JOSHUA 2:9 - BAIBEL KANGTHIR (BSI)

⁹ lapen halatum aphan pulo, “Neli chini Hemphu laso alongle nanglitum aphan nangpitang-lo. Dak adet abangphutinta nanglitum aphan pherelo.

JOSHUA 2:9 ပူးပေါင်းရင်းမြစ်များ

KECHENG 35:5

Jakob lapen asomar atum ke-oji kecheng ahut, adung arei arong-heihei arat aphuthak jasemet kephere vang-lo, lapen latum alangli tum aphi-phi hungdunde det-lo.

2 SAMUEL 17:10

Hingho ason angthin kethe anokbe seta pherepo pima nanglipo inut anokbepo lapen la amonit atum anta ron kechedan unpik atum pu Israel kedo-anta chinipet.

2 RECHO 5:15

La Elisha along chevoithulo, la amonit atum pen pen lapen pulo, “Non neli chinilo nahokta arnam ave bonta Israel a-Arnamchot; lasi kanghon pen akehai, neli pen dan chodeng iktha.”

2 RECHO 7:6

Hemphu Siria aso aphan losei-heihei, ronhemkonglong-heihei pen ongdung aron-armu kevang arki parjulong-lo, lapen Siria aso atum mathalo, Israel arechosi Hitti lapen Ijip arecho lapen halatum aron-armu rongsi ketengkhengji vang-lo.

NEHEMIAH 6:16

Adung-arei adet kedo netum ahotur atum la arjulong pen halatum chechinilo, halatum amahang chepaklangji therak nangpo, athe baduta chinilo, laso akam Arnam akerap pensi patanglong-lo.

ESTHER 8:17

Lapen alongritin, arongsopitin recho ahukum kele adim an Judia atum chehoksi aning arong chepilo lapen isi kecho-kejun aphan kesang arni padolo. Lapen det arat ake-ongpi atum Judia cheplang-lo, athe halatum non Judia atum aphan pherelo.

JOB ALOH 19:25

Bonta ne chini sining pen inut abang vangsi padu nephan neraiji.

LUN ALOHTHUI 112:10

Kehingno abang lahei thek-longsi aning thisupo, latum kehijim lapen kelang un-e pen mengpengpo, halatum aning-kethi-heihei kaike aphan damjuipo.

LUN ALOHTHUI 115:16

Sining Hemphu si chepahemphu-chot, bonta pirthe ke Alangli amonit aphansi pidet-lo.

KEBAR 18:11

Non ne chinilo, Hemphu ke kedo-an arnam atum apar themu, pima Israel atum aphuthak Ijip atum kelangrop akam keklem apot Alang la klemlo.”

KEBAR 23:27

Nangtum aphan kekhang arat atum aphan Ne paphereduk po; nangtum pen kechedan arat atum aphan Ne pamanghu-etpo, lapen nang hotur atum nangtum pen suisi, Ne pakat-etpo.

THANPARE 8:12

Inut apapi bang pharo aphan pathilo seta reng-longbom. Oh! ahok, halatum kopisi kechepuma ne chini, “Nangjongsi Arnam aphan kroilote jat ason seta mesenji,

ISAIAH 19:1

Ijip aphan birta lahelo Ijip anat Hemphu vangpo, inghun athak ardonsi prapjin pen vangpo. Alangli ingno Ijip akumlin klemhurlo lapen la arat-aso angthin thehaihe det lo.

ISAIAH 23:5

Tair virtang-lo pu nang arju long det aphi Ijip aso ta thirikjok po lapen aning bi po.

JEREMIAH 27:5

“Jakong lapen kangtang-kangsak pen Ne pirthe monit akhei lapen pirthe athak kejuijam marat-mareng api an Ne pinchongtang-lo, lapen Ne kangvai abangphan Ne la pilo.

NAHUM 2:10

Nineveh virtang-lo, samphridang-lo, parongmandet-lo! Kephere pen aning ingduk-ruilo; Kengphu klemhurlo, jakong avedet-lo; mahang ikkuilo.

