JEMS 3:6 - BAIBEL KANGTHIR (BSI)

⁶ De ta me asonthak thak-lo. Lake ebang arpum along kedo akehingno apirthelo. Lake ilitum aphan pahing-nothek. Labangso ade ke chom ame pen ilitum akai pasek-lunthek.

JEMS 3:6 ပူးပေါင်းရင်းမြစ်များ

SARLAMTHE 16:27

Kehingno atum bang aphan kepasungji atovar rilo, latum alam-heihei jokta kephangno alam chorilo.

MARK 7:15

Ingtan pen monit arlo damsi alangliphan kepangthirthedet un amar thangta ave. Bonta monit arlo pen ingtan nangkebar amar hei heisi monit aphan pangthirthelo.

SARLAMTHE 15:1

Lamdok alam kethak ningkethi pame, bonta lam-kangtang la aning pathilo.

LUK KETOK ABIRTA KEME 16:24

Lasi alangli hangsersi pulo, ‘O po, Abraham! Nephan ingjinsora, Lazarus ari chimun ehong angchun lang panimra nede kepachamjile alangliphan nangtoitha; pima ne labangso ame ade angkang along sungpik-lo!’

SARLAMTHE 6:19

kepachobaitot ahaki kechodun abang, lapen jirpo angbong kechepasungtap amonit.

LUN ALOHTHUI 140:3

Latum ade abi kedo apherui ason; halatum alam abi kedo aruiphe asonlo.

LUN ALOHTHUI 64:3

Nokjir-heihei asonsi latum ade charso, lapen thai-aso asonsi lamkangtang pen jong-lo.

3 JON 1:10

Lasi mo neli vang lote, alangli keklem akam, atheke alangli nelitum aphan nekeputot, nekepusit alam an lapen alangli kepacherei alam hei hei neli paklangji. Bonta la anchot ke aning jangremresi alangli Khristian akorte atum aphan chakchelo, lapen kechakji aning kehang atum aphanta pachak longlelo, lapen halatum aphan mondoli angtan kebiji bor-ilo.

JEMS 2:7

Nanglitum aphan nangke-ir, aman kedo amen aphan kepinrem atumta halatum helo, kalima?

AKAM 6:13

Ansi halatum alangli lamjir kechobei alam kepathanjisi monit vanlo. Halatum pulo, “Labangso amonit kaiketa Kardomhemthepi Kangthir lapen Moses Aron kephangno alamsi ningjelo.

AKAM 5:3

Pitor alangliphan pulo, “Annanias, nangli kopusonsi Soitan nangliphan pajalongra, nangli Karjong Kangthir aphan pachobeisi nangli kechojor akhi atangka penangbak nanglimethang aphan chebijoiloma?

MATHIU 12:24

Bonta Pharisi atum la arju longsi pulo, “Hi-i atum arecho, Beelzebul pen ajoksi labangso abang hi-i atum aphan phlung-lo.”

MATHIU 5:22

Bonta ne nangtum aphan nangpulang, badutame akorte aphan aning kethi abang aling ke bisar adai phomeme atheng-lo; lapen badutame akorte aphan junodak alam pen ington lote lake rong amei angbong adai phomeme atheng-lo, lapen badutame, ‘Nang kelu pik abang!’ pule pulote lake Chom ame angkang along keklo meme atheng-lo.

2 SAMUEL 19:43

Israel atum thak-lo, “David Recho aphuthak nanglitum phankep kecheraiji athe do, la nanglitum angbong inut-lo seta, kopi athesi nanglitum nelitum aphan nekelangrop-loma? Tengneri, Recho aphan kangthumji pu nelitumsi kechingki paphrangcheng atumlo!” Bonta Israel amonit atum aparta Judah amonit atumsi amethang-lo pu kechepu tirkhring-lo.

KEPAKLANG 19:20

Bonta nampi api lapen alangli ingno angthek kethe hei hei kepaklang akechobei amontri aphan nepcheksi phatek bengthot-lo. Labangso angthek kethe hei hei pen ajoksi alangli hala nampi api angthek kedo, lapen nampi api a-arjan aphan kardom atum aphan pamanghulo. La nampi api lapen montri aphan meplum pen kekar-ang ame atalo along varchuilo.

