JOSHUA 2:14 - BAIBEL KANGTHIR (BSI)

¹⁴ Bangso amonit thak-lo, “Nelitum jongsi nelitum kechechak ateng klemkle pulote Arnam nelitum achethe papondet-lonang! Nangli jongsi badu aphanta nelitum keklem alam thanthelo pulote, Hemphu laso alongle nelitum aphan nekepi ahut nelitum semetang-lo, nanglitum aphan langpamepo.”

JOSHUA 2:14 ပူးပေါင်းရင်းမြစ်များ

KECHENG 24:49

“Non, nangli jongsi neli hemphu aphan nangli deng kepaplengji nangli ninghang, lapen alangliphan pharpame po pulote, kanghon pen neliphan nelithannon; jongsi kali pu seta nelithannon, anke neli kopima keklem nangji neli klempo.”

KECHENG 47:29

Alangliphan kethiji apor nangle si, alangli sopo Joseph aphan alangli hang-lo, lapen pulo, “Nekengtham athak nangri chebat-ra nephan nang Ijip adet nangpippe lo pura semetangnon.

2 SAMUEL 2:5

la hadak ajehak amonit toisi birta lolo: “Nangtum arecho aphan kepip pen ajok kangjinso kepaklang apot Hemphu nang pahirjume nang,

2 SAMUEL 2:6

lapen Hemphu non nangtum aphan nang pajinso nang, lapen nangtum aphan ahok pen paklem nang. Neli amat ta nangtum aphan akemesi klempo. Pima nangtum keme akamsi klemlo.

2 SAMUEL 9:1

Arnisi David arjulo, “Sol ahemtun pen inutbak dolangma? Jongsi dolang pulote, Jonathon ajok ne la aphan kangjinso paklang ingtung.”

1 RECHO 20:39

Recho vang-lo, montri abang alangliphan hangsersi pulo, Recho neli elong arong chedamlo, lapen keneptang ahotur aron-aso nelilong vangsi pulo, “Laso amonit langtha; la jongsi katjui lote nangpran chepinangpo kalite rup dum suri kethom adai tu nangpo.”

SARLAMTHE 14:22

Nang jongsi akeme akam klemlote nangphan bang nangchikipo lapen man nangpipo; nang jongsi kehingno akam klemlote nang chokchelo.

SARLAMTHE 18:24

Kechekrongchot ajirpo atum ajehak do, bonta akorte ason ansose kechephonei ajirpo ta do.

MATHIU 5:7

“Kangjinsothek atum rengme, pima halatum kangjinso longji!

AKAM 23:22

Chedanbang bang suri ahemphu abang halabangso ariso aphan pulo, “Nangli neliphan labangso alam thanlo puke nangli badu aphanta thanri.” Ansi alangli halabangso ariso aphan padamjuilo.

JOSHUA 2:13

Nelipo-nelipei lapen neli-ik nelimumar lapen halatum ahemtun-heihei raipo pura semetang iknon! Nelitum aphan nelipathi longri!”

JOSHUA 2:15

Rahab ke rongsopi arpong along kekim ahemsi kedo, lasi bangpi arri pensi pinso amonit atum aphan inghapso anat pen pasunlo.

JOSHUA 6:17

Rongsopi lapen la along kedo-an amar angton pen Hemphu aphan isi athok ason pavirdet khangjang nangji. Muthe Rahab beisapi lapen bangpi ahem asor an si pajokchot nangji, pima bangpi etum akelangjoi atum aphan patulo.

JOSHUA 6:22

Ansi Joshua kelangjoi akam keklem banghini amonit aphan pulo, “Beisapi ahem damra bangpi lapen bangpi ahem asor kedo-an van-etnon, nangtum bangpi aphan kechechak ateng.”

JOSHUA 6:25

Bonta Rahab beisapi lapen adon-arap kedo-an achethe pajok-lo. Pima Jeriko anat la ketoi banghini kepalangjoitoi atum aphan bangpi patujoilo. (Non pu arnita bangpi aso-asu Israel adetsi dolo.)

1 SAMUEL 20:8

Kanghon pen la, neliphan klem iktha, lapen nangli neliphan kechechak alam kangthir chebi vetnon. Bonta neli jongsi adai do, pulote nangli methangle neliphan pathinon! Kopisi nanglipo along ponsi neliphan pathi nangjilangma?”