JOSHUA 24:14 - BAIBEL KANGTHIR (BSI)

¹⁴ Joshua pubomlo, “Non lasi, Hemphu aphan man pinon lapen kekroithirklong pen la aphan kangdukjisi mon-enon. Mesopotamia lapen Ijip along nangphusar atum karcho a-arnam-heihei che-o-etnon lapen Hemphu aphanle ingdukchotnon.

JOSHUA 24:14 ပူးပေါင်းရင်းမြစ်များ

KECHENG 17:1

Abram arta ningkan 99 ahut, alangliphan Hemphu cheklang-lo, lapen pulo, “Ne helo Jakongkethenei a-Arnam lo. Nephan kroinon lapen kaita kopisi kechok ma lale klemnon.

KECHENG 35:2

Lasi hem isi aphan Jakob thanlo, lapen alanglilong kedo atum an aphan thanlo, “Bang adet a-arnam-heihei pen nangtum che-onon; nangtum chepangthirnon lapen pe kangthir chepindengnon.

2 RECHO 20:3

“Chemathatha, Hemphu, ne nangphan kroithipsi ahokpet pen nang ingduk-lo, lapen nang nephan nangpaklemtoi akam ansi ne kaike keklemji aphan bor-iverlo.” Lapen la aning kerun pen chirulo.

EZRA 9:11

Netum puthot nangban, montri atum pen netum aphan kepitang ahukum-heihei kroikretang-lo. Halatum nepulo, etum kecheraidamji alongle ke isi kangthirthe alongle pima ladak kedobom arat atum kangthirthe akamsi isi angchun pen ha kejut angchun an plengset-lo.

JOB ALOH 1:1

Job pu inut amonit, Uz pu adetsi dolo, la Arnam aphansi archolo, lapen laphan kroithip-lo. La inut mesen amonit, kehingno klemkle detsi asontin cherelo.

JOB ALOH 28:28

Monit aphan Arnam pulo, “Keresetjite nang Hemphu aphan man pivek nangji. Kechini thekji aphan nang kehingno pen suivek nangji.”

LUN ALOHTHUI 111:10

Hemphu aphan man kepi helo kereset keplang-i-atovar; Alangli hukum-heihei kekroi atum aphan la ingsaipamelo. Alangli kaike kerovernangji atheng-lo.

LUN ALOHTHUI 119:1

Kedinnang kavepin atum, lapen Hemphu aron ateng pen kedo-kethak atum rengme.

LUN ALOHTHUI 119:80

Nang hukum-heihei ne kekroithekpame abang paplang-lonang, lapen keremnang aketherak pen nepajokphlotnang.

LUN ALOHTHUI 130:4

Bonta nangke netum aphan diyalo, anke nangphan kephere pen netum arjap unpo.

LUN ALOHTHUI 81:10

Ne nangtum a-Arnam Hemphu-lo, Ijip adet pen nangtum aphan nangkevan a-Bang-lo. Nang ingho chingpunon, lapen Ne nangphan nangphinpo.”

EZEKIEL 20:18

La alar Ne latum angbong okkengjang atum aphan pacherelo: Nangphusar atum keselam aron-heihei aron biri, halatum nimrokom endunri mate halatum akumlin-heihei pen chepasa-urri.

EZEKIEL 23:3

Latum pakorjang ahut, Ijip adet kedo ahut latum ingthir et pen dode lo, lapen beisapi plang-lo.

HOSEA 3:5

Aphithu ke Israel atum chevoisi halatum a-Arnam Hemphu aphan lapen arecho David aphan ripo; lapen kejut arni halatum kephere pen Hemphu along lapen Alangli keme along vangpo.

LEVI 17:7

Israel arat atum bi-ahi-i aphan athok kepira kepathi pen ajok alanglitum Hemphu angno kekroithipthe abang kalidetpo. Laso aron Israel atum kevangji arni anta keklem-ponbomji aphan binangpo.

MIKAH 6:8

Kopisi keme, Alangli nangphan paklang-lo, O monit, lapen Hemphu pisi nang pen kehang-lo; bonta ahok akangsai akam, lapen kangjinso aphan inghonnon, lapen nang Arnam pen chepabihek-ra kengkam chejornon.”

LUK KETOK ABIRTA KEME 8:15

Lapen longle keme ajo keklo achili ke la helo: latum ke keme lapen kechingki me-o aning pen arjulo, lapen alam otthip bomsi kechechakthek ajakong pen halatum kaiketa athe patheverlo.

AKAM 9:31

Lapen ansi Judia, Galili, lapen Samaria adang an Mondoli ningkangsam dolo. Hemphu aphan kepherepen dosi, Mondoli Karjong Kangthir akerap pen ajok Mondoli ingtang-lo lapen armu ongponbomlo.

2 KORINTH 1:12

Tangte nelitum kechepindak alam lahelo; nelitum Arnam aning kehang atengsi ingthir-et pen lapen athikdut pensi pirthe angno, lapen jasemet ke nanglitum angnota do-thak-lo. Monit agian pensi nelitum do-thak-lo, lapu kali; bonta Arnam akangjinso ajakong pensi nelitum do-thak-lo.

EPHESAS 6:24

E-Hemphu Jisu Khristo aphan kejut un-epin akanghon kedo atum an along Arnam akangjinso padonang.

KETHAN 10:12

Non, Israel arat atum, nangtum pen Hemphu nang Arnam kopisi kehangma nangno chedennon; Hemphu aphan archonon, lapen Alangli kepi ahukum nangkepi an klemnon. Nangning do-an pen Alangliphan chinghon non lapen ingduknon,

KETHAN 18:13

Hemphu aphanle kroithip khangjangnon.

KETHAN 6:13

Hemphu nang Arnam aphan aman pinon, Alangliphanle archo chotnon, lapen Alangli men penle nangtum aseme tangchotnon.

PHILIPI 1:10

Anke mo Khristo a-Arni ahut nanglitum akechokche lapen adai avedetpo,

JOSHUA 24:2

Kedo-an arat aphan Joshua pulo, “La helo Israel a-Arnam Hemphu kepuji alamlo: Hako ahut nangphusar atum Euphratis Aroi akung dolo lapen akaprek arnam atum aphan archolo. Laso nangphusar angbong Terah helo, la Abraham lapen Nahor apolo.

JOSHUA 24:23

Alangli hang-lo, “Tangte nangtum along kedo bang adet a-arnam atum pen che-onon, lapen nangtum ahokpet akekroi Israel a-Arnam Hemphu aphanle pinon.”

1 SAMUEL 12:14

Kadokaveta mesen pen dampo, jongsi nanglitum nang Arnam Hemphu aphan manpilote, ingduk lote, laphan alam arjulote lapen la ahukum kroipet lote, nanglitum lapen nanglitum arecho la aphan kroipet-lote, mesen.

1 SAMUEL 12:24

Nanglitum aning kedo-an pen Hemphu aphan kroithipnon lapen ingduknon. Nanglitum aphan la akethe akam nang keklempi ason chemathatu.

1 SAMUEL 7:3

Israel arat aphan Samuel pulo, “Nangtum jongsi nangning aklong pen Hemphu anat pangnolo pulote kedo-an bang adet arnam-heihei lapen Astarte a-arnampi akumlin-heihei chevar-etnon. Nang methang Hemphu aphan chehodaira la aphanle archochotnon, lapen la Philistia ajakong pen nangtum aphan nangpajokpo.”