JOSHUA 22:5 - BAIBEL KANGTHIR (BSI)

⁵ Moses nangkepi nangpaklemtoi Aron an kroipamepo pura pachinidaknon. Nang Arnam Hemphu aphan chinghonnon, la aning kehang alingle klemnon, la ahukum-heihei kroinon, La aphan kroithipnon lapen nangning lapen nangkarjong ajakong kedo-an penle La aphan ingduknon.”

JOSHUA 22:5 ပူးပေါင်းရင်းမြစ်များ

LUN ALOHTHUI 106:3

Alangli hukum-heihei kekroi atum rengme, akeme klemver atum.

LUN ALOHTHUI 78:7

Lasonsi latum Arnam aphan chikipo, lapen la keklemtang an ason tengnenelo, bonta la ahukum-heihei ke arnivang kroiverpo.

KEBAR 15:26

Alang pulo, “Ne kechok-lim aron an kroipet-ra klempamenon lapen Ne hukum-heihei an chebipamelo pulote, Ijip aso aphuthak Ne kevan akeso an pen ajok nangtum aphan aduk nangpipelo. Ne ke Hemphu, nang keso nangpame abang-lo.”

KEBAR 20:6

Bonta Nephan kechinghon lapen Ne aron-heihei kekroi abangphan ove suri suri anta Ne kanghon paklangverji.

KEBAR 23:13

Nangtum aphan Ne, Hemphu nangkepu alam athetin arjutha. Akaprek arnam-heihei aphan ardomri; halatum amen anta pinpurri.

KEBAR 23:25

Nangtum jongsi, Ne, nang Arnam Hemphu aphan archolo pulote, Ne nangtum aphan an lapen lang pen pahirjumepo lapen nangtum akeso anta pavedetpo.

SARLAMTHE 4:23

Kosonsi mathanangjima cheretu; nang kematha-heihei atengsi nangkai plangji.

ISAIAH 55:2

Nang ningchepajang longle amar aputhak kopisi nang tangka pakon nangpo? Nang kam keklem atangka chepakon pen pisi kangchir donangpo? Nelam arjunon lapen ne kepu aling klem non, lapen nang kemenei a-an chosi ning chepajang longji.

JEREMIAH 12:16

Latum jongsi aning kedo-an pen Nerat aso atum dhorom deng-lote, lapen ‘Hemphu reng-lo ason’, semetang lote, ephong Nerat aphan Baal amen pen seme kepatang ason latumta Nerat aso plangpo lapen chingthurpo.

MATHIU 22:37

Ansi alangli alangliphan pulo, “‘Nang ning ajakong an penle, lapen nangpran ajakong an penle lapen nang kematha ajakong an penle nang Arnam aphan chinghon non.’

MATHIU 4:10

Ansi Jisu alangliphan pulo, “Damnon, Soitan! Pima la hastro along toktang-lo, ‘Hemphu, atheke nang Arnam aphan helo nang kangduk-kardom nangji, lapen alangliphansi ingdukchot nangji!’”

MATHIU 6:24

“Badutame hemphu bang hini aphan chongduk rappet un-e, pima alangli la inut abang aphan langseletpo lapen anut kaprek aphan inghonpo; kalite inut abang aphan ahukum kroipo, lapen akaprek aphan hijimpo. Nangtum Arnam lapen tangka aphan ingduk rappet un-e.

LUK KETOK ABIRTA KEME 1:74

Atheke, ehotur atum arideng pen epajoksi,

JON KETOK ABIRTA KEME 12:26

Nephan keru kethaiji aning kehang abang ke ne long nangdunvek nangji, lapen ne kedo adimsi nebanta nangdo dunji. Lapen ne-Po ke nephan keru kethai abang aling aphan aman pi.

JON KETOK ABIRTA KEME 14:15

“Nangtum nephan neinghonlo pute nangtum nehukum hei hei kroiji.

AKAM 11:23

Alangli hadak nanglelo, lapen Arnam halatum aphan kepi akangjinso thek-longsi aning arong-lo; lapen ning aklong pen Hemphu aphan kekroi thirklong non pusi alangli halatum aphan choningrilo.

AKAM 27:23

Pima tove neli Arnam, atheke neli kangdukbom a-Arnam apherangke nelidung arjap-thersi,

ROM ASOR ATUM APHAN POL KETOK ALOH 1:9

Neli Arnam a-Sopo a-Birta Keme than pachethangsi neli ning aklong pen Arnam aphan klempibomlo, lake Arnam neli hakilo. Lapen neli kardom abataitinta nanglitum aphan chematha-ponverlo, lake Arnam chinilo.

