JEREMIAH 9:3 - BAIBEL KANGTHIR (BSI)

³ Latum kaita kechobeijisi chesikver. Ahok adim adet adang ahok-he si haidelo. Hemphu pulo, “Ne rat atum isi aphi isi kehingno akam klemlo, lapen Ne ke halatum a-Arnam lo pu chekrongkre.”

JEREMIAH 9:3 ပူးပေါင်းရင်းမြစ်များ

JEREMIAH 9:8

Latum ade abidi kedo athaiso ason; latum kaita pachobeiver. Abangphutin ta adung aphan lamdok pen ningje, Bonta halaphan lake isi aphamlo.

ROM ASOR ATUM APHAN POL KETOK ALOH 3:13

Halatum alangjoi ke kangpudang atipit asonthak thak-lo; halatum ade pen chobeilo, lapen halatum angtur along ruiphe abi dolo;

JEREMIAH 4:22

Hemphu pulo, “Ne rat atum luvok; latum Nephan ne-chinine. Latum kelu a-osomar ason; latum akechini thangnat ta ave. Latum kehingno akam klem thekpik, Bonta akeme ason klem thekthe.”

KANGSAI ATUM 2:10

Halaso a-ove an thi-et-lo, lapen aphi a-ove atum Hemphu Israel aphan kopi klemtang-loma tengne-et-lo.

JEREMIAH 31:34

Hemphu aphan kechiniji aphan baduta amethang tebok abangphan than nangnelo, pima kadokave oso pen ha kethe anta nephan chinipetpo. Ne halatum apap-heihei diyapo, lapen Ne halatum kechokche-heihei chemathadamdelo. Ne, Hemphu si keningjelo.”

1 SAMUEL 2:12

Eli asomar atum ajat langno-o. Latum Hemphu aphanta arjuje

KEPAKLANG 12:11

Biresak a-So avi pen lapen halatum kepachethang, ahok alam pen ajok ilitum akorte atum alangliphan haitang-lo, pima halatum amethang methang apran kechepiji lapen kethiji aphan anta aning hang-lo.

JUD KETOK ALOH 1:3

Neli kechinghon atum, neli nangli-tum aphan ilitum kelong akejok alamjir ketokji ning hang-olo. Bonta non amat ke Arnam amethang amonit atum aphan kepi, kelar un-epin akekroi nanglitum kerai thekji aphan ning nangkeparung alam ketoksi akenangsot pusi neli mathalo.

2 TIMOTHI 3:13

Bonta kehingno lapen kechomosoi amonit atum ke hingno muchot muchotbomji, anut kaprek atum aphan chobaiji lapen amethangta chechobaiji.

PHILIPI 1:28

Nanglitum ahotur atum aphan phereri. Kaiketa phererepin-non, anke labangso pen ajok halatum remji lapen nanglitum haiji pu halatum chiniji; thangbakma Arnamsi nanglitum aphan pahaiji.

ROM ASOR ATUM APHAN POL KETOK ALOH 1:28

Monit atum Arnam alamjir ahok agian amethang aning arlo kechebiji aning hanghedet apotsi, halatum aning kehingno pen a-ot-e akamle klem setta Arnam halatum aphan panungdunkuk-lo.

ROM ASOR ATUM APHAN POL KETOK ALOH 1:16

Birta Keme pen apot neli therak-re: Pima kekroi abang aling aphan, aphrangke Jihudi atum, labangso aphisi Jihudi kalidet atum aphan Birta Keme ke Arnam akepajok ajakong-lo.

JON KETOK ABIRTA KEME 17:3

Kejut un-e achethe ke nangphan, atheke Arnam binong, la nang inutpet aphan kechini lapen nang nangketoi a-Jisu Khristo aphan kechini helo.

MARK 8:38

Mane abang jongsi la kekroikre lapen papi a-ove angbong, ne lapen ne kethan alam pen apot therakduk-lo tangte, Monit a-Sopota a-Po adak atur pen lapen kangthir apherangke atum pen kevangji ahut halabangso abang pen apot therakdukji.”

