JOSHUA 2:18 - BAIBEL KANGTHIR (BSI)

¹⁸ Lasonle nangli klemnon. Nelitum nanglitum adet nangtengkheng ahut, nangli nelitum aphan nangkepasun anghapso along laso arri-ke-er kokdongnon. Nanglipo-nanglipei, lapen nangli chekle atum an aphan lapen nanglipo ahem asangho an aphan nanglihem vanpetnon.

JOSHUA 2:18 ပူးပေါင်းရင်းမြစ်များ

KECHENG 12:2

Nangphan Ne ongdung nangso-nangsu nangpiji, lapen latum isi thedung akhei plangpo. Ne nangphan pahirme po lapen nangmen pachethang phlup po, anke nang isi ahirjume plangpo.

KECHENG 7:1

Anke Noah aphan Hemphu pulo, “Telong along nang lapen nanghem asor an damnon, athema laso a-ove Ne ingno nang dhoromi pet abang-lo.

ESTHER 8:6

Pima nekhei aphuthak kevir nangji akehingno ne kopusi chelangdunding thekpoma? Lapen ne chepho-chero atum akevir kopusi ne chelangdunding thekpoma?”

KEBAR 12:13

Inghap anujok-heihei along avi helo nangtum kedo adim angthek-lo. Ne vi thek-long lote nangtum along vurvesi damphitpo lapen Ijip aso aphan aduk kepi ahut Ne nangtum aphan nang pasungselo.

SOLOMON ALUN 4:3

Nang ingtur chu kekok ari ke-er asonsi nang lam keningje ahut la langmepik. Nang mahang kedip ape pen nang ing-om turbong.

LEVI 14:4

kurusar abang aron atengpen kangthir avo jonni kepavanji aphan hukum pipo, laso along kedar athengpi ebeng, honjeng arri-ke-er, lapen “thengphrang” abap van-nangji.

KELAKHA 19:6

Anke alangli ajehak kedar athengpi, thengprang abap epeng, arri ke-er, ejeng ensi halahei me arlo varchui nangpo.

KELAKHA 4:8

Latum la bithe bitha pe-ke-er limjampo, lapen la aputhak ok-rengkeme dippo lapen kepon-iji abarlon kroipo.

LUK KETOK ABIRTA KEME 19:9

Jisu alangliphan pulo, “Labangso ahem arlo pini kejok vang tang-lo, pima labangso amonitta Abraham asupolo.

AKAM 10:27

Ansi alangli pen lam chethanponbomsi Pitor hem arlo lutdamlo. Hadak alangli monit kechingrum dopik thek-long-lo.

AKAM 10:33

Hala mamat neli nangli long monit nangtoilo. Lapen nangli ingjinso si vangtang-lo. Arnam nangliphan kepaputoi alam an nelitum karjulongjisi ladak Arnam angno chingrumsi nelitum inghongphrong-lo.”

AKAM 11:14

Alangli nangliphan lam thanji, lapen labangso alam pen ajok nangli lapen nangli hem asor atum an jokpetji.’

2 TIMOTHI 1:16

Onesiphoras ahem ehum aphan Hemphu kangjinso paklangnang, pima alangli neliphan abatai batai ning ne-parong-lo, lapen neli phatek kejang apot ke alangli therak-redet-lo,

IBRI 9:19

Pima Moses monit atum aphan aphrangke Aron angbong kedo ahukum an thanlo. Ansi alangli chainong aso lapen bi atum avi enlo, lapen la lang pen pangvuisi hisop aro lapen biresak angmi ke-er pen Aron aloh athak lapen kadokave amonit atum aphan arsi si

JOSHUA 2:21

Bangpi chedondunlo, lapen halatum aphan toijuilo. Latum damjui aphi bangpi inghapso along arri ke-er arri rak-lo.

JOSHUA 6:23

Lasi latum damsi Rahab lapen apo-apei, lapen amumar atum lapen ahem asor kedo-an aphan vandet-lo. Israel amukam adung halatum kedo-an ahem asor lapen aban atum aphan pajokvansi ponlo.

JOSHUA 6:25

Bonta Rahab beisapi lapen adon-arap kedo-an achethe pajok-lo. Pima Jeriko anat la ketoi banghini kepalangjoitoi atum aphan bangpi patujoilo. (Non pu arnita bangpi aso-asu Israel adetsi dolo.)