JOSHUA 11:16 - BAIBEL KANGTHIR (BSI)

¹⁶ Kedo-an alongle Joshua cheraidet-lo: Inglong alongri lapen inglong akeng-ri-heihei, nirep lapen nitur ahin, Goshen alongri kedo-an lapen kekrengtai alongle la anitur anat lapen Jordan Arlok an.

JOSHUA 11:16 ပူးပေါင်းရင်းမြစ်များ

LUN ALOHTHUI 105:44

Alangli akaprek arat atum alongle, latum aphan pidet-lo. Lapen halatum ahidi-heihei latum aphan pa-entoilo.

LUN ALOHTHUI 78:55

Alangli rat paphrangbom ahut, kedo barim atum an aphan alangli phlung-et-lo. Halatum alongle Israel akhei angbong thak-et-lo. Lapen arat aso aphan hem pilo.

EZEKIEL 17:23

Israel kangtuinei anglong athak. La aro-heihei chelopo lapen pathepo, lapen kemenei a-Kedar plangpo. Vo ajattin hadak inghupo lapen la abin chepachongji.

EZEKIEL 36:8

Bonta Israel anglongpi-heihei athak athengpi arong arvo puthot chingjokji, lapen nangtum aphan athe patheji, ne rat Israel aphan. Nangtum nanghem chevang dapprangpo.

KETHAN 1:7

Mukam chephrira damnon, Amor atum anglong ariri lapen la kekomchen alongri an damnon-ha Jordan Arlok an, inglong ariri anat, lapen thoi anat, ha nitur ahin anat lapen ha Midianteran akung anat dam non. Kanaan adet anat damnon, lapen ha Lebanon Anglong-heihei apar ha Euphratis Aroipi an damnon.

JOSHUA 10:40

Joshua kedo-an alongle cheraidet-lo. La inglong alongri arecho atum aphan paremlo, nihang anglong karleng kedo-an nichi anglong akeng-ri an lapen nitur alongle kekrengtai ajo anta cherailo. Badu aphanta la pajokjedet-lo, abangphutin aphanta pathi-et-lo. Lasonsi Israel a-Arnam Hemphu paklemtoilo.

JOSHUA 10:41

Joshua aketeng-kheng laphan Kadesh-Barnea nitur anat pen talo akung ha Gaza, Goshen alongri anta parlosi ha Gibeon anirep an cherailo.

JOSHUA 11:15

Moses aphan Hemphu hukum-heihei kepitang asonthotsi Mosesta Joshua aphan hukum pilo, lapen Joshuata lahei klem-et-lo. Moses aphan Hemphu hukum kepi asontin Joshua keklemkle thangnatta avelo, alangli la klem-et-lo.

JOSHUA 11:2

lapen nirep along alongri arecho atum, la Jordan Arlok-Galili alangbi anitur anat kedo talo akung arecho atum aphan lam pathan damtoilo.

JOSHUA 11:21

Halaso ahut Joshua damsi hi-i akhei Anakim, latum ke inglong alongrisi kedo, Hebron along, Debir along, Anab along lapen Judah anglong alongri lapen Israel anglong alongri along kedo-an aphan pavir-et-lo. Joshua halatum aphan lapen arongsopi-heihei pavirpamelo.

JOSHUA 12:8

lake inglong ajo, lapen kangdai ajo alongle, Arob alongle, arlengjir ajo alongle, kejejangtang ajo alongle, lapen Negeb alongle, Hitti atum, Amor atum, Kanaan atum, Perizi atum, Hivi atum lapen Jebusi atum alonglelo.):

JOSHUA 9:1

Israel atum kehai alam nichi a-Jordan anglong, inglong-heihei akeng-ri Mediterran atalo athoi aklam lapen ha Lebanon anirep lahei ke Hitti arecho, Amor arecho, Kanaan arecho, Perizzi arecho. Hivi arecho lapen Jebusi arecho anta chinipet-lo.