DANIEL 7:1 - BAIBEL KANGTHIR (BSI)

¹ Bebilon arecho Belshazzar recho kecho kecheng aningkan, Daniel eson amang hemanlo lahei hongplang athak amek kejang ahut ajo alangli thek-long-lo. Ansi alangli tok-lo lapen lahei helo alangli ajo kethek-long pen ketok duntang alam-heihei.

DANIEL 7:1 ပူးပေါင်းရင်းမြစ်များ

AMOS 3:7

Chenamsi Hemphu Arnam amethang aban montri atum aphan Alangli kedip alam paklangkle ako thangta klemkledetpo.

JOEL 2:28

Laso aphi abangphutin aphan Ne karjong dungpo; nangsopomar lapen nangsopimar atum Ne birta montripo; nang arleng-kesar atum mang hemanpo, lapen nang riso atum akethek-long thek-longpo.

DANIEL 5:1

Ningve isi Belshazzar recho, bangsuri isi arlengkethe atum aphan isi kethedung akecho-kejun amei pathik-lo, lapen halatum drakha ahor junrappet-lo.

DANIEL 4:5

Bonta nemek kejang un ahut isi pherememe amang lapen ahirdojit ning-arjan-heihei thek-long-lo.

DANIEL 1:17

Arnam la bangphli ariso aphan kethek-kere, lamet lapen kechini keri anat asai kethek pilo. La aparta Daniel aphan kethek-long lapen mang alam-heihei kechini asai pilo.

JEREMIAH 23:28

Amang kethek-long amontri atum lake mangchot pusi than nangji, bonta Ne birta karjulong amontri abang kekroithirklong pen Ne birta than nangji. Sok tipli pen apun kosonsi pangbar unpo?

KEPAKLANG 1:19

Tangte nangli kethek long, la non kedobom lapen mo aphi keplangji alam hei hei toknon.

HABAKKUK 2:2

Lapen Hemphu nephan thak-lo; “Kethek-long an toknon; longle aplang athak paklangdaknon lasi keporhe abang prapjin pen porhe thekpo.

DANIEL 7:15

Neli kethek-long ason-heihei neliphan pathirik-lo, lapen neliphan padonodak-lo.

DANIEL 7:13

Labangso ajo kethek-long ahut, monit arje ason neli thek-long-lo. Alangli nelidung vangbomlo, inghun kompetsi alangli Kaike Kerengver Abang along damlo, lapen alangli angno dolo.

DANIEL 2:1

Nebukadnejar recho kecho hini aningkan alangli eson amang hemanlo. Labangso amang lapu-an alangliphan pasiksak-lo, alangli amek jangthekthe det-lo.

KELAKHA 12:6

lapen Hemphu pulo, “Ne non kopisi kepujima arjutha! Nangtum angbong montri atum kedo ahut, Ne latum aphan akethek-long-heihei pen chepaklangpo lapen latum aphan mang-heihei along ningjepo.

KECHENG 46:2

Ajo alangliphan cheklangsi hang-lo, “Jakob, Jakob!” Kopilo, neli daksi dolo, alangli thak-lo.

KEPAKLANG 10:4

Sining kangder batai throksi ase jutdet pen amat neli loh tokji dokdok-lo. Bonta neli sining pen kevang ase arjulong-lo. Labangso ase pulo, “Sining kangder pabatai throksi pen keningje alam an patujoi non; labangso alamthe tok-ri!”

2 KORINTH 12:1

Thang ale ave setta neli chepindak nangkok-lo. Hemphu neliphan kepaklang aning arjan hei hei lapen kepaklang alam hei hei non neli thanpo.

ROM ASOR ATUM APHAN POL KETOK ALOH 15:4

Hastro ilitum aphan ning ekepading lapen ning ekerung pen ajok ilitum aning kethe kedoji aphansi, hastro along ketok alam anke ilitum aphan ekethanji aphansi tok-lo.

DANIEL 8:1

Belshazzar kethom aningkan recho kecho ahut neli hini aphong kethek-long dolo.

DANIEL 7:7

Neli kelangding un ahut phli api abang nangklang-lo. La ajakong thepik, pherememe, paphere thek. La kechoji ason la aso-pi pen ingtip, lapen la aphuthak dong, la anu hongkep do.

DANIEL 5:30

Halabangso aningve amat Bebilon arecho Belshazzar aphan pathilot-lo;

DANIEL 5:22

Bonta nangli alanglisopo, nangli la do-an chinipame seta chepabi thekthe det-lo,

EZEKIEL 1:1

Thomkep aningkan, phli achiklo, niphai pho arni, neli, Ezekiel kurusar, Buzi asopo, Judia amonit, ban kepontang atum penpen Bebilon along Kebar Aroi akung dolo. Sining-inghun chingpudang-lo, lapen neli Arnam aphan mek-rengjeng ahut thek-long-lo.

JEREMIAH 36:4

Lasi Neriah asopo Baruk aphan neli hang-lo lapen neliphan Hemphu nekepu ason an Baruk aphan patoktoilo. Lothui along Baruk tok-et-lo.

JEREMIAH 27:7

Kedo-an adet alangliphan ingdukpo, lapen alangli det ruretik an latum alanglisomar lapen alangli sumar aphan ingdukpo. Anke la adet jakongthedung adet lapen rechothedung atum ason ingdukpo.”

ISAIAH 30:8

Rat atum kopi ason ma loh epak along ketok et jisi Arnam neliphan nepulo, anke latum ko-an hingno ma isi tok-bi dopo.

ISAIAH 8:1

Neliphan Hemphu pulo, “Ketok-i amar kethe ponra hadak amek kethe pen toknon: ‘Inghuponserak, Thiponserak.’

JOB ALOH 4:13

Ajo manglangno ason la nemek kejang pasiksak lo,

KECHENG 15:1

Laso aphi, Abram isi thek-long-lo, lapen alangliphan Hemphu kepu ase arjulong-lo, “Phereri, Abram, Nangphan Ne kedo-an akesung pen khang thipji lapen nangphan isi thedung anong-e nangpiji.”

JEREMIAH 36:32

Anke ne akaprek alohthui ponlo lapen ne chunbang Baruk aphan la pilo, lapen ne kepu alam an la tok-et-lo. Kecheng alohthui along kedo ason an la tok-et-lo, lapen aphrang asonthot abirta si ne laphan patoktoilo.

EZEKIEL 40:2

Mek-rengjeng pen kethek-long ahut Israel adet neliphan Arnam nepondet-lo, lapen neliphan isi kangtui anglongpi athak nebikok-lo. Neli ingno rongsopi ason hemkimtur thek-long-lo,

DANIEL 2:26

Recho, Daniel (Belteshazar pu ta pu) aphan pulo, “Nang ne keheman-tang amang alam lapen la athe-heihei nethan thekjima?”

DANIEL 4:13

Ne labangso akethek-long aputhak kemathading un ahut, sining pen kecheroktok lapen ketonding Arnam apherangke vang-lo.