DANIEL 5:7 - BAIBEL KANGTHIR (BSI)

⁷ Mane inutbak mekbin atum, thek-kere atum lapen chiklolongso ke-lakhathek atum kepavanjisi alangli hangserlo. Halatum arlo vangpet ahut, recho halatum aphan pulo, “Mane jongsi labangso ketok porhethek lapen la athe-heihei nephan thanthek pulote, recho ape erring avamkok-heihei pen, man aser alek avaikang achethok along pa-iji, lapen det angbong kethom ajakong kedo abang plangpo.”

DANIEL 5:7 ပူးပေါင်းရင်းမြစ်များ

DANIEL 5:29

Paprapjin pen Belshazzar ke Daniel aphan recho ape ari ke-er pachingthangjisi ban atum aphan hukum pilo. Lapen achethok along man aser alek esang pa-ilo. Lapen alangliphan kethom det angbong ajakong kedo abang paplang-lo.

DANIEL 5:16

Non ne arjulong lo nangli kepatu athe-heihei paklangthek lapen chini un-epin ason-heihei than thek. Nangli jongsi labangso aketok porhe thek lapen neliphan la athe-heihei kopima nethanthek pulote, nangliphan recho ape-ri ke-erring pen nangli pangchoipo, nangli chethok along aman aser alek avaikang nangli pa-ipo lapen det angbong kethom ajakong kedo abang nang paplangpo.”

DANIEL 2:48

Ansi alangli Daniel aphan isi kangtui anghoi bat-lo, lapen adorkeso adan-heihei pilo, lapen Bebilon alongsi ahemphu bat-lo; lapen recho aphan thanpare atum angbong kethenei abang bat-lo.

DANIEL 2:6

Bonta jongsi nangtum mang paklangthek lapen laso athe alam than thek pulote ne pen nangtum dan-heihei lapen nong-e-heihei lapen man kethe longji. La apotsi mang alam lapen la athe nethannon.”

DANIEL 2:2

Lasi alangli lodeppo atum, mekbin atum, maja kanghoithek atum lapen Chaldia atum an aphan recho amang alam kepathanjisi paphapet-toilo. Lasi halatum recho angno vangpet-lo.

EZEKIEL 16:11

Kechingthang adorson ri-aroi-heihei lapen achethok alek-heihei Ne nangpilo.

ISAIAH 47:13

Nangphan keparedun dolo seta nang jakong ave. Nang chiklolongso kelakha thek atum pavang-ra nangphan pajoknang chiklolongso-heihei kelang atum, lapen nangphuthak kopi plangjima achiklo ajontin nangkethan atum pavangnang.

DANIEL 4:14

Alangli asekethe pen pachethang-lo, “Thengpi pipet-ra la aro-heihei ta chor-etnon; arvo-heihei ingphrun non lapen la athe-heihei hijikjamnon. La arum kedo marat api an lapen aro kardon avo atum anta phlung etnon.

SOLOMON ALUN 1:10

Nang ing-om athak nangchu langmepik lapen nangchethok along ador keso alek ason.

SARLAMTHE 1:9

Halatum kethan alam kemesen apoho mate lek-asang nang arje kelar asonsi nang-ot nangdur pamesenpo.

ESTHER 3:1

Laso aphi si Ahasuras recho Hammedatha asopo Haman pu Agagit asor aphan kangtui anghoi bat-lo, lapen alanglilong kedo are-choso atum an apar ingtui muchot anghoi athak akam bat-lo.

1 SAMUEL 17:25

“Laphan langtha!” Pusi halatum lahin lahin chepulo. “La ron kechedan akepha arjutha! La aphan kepathi un aling abangphan Sol recho isi thedung anong-e kepiji chechak-lo, lapen recho asopi la bangphan penan chopidetpo, lapen la abang apo ahemtun pen midu ta pinangnelo.”

KELAKHA 24:11

Non hem chedamnon! Neli nangliphan nong-e kepijisi chechak-lo, bonta nangli nong-e kelongji pen Hemphu nangliphan nangkhang-lo.”

KELAKHA 22:17

Nangliphan neli thedung anong-e nangpipo, lapen nangli kepu aling klempo. Kanghon pen vang iknon, neli pharman lahei rat aphan ahirjuno hangnon.”

KELAKHA 22:7

Lasi Moab lapen Midian ajalin atum ahirjuno kepi anam che-ponsi Balaam along damlo, lapen alangliphan Balak abirta pilo.

KECHENG 41:8

Adapprang la ningrikrung-lo, lasi alangli mekbin keklem atum aphan lapen Ijip athek-kere kedo-an atum aphan phapet-lo. Alangli mang alam halatum aphan chethan pet-lo, bonta alangliphan baduta mang athe alam than thekthe det-lo.

KEBAR 7:11

Anke recho abang la kethek-kere lapen mekbin akam keklemthek atum aphan hang-lo, lapen halatum amekbin pen ajok halatum asonthot latumta klemlo.

JEREMIAH 50:35

Hemphu pulo, “Bebilon aphan kethilo! La arat aphan, la pangribang atum, la thek kere atum aphan kethilo.

DANIEL 1:4

Halatum athok kedo abang, reset, kam kethan long-tang, kecharli keprap, lapen abang apun kechok lake angthek avepin nangji, la lote halatum recho ahem kam keklemji aphan unpo Ashpenaz ke halatum aphan Bebilon alam ketok-kelang pathantoilo.

DANIEL 1:20

Jat ason recho arju seta, mate kaprek akesung recho pho seta la bangphli arisomar atum det angbong kaprek sangkelang mate thek-kere atum aphan phankep kechini lit-lang.

DANIEL 2:27

Daniel thak-lo, “Recho kehang kepatu alam ke thek-kere atum, majakanghoi atum, kemoithek atum, ludeppo atum, lapen chiklolongso kelangthek atum jokta bangso alam nanglithan thekthe.

DANIEL 5:11

Inut amonit nangli det arlo do, alanglilong Kangthir arnam-heihei akarjong do. Nanglipo recho kecho un ahut, labangso amonit aning mesen, gian lapen bidi arnam-heihei abidi asonthak thak. Lapen nanglipo, Nebukadnejar Recho, alangliphan kopai alam kethanthek, kemoithek, thek-kere, chiklolongso kelakhathek atum angbong akethenei bat-lo.

DANIEL 5:15

Bidi kepi atum lapen ketok kepaporhejisi kemoithek atum aphan arlo vanlo lapen athe nepathan toilo bonta halatum athe riparsik thekthedet-lo.