JEMS 5:3 - BAIBEL KANGTHIR (BSI)

³ Nanglitum aser lapen arup angru vang-etji. Labangso angru nanglitum aputhak haki piji, lapen me asonsi la nanglitum a-ok chodetji. Mo kejut arni ahut aphansi nanglitum akhi chebirtilo.

JEMS 5:3 ပူးပေါင်းရင်းမြစ်များ

KECHENG 31:48

Jakob aphan Laban pulo, “Laso arlong abui elitum banghini aphan ta isi kechematha-damji aphanlo.” Lasi laso adim ke Galeed pulo.

KECHENG 31:52

La arlong abui lapen kechematha-dam a-arlong hinita ephan epinpurlo. Laso abui apar neli nangliphan tengkheng-khelo, lapen nanglita laso apar damri, mate neliphan ketengkheng-jira laso kechematha-dam a-arlong apar vangrinon.

KECHENG 49:1

Jakob asomar atum aphan hangpet-lo, lapen pulo, “Nedung chingrum petnon, lapen mononphi nangtum aphan kopi plangjima ne nangthanpo”:

JOB ALOH 16:8

Nang nephan nekompet lo, nang ne hotur lo. Ne arengchot lo lapen arrepi saidelo, lapen nerat atum la nedo apot pusi mathalo.

ISAIAH 2:2

Kevangji arni Kardomhemthepi karjap anglongpi along kangtuinei plangpo, inglong kedo-an aphan lit songpo. Ongdung akhei atum vangtoipo

JEREMIAH 19:9

Hotur atum rongsopi kompetji lapen la rat aphan kepathiji aphan bor-iji. Kekompet lapu an pherememeji, rongsopi arlo kedo arat atum lahin lahin checho seroiji lapen osomar aphan anta chechoji.”

MIKAH 3:3

Nangtum nerat a-ok cho, lapen arrepi-heihei beng-ilo, lapen phule ephu along karsak a-ok ason, Ok isi aphule thepo along kedo ason.

MIKAH 4:1

Mo aphi arni lahei plangvekpo Hemphu ahem anglong kangtuinei anglong-heihei asonsi pathirpo; lapen inglongso-heihei apar rung pangtui muchotpo; lapen rat atum la along dampetpo,

AKAM 2:17

‘Arnam pulo, mo kejut arnihei-hei ahut ne lapuson klemji: Halabangso ahut ne kadokave amonit atum aphuthak nemethang a-Karjong dungji. Nangtum asopo lapen asopi atum montriji; nangtum arisomar atum ning arjan thek-longji, lapen nangtum akesar atum mang hemanji.

ROM ASOR ATUM APHAN POL KETOK ALOH 2:5

Bonta nangli ning ingtangrak lapen buikluihak-lo. Tangte lahelo, mo Arnam aning kethi lapen athikpet akangsai keklangji Arni nangli methang aduk kechepapho muchotji aphansi nangli klembomlo.

2 TIMOTHI 2:17

Lason kethan alam ke kepame un-edet, kekhaibom areng amek ason thakthak-lo. Latum angbong Haimenaeus lapen Philetas talo.

JOSHUA 24:27

Kedo-an arat aphan la pulo, “Laso a-Arlong ke etum ahakilo. Hemphu etum aphan ekethan alam an la arjulong-et-lo. Lasi la nangtum aphanta Arnam abe kethur pen kedojoiji aphan isi ahakilo.”

2 PITOR 3:3

Aphrangsi nanglitum labangso alam chininon, mo kejut arni hei hei ahut kepinrem atum nangklangji. Halatum amethang methang akehingno aning kehang atengsi klemji. Halatum nanglitum aphan putot pusitji.

KEPAKLANG 17:16

Nang kethek-long anu hongkep lapen nampi api hala beisapi aphan hijimji. Halatum labangpi kedo an ason pon-etji, lapen labangpi aphan areng angse bitekangkokji, halatum labangpi a-ok chodetji lapen labangpi aphan me pachodetji.

KEPAKLANG 20:15

Chethe abohi along amen ketok kave atum an aphan ke me atalo along varchuilo.

KEPAKLANG 21:8

Bonta kephereju atum, kekroi kave atum, keche-pangthirthe atum, pran ke-en atum beisa keklem atum, maja kanghoi atum, kumlin aphan kardom atum, lapen kechobei atum an aphan ke hala me lapen meplum pen kekar-ang atalo along var-etpo. La helo batai hini aphong akethilo.”