JOSHUA 10:1 - BAIBEL KANGTHIR (BSI)

¹ Jeriko lapen la arecho aphan keklem asonthotsi Joshua Ai pavirdet-lo lapen la arecho aphanta pathilot-lo pu alam Jerusalem arecho Adonizedok arjulong-lo. Lapen Gibeon arat aso atum Israel atum pen chepangsamsi halatum angbong dobomlo pu ta arjulong-lo.

JOSHUA 10:1 ပူးပေါင်းရင်းမြစ်များ

KECHENG 14:18

Lapen Melkizedok ke Salem arecholo lapen alangli ke inut Kangtuinei Arnam akurusarlo, alangli Abram along him lapen drakha ahorlang vanlo,

IBRI 7:1

Labangso a-Melkizedokke Salem pu arongsopi arecho lapen Kethenei Arnam aphan kangduk akurusarlo. Abraham recho bangphli aphan ron kechedan paremdet aphi nangkechevoi ahut Melkizedok alangliphan chetong-dunlo lapen Abraham aphan ahirjume pilo.

JOSHUA 10:3

Lasi Adonizedok rechoke Hebron arecho Hoham aphan, Jarmuth arecho Piram, Lakish arecho Japhia, lapen Eglon arecho Dabir aphan lahei abirta lo-lo:

JOSHUA 6:21

Latum anokjir pen rongsopi kedo abangphutin aphan latum pinso-arlo, oso lapen akesar anta pathilo. Latum chainong, biresak lapen gadha anta pathilo.

JOSHUA 8:2

Jeriko lapen la arecho aphan nangtum keklem asonthotsi Ai lapen la arecho aphan klemnangpo, bonta non ephong ke la amar-heihei lapen kepangreng api-heihei nangtum aphan chepon tame. Anung anat pen menmen pamanghuhakji aphanle rongsopi ketengkhengji chesiknon.”

JOSHUA 8:21

Akaprek atum rongsopi cheraitang-lo lapen la me pacho-et-lo pu Joshua lapen la amonit atum thek-long pen halatum pu pu chetevarlo lapen Ai amonit atum aphan kepathi pangcheng-lo.

JOSHUA 9:3

Bonta Jeriko lapen Ai aphuthak Joshua keklem alam Gibeon arat lake Hivi atum arjulong-lo,