ROM ASOR ATUM APHAN POL KETOK ALOH 12:9

Kanghon ke ning aklong pen nangji. Kehingno hijimra keme otthipnon.

ROM ASOR ATUM APHAN POL KETOK ALOH 8:28

Kadokave asonta Arnam ke akeme aphansi keklem athema Arnam aphan kanghon, atheke alangli kam aphan alangli ning kehang ateng kephatang atum pen kam klem rap rap-lo, pu ilitum chinilo.

KETHAN 10:20

Nang Arnam Hemphu aphan kroinon, lapen Alangliphanle archochotnon. Alangliphan kroi-thipnon, lapen Alangli men penle seme tang chotnon.

KETHAN 11:1

Nang Arnam Hemphu aphan chinghonnon lapen Alangli aron-heihei an kroinon.

KETHAN 11:13

Lasi, pini ne nangkepi ahukum-heihei kroinon; nang Arnam Hemphu aphan chinghonnon, lapen nangning ajakong do-an pen Alangliphan ingduknon.

KETHAN 11:22

Ne nangkepitang aron-heihei an kroithipnon: Nang Arnam Hemphu aphan chinghonnon, Alangli hukum an klemnon, lapen Alangliphan kroi-thipnon.

KETHAN 13:4

Hemphu aphanle hungnon, lapen laphanle aman pinon; laphan kroinon lapen Alangli hukum-heihei kroinon laphanle archonon, lapen laphanle kroithipnon.

KETHAN 4:29

Hadak nangtum Arnam Hemphu aphan cholangdingpo, lapen nangning aklong pen Alangliphan rilote, nangtum Alangliphan longji.

KETHAN 4:4

bonta nang Arnam Hemphu aphan kekroithip atum ke nonputa reng-et-lang.”

KETHAN 4:6

Lahei kroithipnon, lapen ajok akaprek akhei atum aphan nanglitum resetpu pachinipo. Latum lahei aron arjulong pen pupo, “Laso akhei ko-an agian lapen akemathathek ke-ong loma!”

KETHAN 4:9

Nangmethang cherepamenon! Nangtum nangmek hini pen kethek-long an, rengtik an ketengnenedetjile chemathanon. Nangsomar lapen nangsumar atum aphan.

KETHAN 5:10

Bonta Nephan kechinghon lapen Ne hukum kekroi atum aphan suri suri a-ove anta Ne kanghon paklangji.

KETHAN 6:17

Alangli nangtum aphan nangkepi aron kedo-an kekroithip thekjile nangtum chechakpamenon.

IBRI 12:15

Nanglitum angbong baduta Arnam akangjinso kelongdunde-detjile lapen akeho angkur pen arong vangsi ake-ongpi atum aphan kepasung lapen kepahingnodet akeho arong ason ke keplangpledetjile langpame non.

JEMS 1:12

Asat pho setta kekroi kechepathirthip abang rengme. Pima asat chechak undet-lote Arnam aphan kanghon atum aphan Arnam piji pu kechaktang achethe avaikang alangli longji.

JEMS 2:5

Kechinghon akorte marli atum, arjutha! Labangso apirthe athak keboidet atum kekroi anat ke keplang-oji lapen Arnam aphan kanghon atum an aphan piji pu Arnam kechaktang a-Rat kechepahemphudun longji aphansi Arnam la keboidet atum aphan ingvailo, kalima?

JOSHUA 23:8

Alar Hemphu aphanle kroithipnon, non nangtum kedo ason.

KEPAKLANG 15:3

Halatum Arnam aban Moses alun lapen Biresak a-So alun lunkong-lo: “Oh Hemphu Jakongtheparpik Arnam, kadokave keklem un abang, nangli kam hei hei ke theparpik lapen manghumeme binong! Oh kejut un-e akai anta kedover a-Recho, nangli keklem akam an chok-pame lapen ahok binong!

1 SAMUEL 12:20

Anke rat atum aphan Samuel thak-lo, “Phereri; nanglitum lapuson kehingno akam klemlo seta, Hemphu pen nangtum kat-ri. bonta la aphan nangning kedo-an pen ingduknon.

1 SAMUEL 12:24

Nanglitum aning kedo-an pen Hemphu aphan kroithipnon lapen ingduknon. Nanglitum aphan la akethe akam nang keklempi ason chemathatu.

1 SAMUEL 7:3

Israel arat aphan Samuel pulo, “Nangtum jongsi nangning aklong pen Hemphu anat pangnolo pulote kedo-an bang adet arnam-heihei lapen Astarte a-arnampi akumlin-heihei chevar-etnon. Nang methang Hemphu aphan chehodaira la aphanle archochotnon, lapen la Philistia ajakong pen nangtum aphan nangpajokpo.”