KELAKHA 20:14

Edom arecho aphan Moses Kadesh pen pherangke atum toilo. Latum pulo, “Laso abirta ke nangli don pen, Israel akhei pen. Nelitum kesung kephonang alam nangli chini,

KELAKHA 20:24

“Ne Israel aphan kepiji pu kechak alongle along Aaron lutdun longle lo; alangli thipo, pima nangtum banghini Meribah along Ne hukum kroikre lo.

MATHIU 20:15

Neli methang akhi pen neli neli ning kehang aling klem un, kalima? Kalite, neli keklem mesen apotsi nangli neliphan ne langdun un-e loma?’

KETHAN 11:25

Halaso alongle along nangtum kedam aling nang Arnam Hemphu-si bang arat atum nangtum aphan papheredukpo, la Alangli kechechak ateng-lo, lapen baduta nangtum aphan nangkhang un-elo.

KETHAN 2:25

Pini pen Ne kadokave arat atum nangtum aphan nangpapherehurpo. Nangtum amen kepinpurpen abangphutinta a-ok klemhurpo.”

KETHAN 28:10

Anke pirthe athak kedo arat atum an Hemphu nangtum aphan nangpherepo.

KETHAN 32:8

Kangtuinei Abang khei atum aphan alongle pilo; rat atum kodaksi kedo nangjima Alanglisi pathir, Akheitin aphanta inut arnam Alangli pi,

IBRI 11:31

Kekroi ajoksi akhat kave arloso Rahab-ta hala Arnam alam kekroikre atum along virdun jokphlot-lo, pima hala det kelangjoi atum aphan alangli aning kangsam pen chak-lo.

JOSHUA 2:11

Nelitum la arjulong-lok pen pherepik-lo; nanglitum ajok nelitum ning ajakong avedet-lo. Hemphu nanglitum a-Arnam ke Sining lapen pirthe a-Arnamlo.

JOSHUA 2:24

lapen pulo, “Nelitum ning chethepamelo, Hemphu ilitum aphan det epitang-lo. Hadak kedo-an arat atum etum aphan epherelo.”

JOSHUA 2:8

Kelangjoi atum ajo kesangji aphrang, Rahab sarnung angsong arludamlo,

JOSHUA 5:1

Jordan anichi anat Amor arecho kedo-an lapen Mediterran atalo anat kedo Kanaan arecho kedo-an Israel arat kehat tangtetik Jordan alang pakrengphunlo pu alam latum arjulong-lo. Halatum pherelo lapen halatum Israel pen ajok aning ajakong avedet-lo.

JOSHUA 6:2

Joshua aphan Hemphu pulo, “Ne, Jeriko, la arecho lapen angthin-kethe aron-aso penpen nangrideng nanghodaitang-lo.

JOSHUA 9:10

Lapen Jordan anihang anat Amor arecho banghini Heshbon arecho Shihon lapen Bashan arecho Og Ashtaroth along kedo atum aphan kopusonsi Alangli klemloma lata arjulong-lo.

JOSHUA 9:24

Halatum thak-lo, “Nelitum la klemlo, akehai, nanglitum dambomsi kedo-an det kangthim nangkepiji lapen la kedo-an arat aphan kepathi-etjisi nanglitum a-Arnam Hemphu aban Moses aphan hukum pitang-lo pusi la ahok alam chinilo. Nelitum la klemlo, pima nelitum nanglitum aphan pherelo; nelitum nelimethang achethe aphansi pherelo.

JOSHUA 9:9

Anke latum laso atomo thanlo: “Akehai, nelitum heloving adim pensi kevang-lo, pima nelitum Hemphu, nang-litum a-Arnam keklem alam arjulong-lo. Alangli Ijip adet along keklem asontin arjulong-lo.

KANGSAI ATUM 7:14

La ajirpo thak-lo, “lake Israel abang Joash asopo Gideon anokjirlo! La apar kaprek thangta kalilo! Arnamsi la Midian lapen etum ron amuluk aphuthak kepahaijisi pitang-lo!”