JOSHUA 18:1 - BAIBEL KANGTHIR (BSI)

¹ Halatum det adang an aphan haidet aphi Israel kedo-an asong Shiloh along chingrumlo, lapen Hemphu angno Kechetong-i apehem parjap-lo.

JOSHUA 18:1 ပူးပေါင်းရင်းမြစ်များ

2 SAMUEL 7:6

Israel arat aphan Ijip adet pen kepajok arni pen non an ta Kardomhem dodepinlang. Ne pehem alongsi do dunbomlo.

1 RECHO 14:2

Apiso aphan Jeroboam pulo, “Kaprek arje cheparjenon anke baduta nangphan nangchinine detpo, lapen Ahijah montri kedo adim Shiloh anat damnon, lasi ne recho chopo pu nekethan abang-lo.

1 RECHO 14:4

Lasi bangpi Ahijah ahem Shiloh along damlo, kesar ongsi la amek checharchedet-lo.

1 RECHO 2:27

Ansi Abiathar, Hemphu akurusar akam kangdukji pen pache-olo, lasi Shiloh along Eli kurusar lapen aso-asu aphan Hemphu kepu alam pachekok-lo.

NEHEMIAH 9:24

Kanan adet lapen hadak kedo arat aphuthak Nang pahai toilo. Kanan arat lapen recho atum aphuthak aning kehang aling latum keklemji ajakong Nang rat aso aphan pitang-lo.

LUN ALOHTHUI 78:60

Shiloh along apehem la obup-lo, hadak la etum angbong kedo ahemlo.

LUN ALOHTHUI 78:66

La ahotur atum aphan phlungsi, kerem ketherak amahang pachedip-hop-lo.

JEREMIAH 26:6

Nangtum jongsi nephan kroikrever pulote Shiloh along Ne keklem ason laso kardomhemthepi aphuthak Ne klempo, lapen pirthe adang adet atum ahirjuno kepi ahut laso arongsopi amensi enpo.”

JEREMIAH 26:9

Kopisi nang Hemphu amen pen laso a-Kardomhemthepi, Shiloh ason plangpo pu kepulo, lapen laso arongsopi kevirji lapen la along baduta dolongledetji pu kepulo?” Anke rat atum nekompet-lo.

JEREMIAH 41:5

Bang Shekem, Shiloh lapen Samaria pen bang throknerkep amonit atum vang-lo. Latum angmum chesoi-et, halatum achoi chingsek-et, lapen areng cherot-ak-ak-lo. Latum sok lapen mephik kardomhemthepi along athok kepijisi ponlo.

KELAKHA 32:22

lapen longle cherai longletik an. Laso aphi si nangtum chevoithu unji, pima nangtum Hemphu akenang ateng klem papleng-lo lapen nang korte Israel atum aphan jokta aningpangsamlo. Ansi Jordan anihang alongle ke nangtumlo pu Hemphu kroipo.

AKAM 7:45

Aphi ephusar atum labangso ape ahem halatum apo atum pen long-lo, lapen Arnam halatum angno pen akhei kaprek kaprek atum aphan arphlungsi halatum Joshua pen pen halatum adet damsi kechepahemphu ahut halatum labangso ape ahem ponlo. David arni ahut anta labangso ape ahem hadak dolo.

JOSHUA 18:2

Israel arat khei throksi aphan halatum apharman alongle thakthelang.

JOSHUA 18:8

Longri ahoi arjan ketokjisi pinso atum aphan lahei paklemtoi akam la pinkhatdet aphi halatum atovar chedamlo: Det adang damra longle adang a-arjan tok-ra nelong vanthunon. La ansi dak Shiloh along nangtum apharman Hemphu aphan khadot-heihei pen arjupo.

JOSHUA 19:51

Eleazar kurusar Nun asopo Joshua lapen Israel akhei ahemtun ajalin atum lahei alongle khadot pen ajoksi Shiloh along Hemphu apehem athengno Hemphu aphan arju pensi longle chethak-lo. Lasonsi latum longle kechethak pajutdet-lo.

JOSHUA 21:2

Hadak Kanaan adet Shiloh along halatum aphan latum pulo, “Moses aphan Hemphu hukum pisi netum kedoji adim rongsopi-heihei lapen pi atum kepachopan adim la komchen arongsi nangpapitoilo.”

JOSHUA 22:12

Israel arat atum la arjulongsi nihang akhei atum pen ron kechedan damjisi Shiloh along vangpet-lo.”

JOSHUA 22:19

Lasi non, jongsi nangtum alongle along karchoji apun kali pulote Hemphu ape ahem kedo alongle along vangnon. Netum pen longle nanghang non. Bonta Hemphu abethurrinon mate e-Arnam Hemphu adovan kedo apara isi adovan pen ajok netum abeta thur-rinon.

JOSHUA 22:9

Lasi Reuben, Gad, lapen Nihang a-Manasseh arat atum hem chedamlo. Halatum Kanaan adet Shiloh along kedo-an Israel arat atum aphan otekangsi amethang alongle Gilead alongle Moses pen ajok Hemphu kepapitoi halatum ke-entang alongle along chedamthulo.

KANGSAI ATUM 18:31

Lasi Arnam kardom apehem Shiloh along Mikah akumlin kaita doverlo.

KANGSAI ATUM 21:12

Jabesh arat angbong bang 400 a-okarjang halatum long-lo. Lasi Kanaan adet Shiloh amukam along halatum aphan vandet-lo.

KANGSAI ATUM 21:19

Anke latum mathalo, “Shiloh along ningkan esek Hemphu achojun amei nang tebok het-lo.” (Shiloh ke Bethel anirep, lapen Lebonah anitur Bethel lapen Shekem anihang atovar angbong.)

1 SAMUEL 1:24

La aphan bangpi an chothek-lo pu pen bangpi la aphan Shiloh along pondet-lo, lapen ningkan kethom achainong-alo, him aduk lin kep, ok-reng ajarong isithup drakha ahorlang ponlo. Bangpi oso bihek Samuel aphan Hemphu ahem Shiloh along ponlo.

1 SAMUEL 1:3

Elkanah aningkan vangta Shiloh along Jakong Kethenei Hemphu aphan karchoji lapen athok-heihei kepijisi Ramah pen damlo. Hadak Eli asomar banghini Hophni lapen Phinehas atum Hemphu aphan kurusar cheplang-lo.