JOSHUA 24:2 - BAIBEL KANGTHIR (BSI)

² Kedo-an arat aphan Joshua pulo, “La helo Israel a-Arnam Hemphu kepuji alamlo: Hako ahut nangphusar atum Euphratis Aroi akung dolo lapen akaprek arnam atum aphan archolo. Laso nangphusar angbong Terah helo, la Abraham lapen Nahor apolo.

JOSHUA 24:2 ပူးပေါင်းရင်းမြစ်များ

KECHENG 11:22

Serug arta ningkan 30 ahut, alangli sopo inut. Nahor dolo,

KECHENG 11:24

Nahor arta ningkan 29 ahut alangli sopo inut Terah dolo,

KECHENG 11:26

Terah arta ningkan 70 aphi, alangli Abram, Nahor lapen Haran apo plang-lo.

KECHENG 11:27

Terah aso-asu lahei helo, alangli Abram, Nahor lapen Haran apolo. Haran ke Lot apolo,

KECHENG 31:19

Laban ke abiresak angmi kangtipjisi damjuilo, lapen alanglibang kave ahut Rachel abang apo mar hem a-arnam-heihei nangchonghudet-lo.

KECHENG 31:30

Neli chini nangli hem kechingtung ong apotsi nangli ke-o, bonta nangli kopi apotsi nelihem arnam kechonghu pon det-loma?”

KECHENG 31:32

Bonta nangli jongsi ladak kedo angbong inut bak along nangli arnam long-lok-lo pulote halaphan pathilotpo. Ladak nelimonit atum si ahakilo, nanglimar an chelangnon, lapen nanglimar an cheponnon.” Laban a-arnam Rachel si chonghudet pu alam Jakob chinine.

KECHENG 31:53

Abraham a-Arnam lapen Nahor a-Arnamle elitum angbong nangpangsai lonang.” Anke apo Isaak karcho a-Arnam amen pen semetang-lo.

KECHENG 35:4

Lasi latum bidet arnam-heihei kedo-an Jakob aphan pi-et-lo, lapen latum kechingthang anorik-heihei ta pi-et-lo. Alangli lahei Shekem tarabeng athengpi arum si pip-lo.

1 PHURKIMO 1:27

lapen Abram (Abraham pusi chinihur).

ISAIAH 51:2

Nangtum keplang nangphusar-nangphisar Abraham lapen Sarah alam mathadamtha. Ne Abraham aphan kehang ahut, la asomar ave, bonta laphan Ne pahirjumelo, lapen laphan a-somar pilo, Ne la asomar pa-ongdung-lo.

EZEKIEL 16:3

Bangpi aphan keklem un a-Hemphu kopisi kepuma thannon:” Nangtum Kanaan adetsi mahangthek-lo. Nangpo ke inut Amor asolo lapen nangpi ke inut Hitti-pi lo.

LUK KETOK ABIRTA KEME 3:34

Jakob apo ke Isaak, Isaak apo ke Abraham, Abraham apo ke Terah, Terah apo ke Nahor.

KETHAN 26:5

Anke, Hemphu angno nangtum laso alam-heihei patampo: “Ne phusar atum ke kechongvirtap Aram aso atumlo, latum kedodamji pusi Ijip adet ahem asor an cheponlo. Hadak latum kedam ahut aphai ong-e, bonta latum aphai ongdung-lo lapen isi ingtangrak akhei plang-lo.

JOSHUA 24:15

Jongsi nangtum Alangliphan ingduk ingtungte pulote pini komat aphansi nangtum ingdukjima phar pamenon, Mesopotamia along nangphusar atum karcho a-Arnam atum aphanma mate nangtum non kedobom Amor aso atum a-arnam atum aphanma? Bonta netum hem isi thuke, netum Hemphu aphansi ingdukji.”