JOSHUA 10:40 - BAIBEL KANGTHIR (BSI)

⁴⁰ Joshua kedo-an alongle cheraidet-lo. La inglong alongri arecho atum aphan paremlo, nihang anglong karleng kedo-an nichi anglong akeng-ri an lapen nitur alongle kekrengtai ajo anta cherailo. Badu aphanta la pajokjedet-lo, abangphutin aphanta pathi-et-lo. Lasonsi Israel a-Arnam Hemphu paklemtoilo.

JOSHUA 10:40 ပူးပေါင်းရင်းမြစ်များ

1 RECHO 15:29

Lapen amat la Jeroboam ahemtun abangphu aphan kepathi cheng-lo. Laso alam Hemphu aban Ahijah montri Shiloh kedo abang pen kemontri ateng-lo, Jeroboam ahemtun kedo-anta thi-etpo, inutta reng-relo.

NEHEMIAH 9:24

Kanan adet lapen hadak kedo arat aphuthak Nang pahai toilo. Kanan arat lapen recho atum aphuthak aning kehang aling latum keklemji ajakong Nang rat aso aphan pitang-lo.

LUN ALOHTHUI 9:17

Kehingno atum an kejut ke kethi helo, Arnam aphan kedengde atum antalo.

KEBAR 34:12

Nangtum kedambom adet amonit atum pen nangtum kechejok alam chepathik-ri, pima lake nangtum aphan isi kepherememe ason cheplangpo.

KELAKHA 13:17

Latum aphan Moses ketoi ahut, latum aphan alangli pulo, “Nirep anat dak pen damra Kanaan adet anitur anat lutdammon lapen laso aphi inglong alongle anat lutdamnon.

KETHAN 1:7

Mukam chephrira damnon, Amor atum anglong ariri lapen la kekomchen alongri an damnon-ha Jordan Arlok an, inglong ariri anat, lapen thoi anat, ha nitur ahin anat lapen ha Midianteran akung anat dam non. Kanaan adet anat damnon, lapen ha Lebanon Anglong-heihei apar ha Euphratis Aroipi an damnon.

KETHAN 2:34

Halaso ahut amat eli arongtin pavirlo, lapen abangphutin pinso, arlo, lapen osomar aphan pathilo. Badu aphanta eli kereng-et bibedet-lo.

KETHAN 7:24

Latum arecho Alangli nangtum arideng nanghodaidetpo. Latum aphan nangtum pathilotpo, lapen latum aphan tengnedetpo. Baduta nangtum aphan khang un-elo; abangphutin aphan nangtum pavirdetpo.

JOSHUA 10:35

Halatum la cheraidet-lo halaso arni amat, lapen hadak kedo abangphutin aphan pathilo. Lakish aphan halatum keklem asonthot halatum klemlo.

JOSHUA 10:37

lapen la cheraidet-lo. Latum recho aphan pathilot, lapen rongsopi kedo abangphutin lapen adung-arei arong kedo-an aphanta pathi-et-lo. Rongsopi pavirpameji aphan Joshua phangnolo, Eglon aphan la keklem asonthotsi la along kedo inutbak aphanta akereng bibedet-lo.

JOSHUA 10:39

La cheraidet-lo, la arecho pen pen lapen adung arei arong-heiheita lo. Hadak kedo abangphutin aphan latum pathilo. Hebron lapen Libnah lapen la arecho atum aphan keklem asonthotsi Joshua Debir aphanta klemlo.

JOSHUA 11:16

Kedo-an alongle Joshua cheraidet-lo: Inglong alongri lapen inglong akeng-ri-heihei, nirep lapen nitur ahin, Goshen alongri kedo-an lapen kekrengtai alongle la anitur anat lapen Jordan Arlok an.

JOSHUA 12:8

lake inglong ajo, lapen kangdai ajo alongle, Arob alongle, arlengjir ajo alongle, kejejangtang ajo alongle, lapen Negeb alongle, Hitti atum, Amor atum, Kanaan atum, Perizi atum, Hivi atum lapen Jebusi atum alonglelo.):

JOSHUA 18:21

Benjamin akhei ahem-asangho atum kechepahemphu arongsopi-heihei ke Jeriko, Beth Hoglah, Emek-Keziz,

JOSHUA 6:17

Rongsopi lapen la along kedo-an amar angton pen Hemphu aphan isi athok ason pavirdet khangjang nangji. Muthe Rahab beisapi lapen bangpi ahem asor an si pajokchot nangji, pima bangpi etum akelangjoi atum aphan patulo.

JOSHUA 8:2

Jeriko lapen la arecho aphan nangtum keklem asonthotsi Ai lapen la arecho aphan klemnangpo, bonta non ephong ke la amar-heihei lapen kepangreng api-heihei nangtum aphan chepon tame. Anung anat pen menmen pamanghuhakji aphanle rongsopi ketengkhengji chesiknon.”

JOSHUA 8:27

Rongsopi along kenep-long api lapen amar-heihei Israel aso atum amethang aphan chebilo, Joshua Ai me keilo, la parulo. La nonputa lasonsi dolang.

JOSHUA 9:24

Halatum thak-lo, “Nelitum la klemlo, akehai, nanglitum dambomsi kedo-an det kangthim nangkepiji lapen la kedo-an arat aphan kepathi-etjisi nanglitum a-Arnam Hemphu aban Moses aphan hukum pitang-lo pusi la ahok alam chinilo. Nelitum la klemlo, pima nelitum nanglitum aphan pherelo; nelitum nelimethang achethe aphansi pherelo.