badu setame Alangli pen kesui atum aphan aduk pi.

2 PHURKIMO 15:2

Alangli Asa Recho aphan kechetongjisi alangli damlo. Alangli hang-lo, “Nelilam arjutha, Asa Recho, lapen Judah lapen Benjamin arat kedo-an! Nanglitum Hemphu along dotik an Alangli nanglitum along dolo. Nanglitum jongsi Alangliphan rilote, Alangli nanglitum aphan palongji, bonta Alangli pen nanglitum suilote, Alangli nanglitum aphan nang-obuppo.

IBRI 10:38

Lapen neli methang amonit dhoromi atum ke kekroi pensi rengji; bonta halatum angbong inutbak aphi chirui lote ne alangliphan asapta ning dokdedetji.”

KETHAN 4:25

Nangtum jongsi det along ajirdingklui an do setame nangso lapen nangsu do-olo setame, nangtum methang aphan pine a-arje akumlin keselam pen ajok pap klemrinon. La ke Hemphu angno kehingnopik akamlo, lapen laso akam Alangliphan aning pathipo.

KETHAN 4:26

Pini neli nangtum ahaki kepachojisi sining lapen pirthe aphan hang-lo, atheke nangtum jongsi Nephan kroikrelo pulote, nangtum prapjinpen laso adet pen avedetpo. Nangtum kecheraiji pu alongle Jordan parai along do longverve detpo. Nangtum aphan pavirklungpo.

JOSHUA 24:21

Rat atum Joshua aphan thak-lo, “Kali! Netum Hemphu aphansi ingdukji.”

1 SAMUEL 12:15

Bonta nanglitum jongsi Hemphu alam arjujera la ahukum kroikrelote la nanglitum lapen nanglitum arecho abe thurpo.

1 SAMUEL 12:25

Bonta nanglitum jongsi pap klemverlote nanglitum lapen nanglitum arecho aphan pavirdetpo.”

1 PHURKIMO 28:8

Lasi non, Nerat atum, e-Arnam lapen Israel kedo-an Hemphu angno eliphan e-Arnam Hemphu hukum kepi ason an kekroi thekjile nanglitum aphan neli choningrilo, anke laso alongle keme nanglitum cherai longpo lapen lasonsi a-ove ove anta kaike chepahemphu longpo.

LUN ALOHTHUI 89:31

jongsi latum Ne kepinkhat arjuje pulote, lapen Ne hukum-heihei rimre pulote,