JOSHUA 2:12 - BAIBEL KANGTHIR (BSI)

¹² Lasi non Alangli men pen semetang iknon, neli nanglitum aphan kangjinso asonthot nanglitumta nelitum hem isi aphan ingjinsopo lapen nanglitum aphan kekroithekjile neliphan angthek nepinon.

JOSHUA 2:12 ပူးပေါင်းရင်းမြစ်များ

KECHENG 21:23

La apotsi neliphan nelisomar, mate neliso-nelisu aphan ne pachobeibe-detjile Arnam angno ladak isi aseme dengnon. Neli nangliphan kroi pamelo, la apotsi nangli ta neliphan lapen laso nangli kedo adet aphuthak kroithippo pura chechaknon.”

KECHENG 24:3

Neli nangliphan Hemphu, pirthe lapen sining a-Arnam, amen pen semetangtha, nangli neliso aphan ladak Kanaan arat angbong pen piso ripipelo.

KECHENG 24:9

Lasi aban abang Abraham akengtham hini adak ari bat-lo, lapen Abraham karju ateng keklemji aphan seme deng-lo.

KECHENG 40:14

Bonta kadokave nangli phan mesenlo pulote neliphan kanghonpen chematha ik-tha, lapen neli lam kanghonpen recho aphan pinpur iktha lapen laso ahemkangsam pen kebar thekjile nerap iktha.

2 PHURKIMO 36:13

Recho Nebukadnezzar abe Zedekiah thurlo, lapen laphan Hemphu amen pen kroipamepo pu seme patang bor-idet-lo. alangli aning kecheruiji aphan molo, lapen Israel a-Arnam Hemphu anat chiruire det-lo.

ESTHER 8:6

Pima nekhei aphuthak kevir nangji akehingno ne kopusi chelangdunding thekpoma? Lapen ne chepho-chero atum akevir kopusi ne chelangdunding thekpoma?”

KEBAR 12:13

Inghap anujok-heihei along avi helo nangtum kedo adim angthek-lo. Ne vi thek-long lote nangtum along vurvesi damphitpo lapen Ijip aso aphan aduk kepi ahut Ne nangtum aphan nang pasungselo.

JEREMIAH 12:16

Latum jongsi aning kedo-an pen Nerat aso atum dhorom deng-lote, lapen ‘Hemphu reng-lo ason’, semetang lote, ephong Nerat aphan Baal amen pen seme kepatang ason latumta Nerat aso plangpo lapen chingthurpo.

MARK 14:44

Ansi Jisu aphan hotur arideng kehodaiji abang halatum aphan angthek paklangsi pulo, “Ne kangjupji abang aling helo, nangtum kenangji abang-lo. Alangliphan nep-ra paton pame pen ponnon.”

ROM ASOR ATUM APHAN POL KETOK ALOH 1:31

halatum kechoklem hingno, halatum amethang kechechak alam ateng klemkle, lapen halatum anut kaprek atum aphan akanghon lapen akangjinso ave.

1 TIMOTHI 5:8

Bonta mane abang jongsi chepho-chero atum aphan, jasemet ke amethang ahem asangho atum aphan lanane tangte, alangli kekroi dengdethutang-lo, lapen kekroikre abang apar alangli hingnomulo.

JEMS 2:13

Pima kangjinso kave abang aphan ke ingjinsosepin pensi ingsaidetji, bonta kangjinso ke kangsai aphanta haidet-lo.

JOSHUA 2:13

Nelipo-nelipei lapen neli-ik nelimumar lapen halatum ahemtun-heihei raipo pura semetang iknon! Nelitum aphan nelipathi longri!”

JOSHUA 2:18

Lasonle nangli klemnon. Nelitum nanglitum adet nangtengkheng ahut, nangli nelitum aphan nangkepasun anghapso along laso arri-ke-er kokdongnon. Nanglipo-nanglipei, lapen nangli chekle atum an aphan lapen nanglipo ahem asangho an aphan nanglihem vanpetnon.

JOSHUA 2:19

Mane jongsi ingtan barra thilot-lo pulote, la amethang adai pensi kethilo, la pen apot nelitum adai ave.

JOSHUA 6:22

Ansi Joshua kelangjoi akam keklem banghini amonit aphan pulo, “Beisapi ahem damra bangpi lapen bangpi ahem asor kedo-an van-etnon, nangtum bangpi aphan kechechak ateng.”

JOSHUA 9:15

Gibeon arat pen Joshua jirpo ason chepame alam deng-lo, lapen halatum aphan padolong-lo. Israel akhei ajalin atum jirpo chepame alamchak chechak pamelo.

KANGSAI ATUM 1:24

Langjoi atum rongsopi pen kebar ahut inut amonit aphan thek-longsi halaphan arjulo, “Rongsopi arlo kelutji atovar nangpaklangtha lapen netum nangphan thangnatta pasungselo.”

1 SAMUEL 30:15

“Hala kethiparohum atum along nephan nejapon thekjima?” pusi David la aphan arjulo. La thak-lo, “Nangli jongsi Arnam amen pen nepathithe lapen nelihemphu arideng hodaidelo pu semetang-lote nangthanji.”