JOSHUA 10:26 - BAIBEL KANGTHIR (BSI)

²⁶ Ansi Joshua bangpho arecho atum aphan pathilo lapen thengpi rongpho along halatum aphan vek pajangling-lo ha arnikangsam anta, abang-arpum thengpi angsong si padolo.

JOSHUA 10:26 ပူးပေါင်းရင်းမြစ်များ

2 SAMUEL 21:6

Lasi aso pinso apoton bang throksi nanghodainon, lapen halatum aphan Hemphu angno Gibeon Hemphu kangvaitang arecho la Sol arong along kokthat-etpo.” “Halatum aphan nang hodaidetpo,” pusi recho thak-lo.

2 SAMUEL 21:9

Gibeon arat atum arideng halatum aphan David hodaidet-lo. Halatum aphan inglong along Hemphu angno kokthat-ot-lo, lapen kedo-an bang throksi ta halatum thirappet-lo. Halatum aphan kepathi ahut anke la ningkreng kejut ahut-lo. Lapen soktipliso kerot kecheng ahut-lo.

ESTHER 2:23

Lasi bangso alam hutsi ahok thek-longsi halatum banghini aphan thengpi angsong vek-lingsi kokthat-ot-lo. Lapen bangso alam recho angno det aphurkimo aloh along tokdet-lo.

LUN ALOHTHUI 149:7

det-heihei aphan paparemnang, lapen rat aphan aduk papinang.

LUN ALOHTHUI 18:41

Latum kerap chohang-lo, bonta baduta latum aphan pajokjelo, latum Hemphu aphan hang-lo; bonta la thakthelo.

KELAKHA 25:4

lapen Moses aphan pulo, “Israel ajalin atum an aphan ponnon, lapen Nephan kekroijile, latum aphan anerlole pathikoinon, anke Ne, rat aphuthak Nening thithelo.”

MATHIU 27:25

Kedo an arat atum thaksi pulo, “La alangli vi adai nelitum lapen nelitum asomar atum aphuthak padonang.”

JON KETOK ABIRTA KEME 19:31

Ansi hala thengparpan athak kesaktang atum aphan akeng kepalok longji lapen thengparpan pen abang arpum pasunsi kepon longji aphan Jihudi atum angbong keja atum Pilat aphan choningrilo. Halabangso arni ke Sabbath Arni pen aphrang arnilo. Sabbath Arni halatum abang arpum thengparpan athak kepado ke halatum aning hanghe apotsi halatum lason choningridamlo. Pima hala nangkeleji a-Sabbath Arni ke halatum aphan ingthirparpik-lo.

GALASIA 3:13

Bonta Khristo ilitum apharman ahirjuno kepho abang cheplangsi Aron ahirjuno pen epajokphlot-lo. Pima hastro pulo, “Thengpi athak kejangrem abang aling ke Arnam ahirjuno kepho abang-lo.”

JOSHUA 8:29

La Ai arecho aphan thengpi erong along vek-lingsi abang arpum arnikangsam anta padolo. Arni kechelut ahut abang arpum kepasunjisi Joshua hukum pilo, lapen la rongsopi kelut anghap angno pavardamlo. Halatum la athak arlong bui pangsomlo, la nonputa dolang.

KANGSAI ATUM 8:21

Ansi Zebah lapen Zalmunna atum, Gideon aphan pulo, “Vang-ra nangmethangle netum aphan pathinon. Pinso akam pinsosi la klem unji.” Lasi Gideon halatum aphan pathilot-lo, lapen halatum aka-ut-heihei achethok along kedo alek asang pondet-lo,

1 SAMUEL 15:33

Samuel pulo, “Nangnokjir pen ongdung apei aphan aso pavelo, lasi non nangpei ta asopo avedetpo.” Lapen la Agag aphan Gilgal adovan athengno ingthan-i-ilo.