JOSHUA 1:7 - BAIBEL KANGTHIR (BSI)

⁷ Muthe mathathipnon, ning-chethethipnon; lapen Neban Moses nangkepi aron an nang kroipetpo pu pachinidaknon. La epharvet klem pa-oiri lapen nang kedam aling nang unji.

JOSHUA 1:7 ပူးပေါင်းရင်းမြစ်များ

1 RECHO 2:2

“Ne kethiji apor nangkelelo. Nangning chepathirthip-ra mathathip non,

1 RECHO 2:3

lapen nang Arnam Hemphu hukum nangkepi nang-paklemtoi alingle klemnon. La aron kedo-an kroinon, lapen ahukum an Moses aron aloh ketok an ta kroinon, lasi nang keklem kedam aling seta chingthurpo.

2 RECHO 22:2

Hemphu angno kopisi akemema Josiah klemlo; la aphusar David Recho arjansi endunlo, Arnam aron Kedo-an jasemet kroipamelo.

1 PHURKIMO 22:13

Moses Israel aphan kepi la aron an nang kroi lote nangkam chunji. Ning mathathip-ra ning chethethipnon, lapen thangnat asonta nangphan nang papherelongri.

2 PHURKIMO 15:7

Bonta nanglitum chepangtangrak-ra ning bibedetnon. Nanglitum keklem akam apot nong-e nangpidetji.”

2 PHURKIMO 26:5

Jekaariah, la dhorom anat pare abang rengtik an la kekroithip pen Hemphu aphan ingduk-lo, lapen laphan Arnam pahirjumelo.

JOB ALOH 1:8

Nang neban Job aphan thek-long loma? Hemphu arjulo, “pirthe athak la asonthot kekroithip lapen akeme amonit avelo. La nephan archolo lapen kehingno akam keklemkle detji aphan asontin ta keklem chereverlo.”

LUN ALOHTHUI 80:19

Netum aphan nevanthunon, Jakongkethenei Arnam Hemphu, Nang kangjinso netum aphan paklangtha, Lapen netum jokpo.

SARLAMTHE 4:27

Kehingno che-o-ra dampakengson non. Keme atovar pen kengkam isita nangphi chiruiri.

SARLAMTHE 8:20

Ne dhoromi atovarsi damlo; hok-kangsai atovarsi ne damlo.

DANIEL 10:19

Alangli pulo, “Arnam nangphan chinghon, lasi jatseta nangphan nangning paduk mate paphere longri.” Alangli la putangdet aphi, neli ingtangmuchot-lo, lapen pulo, “Akehai, nangli kopisi neliphan than nangjima nelithan non. Nangli neliphan pamelo.”

KELAKHA 27:23

Moses aphan Hemphu hukum kepi ateng ari Joshua aphu athak bat-lo, lapen laphan alangli dularlo pu pachethang-lo.

KETHAN 11:8

Pini nangtum aphan nangkepi aron an kroipetnon. Ansi nangtum kelutdamji alongle kecheraiji aphan Jordan Aroi hat unpo.

KETHAN 12:32

Nangtum aphan ne hukum nangkepi ason an klemnon; laso along pakamri lapen la pen thangnatta en-rinon.

KETHAN 28:14

Bonta nangtum jongheseta lahei kroimorinon mate akaprek arnam-heihei aphan archorinon lapen ingduk-rinon.

KETHAN 29:8

latum alongle cheraipidet-lo, lapen lahei Reuben akhei, Gad akhei, lapen Manasseh akhei ebeng atum angbong thak dak-lo.

KETHAN 29:9

Laso akechejok aloh aron an kroithipnon, anke nangtum kopima keklem chunpo.”

KETHAN 31:7

Anke Moses Joshua aphan Israel arat kedo-an angno hangsi pulo, “Ning chepathirthip non lapen ning chepathethipnon; nangsi lahei arat atum aphusar atum aphan Hemphu kechak alongle kepacheraidamjisi japonpo.

KETHAN 4:2

Neli hukum nangkepi along thangnatta pakamri, lapen pakom nangnelo. Neli nangkepi nangtum Arnam Hemphu ahukum kroinon.

KETHAN 5:32

Israel arat atum, Nang Arnam Hemphu nangtum aphan nangkepi ahukum an kekroithekjile chematha pamenon. Alangli ron-heihei angbong isinatta kroimori.

JOSHUA 1:1

Hemphu alam Moses, la Hemphu aban thidet aphi, Moses arapbang, Nun asopo Joshua aphan pulo,

JOSHUA 1:8

Aron aloh kaita nangtum karcho ahut porhevek nangji. Ajo nerlo la ingchapnon, lapen la along ketok an kroipet po pu pachinidaknon. Anke nang plangpo lapen un pamepo.

JOSHUA 1:9

Chemathathutha, Ne nangphan mathathip nangji lapen ning chethethip nangji pusi hukum nangpilo kalima? Phereri mate ning biri, pima Ne Hemphu nang Arnam, nang kedam aling nangdodunpo.”

JOSHUA 11:15

Moses aphan Hemphu hukum-heihei kepitang asonthotsi Mosesta Joshua aphan hukum pilo, lapen Joshuata lahei klem-et-lo. Moses aphan Hemphu hukum kepi asontin Joshua keklemkle thangnatta avelo, alangli la klem-et-lo.

JOSHUA 23:6

Lasi kekroi thekjile cherenon lapen Moses Aron aloh along ketok ason an klemnon. La esonbakta klem pa-oiri,