KEPAKLANG 18:23

Nangli methang angbong melur ame atur thekthu longledetji; piso kechepangri apinso lapen a-arloso ase puthot arjulongledetji. Pima nangli methang abepari atum helo pirthe athak ajakong kethenei atumlo, lapen nangli maja kanghoi akam pen pirthe adang amonit atum aphan pamanghu-et-lo!”

KEPAKLANG 13:14

Lapen hala aphrang Anampi api angno angthek hei hei kepaklangji ajakong longsi, lapen angthek hei hei paklangsi pirthe athak kedo amonit atum an aphan pamanghulo. Labangso api halabangso amonit atum aphan pulo, “Hala nokjir pen ajok areng amek kelong setta kereng-etlang Anampi api a-arjan selamnon.”

KEPAKLANG 12:9

Chehangthepi ke hako apherui, atheke, pirthe adang aphan kepamanghu a-Hi-i sarpo, mate, asoitanlo. Alangli lapen apherangke atum aphan pirthe athak nangpaklolo.

2 PITOR 3:3

Aphrangsi nanglitum labangso alam chininon, mo kejut arni hei hei ahut kepinrem atum nangklangji. Halatum amethang methang akehingno aning kehang atengsi klemji. Halatum nanglitum aphan putot pusitji.

TAITAS 1:11

Halatum aphan padoklip nangji, pima halatum kethan nangnedetji alam thansi adontin amonit atum aphan phangnolo, lapen ketherakmeme akam, atheke amethang ale aphansi la kadokave klemlo.

AKAM 20:30

Nanglitum methang angbong penta penang amonit atum thursi halatum amethang methang aphi kepadunji aphan kekroitang atum aphan chobei alam thanji.

JEREMIAH 28:16

Lasi Hemphu amethangsi ningjelo, Alang nangliphan oji. Laso aningkan jutje ako nang thiji, pima nang Hemphu abe kepathurjisi rat aphan thanlo.”

JEREMIAH 20:10

Abangphutin ta kechepalamso ase neli arjulong-lo, “Bithe-bitha ta pherememelo! La apotsi la lam pangribang aphan thanpi damser lonang!” Ne jirpo apokta ne kevir aphan cholangding-lo. “Laphan chongthui undetji tahai,” pusi latum pulo; “Anke la aphan eli nep unpo lapen alar huilongpo.”

ISAIAH 30:27

Hemphu ajakong lapen adak-atur heloving adim penta thek-long ji. Me lapen mehi alangli ningkethi paklangpo. Alangli ningje, lapen alangli lam-heihei me ason cholo.

KELAKHA 31:16

Chemathatha, atheke arloso atumsi Balaam kepinkhat alam arjusi Peor along rat atum aphan Hemphu anat pakroikrelo. Laso pen ajoksi Hemphu arat aphuthak avur kevangnang-lo.

2 PHURKIMO 13:17

Abijah lapen la aron-armu Israel atum aphan parempik khangjang-lo, suri pharopho akemenei Israel aron-aso atum aphan pathilo.

2 SAMUEL 16:20

Ansi Ahithophel anat pangnosi pulo, Non elitum ladak dolo, nangli nelitum aphan kopisi thanpare poma?

KETHAN 13:6

Nangkorte tame, nangsopo tame, mate nangsopi tame, mate kechinghon nangpiso tame, mate nang kechephonei ajirpo jongsi akaprek arnam-heihei aphan keparchoji nangchorungjoi pulote, la ke kehingno akamlo, atheke lahei nang lapen nangphusar atum ta kaita archochepinlang.

LEVI 24:11

amen ke Shelomith, Dan akhei pen Dibri asopi. Mukam arlo laso amonit Israel aso pen chebohong-lo. Kechebohong ahut la Arnam aphan hirjuno hang-lo, la apotsi laphan latum Moses along pondet-lo,

KELAKHA 25:2

Lahei a-arloso atum latum aphan karkli achojun along phalo, hadak Moab arnam aphan archolo. Israel atum an chodunlo lapen Baal arnam aphan,

SARLAMTHE 7:5

Lahei nangphan akaprek amonit apiso pen lapen lamdok a-arloso pen nang pahelopo.

ISAIAH 50:11

Nang bang aphan kepavirji kemang atum an, nang methang akemang-heihei pen virji. Hemphu amethangsi la paplangji, nangkopai kelangno akesung phoji.

JEMS 3:7

Marat api an, vo ajat do an, apok pen keklim api an lapen talo arlo kedo api an aphan monit atum anem en un, lapen anem enta enbomlo.