JOSHUA 13:3 - BAIBEL KANGTHIR (BSI)

³ (lake Shihor, la Ijip anihang anat, Ekron atum ahoi anirep anat, lake Kanaan atum alongle pusi puhur; hadak bangpho Philistia arecho dolang, halatum ke Gaza, Ashdod, Ashkelon, Gath, lapen Ekron, lapen Avim atum,)

JOSHUA 13:3 ပူးပေါင်းရင်းမြစ်များ

KECHENG 10:6

Ham asomar ke Kush, Ijip, Libia lapen Kanaan helo, latum amen ke-ir arat atum aphusar atum lo.

KECHENG 15:18

Anke hadak Abram pen Hemphu kechejok aloh chepathik lo. Alangli pulo, “Ijip ahoi pen ha Euphratis Aroi an nangso-nangsu aphan Ne kepiji aphan chechak-lo.

1 RECHO 8:65

Hadak Kardomhemthepi along Solomon lapen Israel arat kedo-an chepachong arong-aje ni throksi an talonlo. Hadak Hamath atovar nirep anat lapen nitur anat Ijip ahoi an pen kevang armu ongdung khangjang.

1 PHURKIMO 13:5

Lasi Kiriath-Jearim pen Jerusalem along Kechejok Asinduk kevanji aphan Ijip ahoi nijang pen Hamath atovar nirep anat det adang kedo-an arat aphan David pachingrumlo.

ISAIAH 23:3

Nangtum Ijip adet asok kenam-kejor lapen det-heihei atum pen beha keklemjisi monit talo anat toilo.

JEREMIAH 2:18

Nang kopisi mathalo, Ijip kedam pen kopilo kelongpo? Nil aroi pen lang kejunjima? Assiria anat kedam pen nang kopi longji pu mathalo, Euphratis pen lang kejunjima?

KETHAN 2:23

Mediterran atalo akung soding alongleke Krit alanglom pen kevang arat atumsi nangdolo. Latum Avvim, latum kedo barim atum aphan pavirlo, lapen latum alongle cheraidet-lo ha Gaza arongsopi anitur anat anta.)

JOSHUA 13:13

Seta Israel atum Geshur mate Maakah atum aphan phlung-et-esi pini arni anta halatum angbong padolongbomlo.

KANGSAI ATUM 16:5

Philistia arecho bangpho labangpi adung damsi pulo, “Semson kopisi pu-an kangtangma nangkepathan-jile moinon lapen etum laso aphuthak chepahai pen la aphan ingnanghetsi thangta pacheplang un-edet lonang. Netum abangphutin ta nangphan rup angkleng dum pharokre-isi nangpiji.”

KANGSAI ATUM 3:3

Det along kepadolongtoi ke pho Philistia arongsopi-heihei, Kanaan asor an, Sidon asor an, Hivi asor an Lebanon anglong pen Baal Hermon anglong pen ha Hamath anglong atovar an.

1 SAMUEL 5:1

Kechejok Asinduk Philistia atum cheraidet aphi, latum Ebenezer pen halatum arongsopi Ashdod anat la pondet-lo,

1 SAMUEL 5:10

Lasi halatum Ekron along kechejok Asinduk thon-damkok-lo, lata Philistia arongsopilo, bonta la hadak lerok pen amat rat atum kechiru hangjolo. “Netum kedo-an aphan kepathijisi latum Israel a-Arnam kechejok Asinduk ladak vanlilo!”

1 SAMUEL 5:8

Lasi halatum pherangke atum aphan toisi Philistia arecho bangpho pachingrumlo lapen halatum aphan arjulo, “Israel a-Arnam Kechejok Asinduk aphan eli kopi klemnangjima?” La Gath along pondet-non, pusi halatum thak-lo; lasi halatum la Gath along pondet-lo, la Philistia atum akaprek arongsopilo.

1 SAMUEL 6:4

La aphan kopi adan pensi thondun nangji? Rat atum arjulo. Halatum thak-lo, “Ingthum asonthot ser angkleng pho lapen jukingso asonthot aser angklengpho, la asitinta abangphutin Philistia arecho apharmanlo. La isinat avur nangtum kedo-an aphan lapen recho bangpho apharman nangtoilo.