JOSHUA 24:1 - BAIBEL KANGTHIR (BSI)

¹ Shekem along Joshua kedo-an Israel akhei aphan pangrumlo. La akesar atum aphan, jalin atum aphan, kangsai atum aphan lapen Israel achakri atum aphan hangpet-lo lapen halatum Hemphu angno vangpet-lo.

JOSHUA 24:1 ပူးပေါင်းရင်းမြစ်များ

KECHENG 12:6

Moreh athengpi kangthir, Shekem along kangthir adim nangleletik Abram det adang bithe damlo. (Halaso ahut Kanaan aso atum det arlo dobomlang.)

KECHENG 35:4

Lasi latum bidet arnam-heihei kedo-an Jakob aphan pi-et-lo, lapen latum kechingthang anorik-heihei ta pi-et-lo. Alangli lahei Shekem tarabeng athengpi arum si pip-lo.

1 RECHO 12:1

Rehoboam, Sekem anat damlo, hadak laphan recho kebatjisi Nirep a-Israel atum kedo-an chingrumpet-lo.

2 RECHO 23:1

Josiah Recho kedo-an Judah lapen Jerusalem ajalin atum aphan hangpet-lo,

AKAM 10:33

Hala mamat neli nangli long monit nangtoilo. Lapen nangli ingjinso si vangtang-lo. Arnam nangliphan kepaputoi alam an nelitum karjulongjisi ladak Arnam angno chingrumsi nelitum inghongphrong-lo.”

KETHAN 29:9

Laso akechejok aloh aron an kroithipnon, anke nangtum kopima keklem chunpo.”

JOSHUA 20:7

Lasi Jordan anichi anat halatum Galili along Kedesh panong-lo, la Naphtali angbong alongri; Shekem lake Ephraim anglong alongri; lapen Hebron, la Judah anglong alongri panong-lo.

JOSHUA 23:2

Lasi la Israel kedo-an akesar atum an, ajalin atum an, kangsai atum an, lapen rat achakri atum an aphan hangpet-lo, lapen pulo, “Non ne sartang-lo.

KANGSAI ATUM 20:26

Ansi kedo-an Israel arat atum Bethel along damsi ningri damlo. Hemphu angno latum ingniphrong-lo, lapen arnikangsam anta an chochedet-lo. Latum kechingrum athok-heihei lapen ajehak athok-heihei lapen danta Hemphu angno phrinlo.

1 SAMUEL 10:19

Ne nangtum a-Arnamlo, nangtum kepachoi lapen akesung-heihei an pen nangkepajok Abang-lo, bonta nangtum pini Nephan Ne-otang-lo, lapen inut arecho nangtum aphan nangji pusi nehang-lo. Mesen, tangte Hemphu angno akheitin, arotin nangtum chingrumnon.’”