JOSHUA 11:23 - BAIBEL KANGTHIR (BSI)

²³ Kedo-an alongle Joshua cherailo, Moses aphan Hemphu hukum kepi ateng-lo. Lahei Israel aso aphan Joshua halatum amethang pacheraijisi pilo lapen la longle thaksi akheitin aphan longle thak-rep-lo. Ansi rat atum ron kechedan pen sanglong-lo.

JOSHUA 11:23 ပူးပေါင်းရင်းမြစ်များ

NEHEMIAH 9:24

Kanan adet lapen hadak kedo arat aphuthak Nang pahai toilo. Kanan arat lapen recho atum aphuthak aning kehang aling latum keklemji ajakong Nang rat aso aphan pitang-lo.

LUN ALOHTHUI 46:9

La pirthe adang ron pangtonlo; la thai-heihei ingdilo, chir-heihei pavirlo; lapen chong-heihei me thordut-lo.

KEBAR 34:11

Pini Ne nangtum aphan nangkepi aron-heihei nangtum kroinon, Ne Amor atum, Kanaan atum, Hitti atum, Perizzi atum, Hivi atum lapen Jebusi atum aphan nangtum dambom ahut phlung-etpo.

EZEKIEL 45:8

Laso adang bithe ke Israel adet arechoso kelong nangji apharman alonglelo, anke labangso abang rat atum aphan mo-ta cheneknelo, bonta det ahin alongle an ke Israel akhei atum aphan si pacherailong po.

KETHAN 1:38

Bonta nangphan nangkerap dun abang, Nun asopo Joshua aning pathirthipnon. Israel atum longle pacheraijisi alangli japonpo.”

KETHAN 25:19

Nang Arnam Hemphu nangtum aphan longle nangkepi ahut alangli do-an nanghotur atum pen nangpajokvan lo, atheke latum kompetsi dolo, chininon Amalek kedo-an aphan pathi-et non, anke latum aphan kadokaveta tengnedet khangjangpo. Laso alam chematha damnon, tengneri.

JOSHUA 11:18

Ajirdingklui an lahei arecho atum pen Joshua ron chedan o-lo, bonta la kedo-an halatum aphan paremsi pathi-et-lo.

JOSHUA 12:7

Jordan anichi anat kedo adet arecho atum aphan Joshua lapen Israel arat atum keparem lahei helo, la ke Lebanon Arlok along Baalgad pen ha Halak Anglong lake ha Seir anat anlo (lapen Israel arat atum halatum aphan Joshua kethak ateng pen kechepahemphu-toi,

JOSHUA 18:10

Halatum apharman Hemphu aphan karjujisi Joshua khadot-heihei pathulo; lapen Israel ahin arat akheitin apharman alongle thak-rep-lo.

JOSHUA 22:4

Non alangli kechechak atengsi nangkorte Israel atum aphan nang Arnam Hemphu papangsamlo. Lasi nangtum methang kechepu alongle anat nanghem chedamnon ha Jordan parai nihang alongle Hemphu aban Moses nangtum aphan nangkepi alongle along.

JOSHUA 23:1

Israel aphan kekomchen ahotur atum pen Hemphu halatum aphan ajir keding pasanglong-lo. Halaso ahut anke Joshua sarpik-lo.