JEMS 3:5 - BAIBEL KANGTHIR (BSI)

⁵ De-ta lasonthak thak-lo, lake bihek setta kam kethe klem pu chepindakthek. Asapso ame adeta nampi chodet un, lale mathatha!

JEMS 3:5 ပူးပေါင်းရင်းမြစ်များ

SARLAMTHE 18:21

Kepathi lapen kepareng ajakong de along dolo, lapen la aningkedok abang la athe cholongji.

SARLAMTHE 12:18

Nokjir asonthotsi keningjepeng alam amek padosi parnukpo, bonta ningjethekser alam pen la pame-un.

SARLAMTHE 15:2

Kere abang alam gian pahung lo, bonta kebuiklui atum angho pen amovangve alam barlo.

LUN ALOHTHUI 17:10

Latum kangjinso avelo lapen chepindak-lo.

JUD KETOK ALOH 1:16

Labangso amonit atum ke kaita keningje paselurtur lapen bang atum aphan kekoilok atumlo. Latum ke amethang kehingno aning kehang atengsi klembom, amethang methang pen apot chepindak varet lapen amethang ale kelongji aphan bang atum aphan kepalem-lem pen rovaret-lo.

JEREMIAH 18:18

Anke rat atum pulo, “Jeremiah aphan eli pine klemlonang! Ekepin-khatji aphan kaita kurusar atum do, ethan-pareji aphan arleng kere atum do, lapen Arnam abirta kepachethangji aphan montri atum do. Alangliphan bok lonang, lapen alangli kepu aling arjunangnelo.”

LUN ALOHTHUI 10:3

Kehingno abang kehingno akar-i apot cheparokalo, choboho abang ahirjuno hangsi Hemphu aphan dengmolo.

EZEKIEL 28:2

“Monit aso,” Alangli pulo, “Tair kepangri abangphan Ne keklem-un a-Hemphu kepu alam, laphan than non: Kecheparoka pensi keplengset, nang inut a-arnam lo pusi chekrong-lo. Nang chepu lo, inut a-arnam asonsi nang ingno ingnilo, talosi pakompet-lo. Nang inut arnam ason chekrong tahailo, bonta nang akethi do, akethithepin ave.

2 PITOR 2:18

Latum thangbakbe kelu alam pensi chepindak-lo, lapen kehingno, aderi-mate akam pensi hala nonhetsi kehingno keklem atum angbong pen kejok-lang atum aphan chomosoilo.

DANIEL 4:30

alangli pulo, “Langtha Bebilon ko-an the loma! Nejakong lapen kangtang, nenong lapen ahir-asang kepaklangjisi ne la det arongsopi-kethe kimlo.”

JOB ALOH 22:17

Lahei ke Arnam aphan kedengde atum lo, lapen la latum aphan thangta klem un-e pusi mathalo.

KEBAR 15:9

Hotur atum pulo, “Ne latum aphan hungsi nepdunpo; Ne halatum akhi thakdaksi nening hang an en-et-po; Ne nok chesansi halatum kedo-an pavir-etpo;

DANIEL 3:15

Lasi non pong-ut-heihei, pongsi-heihei, kumbeleng-chongdeng-heihei, kumbeleng-chordeng-heihei, kum beleng-heihei lapen kaprek kelun-i ason-amung-heihei arki karju long kecheng amat kumlin aphan ardomkhrupsi archo nangji. Jongsi nangtum klemkle pulote nangtum aphan men-men me angkang arlo phrindutpo. Nangtum aphan nangkepajok a-arnam do pu nangtum matha ma?”

EZEKIEL 29:3

Thannon lake Ijip arecho aphan Keklem-un a-Hemphu-si kepulo: Ne ke nang hoturlo, nang temongpi, langroi along kedomplak abang. Nil aroi ke nangmar lapen nangsi la keselamlo pu nang chepulo.

KEBAR 5:2

“Hemphu komat-lo?” Recho arjulo. “Ne kopisi alangli lam karjunangpo, lapen Israel atum aphan padam-longpo?” “Ne Hemphu aphan chinine; lapen ne Israel atum aphan padam-long-le.”

LUN ALOHTHUI 39:1

Ne pulo, “Ne keklemji cherepo, lapen nede nephan pap paklem longledetpo; kehingno abang nedung dolote, ne thangta ningjejelo.”

SARLAMTHE 26:20

Theng ik lote me mepdet lapen kechepalamso avete kechebohong ta ave.

JEMS 3:4

Telongpi alamle mathatha, lake thepik lapen tomonle jappon setta asapso alongpi pen la aphan pakek pakang unlo, lapen lasonsi kevekpon abang aning kehang aling la aphan pon unlo.