JOSHUA 1:9 - BAIBEL KANGTHIR (BSI)

⁹ Chemathathutha, Ne nangphan mathathip nangji lapen ning chethethip nangji pusi hukum nangpilo kalima? Phereri mate ning biri, pima Ne Hemphu nang Arnam, nang kedam aling nangdodunpo.”

JOSHUA 1:9 ပူးပေါင်းရင်းမြစ်များ

KECHENG 28:15

Chematha-tha, Ne nanglong doji, lapen nang kedam aling nangraiji, lapen laso alongle along Ne nangphan nang-vanthudetji. Nangphan Ne kechak ason an paplengpletik Ne nangphan nang-lole.”

KECHENG 39:2

Joseph along Hemphu dolo lapen laphan keklem aling pachunlo. Alangli Ijip-aso ahemphu along si dodunlo,

KECHENG 39:3

la Joseph along Hemphu dolo lapen alangli keklem aling pahirme lo pu thek-long-lo.

2 SAMUEL 13:28

lapen aban atum aphan pinkhat-lo, “Amnon kejun-ojilangle langpamenon, lapen ne hukum nangkepi ahut le pathinon. Phere nangne. Nemethangsi arpu enpo. Nangthin chepathenon lapen klem haiherinon!”

1 PHURKIMO 28:20

Asopo Solomon aphan David Recho pulo, “Ning chethethip-ra mathathipnon, Kam pangchengnon lapen jat ason ta nangphan laso akam pen nang pasanglongri. Ne kangduk a-Arnam Hemphu-si nanglong nangdodunpo. Alangli a-Kardomhemthepi kekim tangtetik Alangli nanglong nangdo dunverpo.

2 PHURKIMO 15:7

Bonta nanglitum chepangtangrak-ra ning bibedetnon. Nanglitum keklem akam apot nong-e nangpidetji.”

LUN ALOHTHUI 46:7

Jakongkethe Hemphu elong do, Jakob Arnam ke echong-lo.

ISAIAH 41:10

Phereri- Ne nanglong dolo! Ne nang Arnamlo-jat ta nangphan paphere longri! Ne nangphan pangtangpo lapen nangrap po; ne nangraipo lapen nangpajokpo.

ISAIAH 43:1

Israel nangphan nangkepinchong abang a-Hemphu pulo, “phereri- Ne nangpajokji. Nangphan Ne nangmen nanghang-lo-nang nemarlo.

ISAIAH 43:5

Phereri! Ne nanglong do! “Nihang kehelo pen nichi kehelo an, Ne nangrat aphan hem nangvanpiji.

ISAIAH 8:12

“Rat-atum kemang akam along chelang dunri lapen latum kephere ason aputhak pheredunri.

DANIEL 10:19

Alangli pulo, “Arnam nangphan chinghon, lasi jatseta nangphan nangning paduk mate paphere longri.” Alangli la putangdet aphi, neli ingtangmuchot-lo, lapen pulo, “Akehai, nangli kopisi neliphan than nangjima nelithan non. Nangli neliphan pamelo.”

HAGGAI 2:4

Seta non ning chepathenon, O Jehozadak asopo Joshua, kurusarpo, ning chepathenon, kedo-an arat atum Hemphu-si kepulo; klemnon, athe Ne nangtum along dolo, muluk a-Hemphu-si kepulo.

HAGGAI 2:5

Ijip pen nangtum kevang ahut Ne nangtum aphan kechechak ateng, Ne Karjong nangtum angbong doklung-lo; phererinon.

AKAM 4:19

Bonta Pitor lapen Jon halatum aphan thakdunsi pulo, “Arnam angno ke nelitum nanglitum alam kekroisi kemema, mate Arnam ahukum kekroisi kemema, lale nanglitum methang ingsaitha.

KETHAN 1:21

Langtha, Nangtum Arnam, Hemphu-ke nangtum angno longle nangbitang-lo; arludamra, nangtum aphan nangphusar atum Arnam Hemphu nangkepu ason, cherai damnon; nangtum phereri, mate ning cheparun-ri.”

KETHAN 20:1

Nangtum ahotur pen ron kechedanji kedam ahut nangtum apar ronhemkonglong-heihei lapen losei-heihei lapen ron-armu atum bang nang-ong munak thek-long-lo, seta nangtum latum aphan phereri. Nang Arnam Hemphu, Ijip pen nangtum aphan nangkepajok abang, nangtum along nangdo dunpo.

KETHAN 31:23

Anke Nun asopo Joshua aphan Hemphu ningjelo lapen pulo, “Ning chethethipnon lapen ning chepathirthipnon. Nang si Israel arat aphan Ne latum aphan kechak alongle along japonpo, lapen Ne nanglong nangdo dunpo.”

KETHAN 31:28

Ne ingno nangtum akhei ajalin an lapen kerapdun aban atum an nangchingrumnon, anke lahei alam ne latum aphan than longpo; latum aphuthak ahaki pachoji aphan ne sining lapen pirthe aphan phalo.

JOSHUA 1:10

Ansi Joshua jalin atum aphan hukum pilo,

JOSHUA 1:17

Netum nangphan kroipo Moses aphan kekroi asonthot lapen Hemphu nang Arnam nanglong padonang Moses along kedo ason thakthak!

JOSHUA 1:18

Badutame nang jakong mate nang hukum aputhak kekroikre aling abang aphan pathilotpo. Mathathipnon lapen ning chethethipnon!”

JOSHUA 10:25

Anke Joshua achakri atum aphan pulo, “Nangtum phereri mate ning chepabiri, mathathipnon lapen ning chethethipnon, pima kedo-an hotur aphan lasonsi Hemphu klempo.”

JOSHUA 10:8

Joshua aphan Hemphu pulo, “Halatum aphan phereri. Ne nangtum aphan nangpahaitang-lo. Inutbakta nang ingno arjap un-edetji.”

JOSHUA 3:7

Joshua aphan Hemphu pulo, “Pini Ne keklem pen Israel arat kedo-an nangphan inut a-arlengkethe pu man nangpi pangchengpo, lapen Ne Moses along kedodun asonthotsi nanglong ta Ne nangdo dunlo pu halatum chinipo.

JOSHUA 6:27

Lasi Joshua along Hemphu dolo, lapen la anong det adang anta chethangphlup-lo.

JOSHUA 8:1

Joshua aphan Hemphu pulo, “Kedo-an aron-aso nanglong cheponra Ai anat arlu damnon. Phereri mate ning chepa-oiri. Ai arecho aphuthak Ne nangpahaivekpo; la arat arongsopi lapen alongle anta nangtumlo.

KANGSAI ATUM 6:14

Ansi Hemphu laphan hukum pilo, “Nangjakong do-an pen damra Israel atum aphan Midian arideng pen pajokdamnon, Ne si nangphan nangtoilo.”

1 SAMUEL 10:7

Lahei plang-lote nangliphan Arnam nangkeja alingle nangli klemnon.