DANIEL 7:4 - BAIBEL KANGTHIR (BSI)

⁴ Aphrangsi api abang hingho ason, bonta vomu ason avengkongdo. Ne kelangding un ahut aveng-kong-heihei ingsektang-lo. Pi aphan angsong rungtangsi monit ason parjaptherlo. Lapen monit aning angthin la aphan pilo.

DANIEL 7:4 ပူးပေါင်းရင်းမြစ်များ

2 SAMUEL 1:23

Sol lapen Jonathon ko-an manghumeme lapen inghon meme; reng rappet-lo, thirappet-lo; Vomu an sose keprap, teke an sose kangtang.

JOB ALOH 25:6

Tangte monit ke ingthan, mate ingki ason? Arnam angno monit ador kopi?

LUN ALOHTHUI 9:20

Latum aphan papherenon, O Hemphu; latum kethinangji amar pu latum aphan pachininon.

JEREMIAH 25:38

Arat aphan Hemphu otang-lo, hinghole angthor keche-o asonlo. Kepherememe aron pen Hemphu aning kepung pen det pasamphri-dang-lo.

JEREMIAH 4:13

Langtha, inghun-heihei asonsi hotur atum vang-lo. La aronhemkong-long mongve atomon ason, lapen alosei atum vomu apar kechat. Etum virtang-lo! Etum acham dam-etpo!

JEREMIAH 4:7

Kedom adim pen hingho kevang ason, det-heihei kepavir abang nangbarlo. Alang Judah kepavirjisi vang-lo. Judah arongsopi-heihei parusi opo, Lapen la-heihei along baduta dodedetpo.

JEREMIAH 48:40

Vomu ason la arveng patelangsi Moab aphuthak isi akhei sokvurpo,

JEREMIAH 49:19

Kesing-it a-ingnam ajo pen Jordan soding ha bap-bi kelirtir ajo anat hingho nang kebar asonsi Ne ta vangpo. Anke ne kangvaiji ajalinsi det pangripo. Komatsi Ne pen pangbar unpo? Komatsi Ne pen chedan haipo? Komat kepangri abangsi Nephan hilidun unpo?

NINGDUK ALUN 4:19

Vomu an sose keprap angsong pen nangkesok, latum etum aphan arum ephlung-lo. Halatum inglong along etum aphan hungdunlo, halatum kejejangtang ajo tongsermong pen ekompet-lo.

EZEKIEL 17:3

latum aphan Ne, Keklem un a-Hemphu kopisi kepu ma latum chinipo; Ejon thedung avomu dolo, arveng langmepik lapen avengkong thepik, arveng kechepur adang the-o. La Lebanon Anglong-heihei anat ingjarlo lapen kedar athengpi achelun ingdilo,

EZEKIEL 28:2

“Monit aso,” Alangli pulo, “Tair kepangri abangphan Ne keklem-un a-Hemphu kepu alam, laphan than non: Kecheparoka pensi keplengset, nang inut a-arnam lo pusi chekrong-lo. Nang chepu lo, inut a-arnam asonsi nang ingno ingnilo, talosi pakompet-lo. Nang inut arnam ason chekrong tahailo, bonta nang akethi do, akethithepin ave.

EZEKIEL 28:9

Latum nangphan kepathiji kevang ahut, nang arnamlo pu chepubom jilangma? Nangpran karmut abang nang kechetong ahut nang kethi nangji abang, thithepin abang kali.

DANIEL 2:38

Alangli nangliphan pirthe adang kedo-an aputhak kechari abang battang-lo lapen kadokave marat-mareng api atum aputhak, votek-voso aputhak, kepangri abang battang-lo. Nangli helo ser aphu lo.

DANIEL 4:36

“Ne bidi nang chevang lote, neman nedak, netur, nedet anong nephan nepithupo. Keja atum lapen arlengkethe atum nephan nehangpo, lapen aphrang an sose ne recho ajakong, man nepithudetpo.”

DANIEL 7:12

Kaprek api atum ajakongta thijok-lo, bonta halatum aphan isi kepathiktang ang-ang apor ansi pareng-longchot-lo.

DANIEL 7:5

Hini api abang thokvam ason aphi akeng pen arjapsom. La aso pen hongthom areptak ing-omlo; lapen ase vangsi la aphan pulo, “Untik an ok chobomnon.”

MATHIU 24:28

Kethitang abang arpum kedo adim aling, hadaksi takun atum chepangrumji.

KETHAN 28:49

Pirthe kejut ahin pen nangtum aphuthak isi akhei pathurpo, laso akhei alam-aki nangtum chinine. Vomu asonsi latum nangtum aphuthak sokvurpo.

KEPAKLANG 13:2

La neli kethek-long Anampi api ke bongkrui nangnaklo; akengpak ke thokvam akengpak nangnak, lapen angho ke hingho angho nangnak-lo. Hala Chehangthepi labangso Anampi api aphan amethang ajakong, ame-thang anghoi, lapen akam kethe pilo.