JEREMIAH 22:16

Keduk abangphan la langpame, lapen Alangli pen kadokave ason ta mesen. La helo Hemphu aphan kechini nangji pu alam.

JEREMIAH 9:5

Latum kadokave ta ajirpo aphan ja pamemelo, lapen baduta ahok alam ningjeje; latum ade kepachoreijisi pachesekelo; lapen halatum apap che-o-elo.

JEREMIAH 7:26

Seta baduta arjudun long-lo, mate ano chedendedet-lo. La alar nangtum arjujemusi lapen nangphusar atum apar thurkhrapmusi.

1 KORINTH 15:34

Nanglitum athikpet aning anat vangthunon, lapen pap klemrinon. Nanglitum aphan kepatherakjisi neli labangso alam pulo, pima nanglitum angbong manene atum Arnam aphan chininelo.

LEVI 19:11

Chonghuri mate pachoreiri mate pachobeiri.

ISAIAH 1:3

Chainong ta ahemphu aphan chechini, lapen gadha atum ta latum aphan ahemphu kepacho adim chechini. Bonta Nerat-aso Israel atum chechinine. Latum thangnat ta chechinine khangjang.”

ISAIAH 3:5

Abangphutin ta lahin lahin aphuthak cheber seroipo. Riso-ejang atum arlengkesar atum aphan man pipelo lapen arlengkethe atum aphan kelu atum ta man pipelo.

ISAIAH 6:5

Neli pulo, “Nephan ning kethe avelo! Ne kevirlo, pima ne ingho pen kebar athe tin pap plengset, lapen ne kedo arat atum ta angho kejuno si plengset. Seta nemek hini pen ne Jakongkethe Hemphu Recho aphan thek-long lo!”

JEREMIAH 5:4

anke ne mathalo, “Lahei atum keduk lapen kechininechot, latum kelu akam klemlo; latum a-Arnam akenang lapen latum aphan Hemphu si kepaklemji aning kehang-loma chinine.

JEREMIAH 5:5

Jakong pen rat anat Ne dampo, lapen latum pen chingkipo. Chenamsi latum a-Arnam akenang lapen Hemphu latum aphan kopisi kepaklemji aning kehangma latum chinilo.” Bonta latum kedo-an Hemphu ajakong dengmolo.

DANIEL 11:27

Ansi banghini arecho tebul isivet along chongnisi chorap-rappo, bonta halatum aning kematha ke akeme kali, lapen halatum lahin lahin chobei seroipo. Apor halatum aphan vangvelang apotsi halatum kopima aningkehang ason halatum longle.

KECHENG 39:16

Joseph ahemphu hem vangvetik laso ape bangpi chebijoilo.

KANGSAI ATUM 14:17

Bangpi chojun ni throksi arni anta laso aputhak chirulo. Bonta ni throksi arni labangpi aphan tomopatar athe thanlo, pima bangpi laphan nir-e-khangjang-lo. Anke bangpi Philistia atum aphan thanserlo.

SARLAMTHE 12:5

Angthikdut atum nangphan langpa-meji; kehingno abang nangpachobei-jisi aning hangji.

ISAIAH 9:18

Rat-atum kehingno-ong bapsudo lapen bap anta kepavir anorde ason la mechosi angsong an mehi pasumonpo.

JEREMIAH 6:28

Latum kadokave ta arjubui, kethurkhrap atum, tam lapen ingchin ason aning ingtang-o. Latum kedo-anta tangka chopet, adon adon dampo.

JEREMIAH 12:6

Nang korte, nangtum asor abangphu amatsi nangphan chobeitang-lo; nangphan ketengkheng along latumta chelang dunlo. Latum jirpo hijan ason alam-heihei nangphan than seta, latum aphan chikiri.”

EZEKIEL 8:13

Anke Hemphu neliphan pulo, “La apar kehijimmeme akam latum keklem nang thek-longji.”

AKAM 24:9

Ansi Jihudi atumta la kadokave alam ahok pusi pudunlo.