JOSHUA 23:16 - BAIBEL KANGTHIR (BSI)

¹⁶ Jongsi nang Arnam Hemphu nangpaklemtoi ahukum kechejok ateng klemkle lapen kaprek arnam atum aphan ingduk-rong, archorong pulote Alangli aningkethi pen nangtum aphan aduk pipo lapen Alangli nangtum aphan nangkepi alongle keme along nangtum virdetdetik an adukpipo.

JOSHUA 23:16 ပူးပေါင်းရင်းမြစ်များ

2 RECHO 24:20

Jerusalem lapen Judah arat aputhak Hemphu pu-an aning thi-lo, la amek angdeng pen halatum aphan phlungjuilo.

1 RECHO 14:15

Israel aphan Hemphu aduk pipo, lapen bangpi langjeng along arpik keklemphler asonsi klemphlerpo. Aphusar atum aphan kepi alongle keme pen Israel arat atum aphan la phu-etpo, lapen Euphratis Aroi apar halatum aphan hijikjampo, pima latum Asherah arnampi akumlin-heihei keselam pen ajok la aning pakang-lo.

2 RECHO 17:7

Samaria virlo pima Israel aso atum halatum a-Arnam Hemphu, Ijip arecho pen kepajok abang lapen halatum aphan Ijip adet pen kevan abangphan langplotsi pap klemlo.

JEREMIAH 32:24

Rongsopi kecheraidetjisi Bebilon aso atum kompetsi longle inghan builo, lapen latum tengkheng bomlo. Ron, akhim lapen keso ajok halatum arideng rongsopi dampo. Nang kepu ason an kechekok Nang thek-long-lo.

KELAKHA 33:56

Nangtum jongsi latum aphan phlungphle pulote, Ne amatsi halatum aphan kepavirjipu kemang ason, nangtum aphan pavirpo.”

KETHAN 6:15

Nangtum jongsi akaprek arnam atum aphan archolote, nangtum aphuthak Hemphu aningkethi me ason vangsi nangtum aphan pavirdet khangjangpo, pima nangtum along kedo Arnam Hemphu-ke akaprek badu arnam aphan chakche.

KETHAN 17:3

akaprek arnam-heihei mate arni mate chiklopi mate chiklolongsohei hei aphan karcho lapen kangduk pen ajok Alangli pen kechejok aloh ingdilo, lahei ke Hemphu ahukum pen keparlinlo.

KETHAN 28:15

Bonta nangtum jongsi nang Arnam Hemphu aphan kroikrelote lapen pini ne nangtum aphan nangkepi ahukum-heihei lapen aron-heihei kroithip pen rim pameme pulote, lahei kehingno an nangtum aphuthaksi vangpo:

KANGSAI ATUM 2:14

Lapen Hemphu Israel aphuthak aningthilo lapen dokait atum patengkhengsi halatum papon longtoilo. Alangli hotur atum halatum do-an aphuthak pachepahemphu toilo, lapen Israel atum amethang aphan chepajok thekthedet-lo.

KANGSAI ATUM 2:20

Hemphu Israel aphuthak aningthihaksi pupo, “Laso akhei Ne aphusar atum aphan kepaklemtoi kechejok ahukum ingditang-lo. Pima latum nephan kroikrelo.

1 SAMUEL 12:25

Bonta nanglitum jongsi pap klemverlote nanglitum lapen nanglitum arecho aphan pavirdetpo.”

1 RECHO 9:6

Bonta nang lapen nangso-nangsu, Nephi phi dun-mo lote, lapen nang jongsi nangphan nangkepitang Aron-heihei lapen Ne hukum-heihei kroikrera kaprek arnam-heihei aphan archorong lote,

1 RECHO 9:7

halatum aphan kepi alongle along pen Nerat aso atum aphan Ne phlungjuipo. Nephan karchoji adim kepangthirtang laso a-Kardomhemthepi ta Ne obubji. Alongtin kedo arat atum Israel aphan hiringjopo lapen langrempo.

ISAIAH 24:5

Arnam aron-heihei kangdi pen ajok lapen alangli kaike pen ajok lapen alangli kaike padover aphan akechejok kangdi pen ajok rat-atum pirthe pasa-ur lo.

JEREMIAH 32:23

Bonta latum laso alongle nanglut pen la kecherai ahut latum Nang hukum-heihei kroikrelo mate Nang kethan ateng halatum dodelo; latum aphan Nang la kedo-an akevir pavang-lo.”