DANIEL 5:2 - BAIBEL KANGTHIR (BSI)

² Halatum kejunbom un ahut, recho Belshazzar apo Nebukadnezzar, Jerusalem a-Kardomhemthepi pen kepontang ser-rup aharlung lapen harlungkethe-heihei arlo kepavanjisi hukum-heihei pilo. Recho halahei pavantoilo, athe alangli methang, arlengkethe atum. Alangli piso atum lapen alangli ke-enpangtar apiso atum lahei pen jun-ilongpo.

DANIEL 5:2 ပူးပေါင်းရင်းမြစ်များ

2 SAMUEL 9:7

David pulo, “Nangli phereri! Nanglipo Jonathon ajok ne nangli-phan inghonji. Nangliphu Sol kechepahemphu alongle kedo-an neli nangvoithu-etji, lapen neli tebul athak an kechorapji aphan nangliphan kaiketa inghap ingpudang-lo.”

2 RECHO 24:13

lapen Kardomhemthepi along kedo lapen rechohem arlo kedo akhi an Bebilon adet pon et-lo.

2 RECHO 25:15

Ser mate rup pen keselam amar an harlungso lapen me akri kepon-i aphuleso anta latum pon-et-lo.

2 PHURKIMO 11:20

Aphi la Maakah aphan pangrilo, bangpi Absalom asopi, lapen latum asopo bangphli dolo: Abijah, Attai, Ziza lapen Shelomith.

2 PHURKIMO 15:16

Asa Recho aphi Maakah aphan Pei-rechopi anghoi pen pasuntuk-lo, pima bangpi Asherah arnampi akumlin paselamlo. Asa kumlin chorpetsi, chordak-dak-lo, lapen la-heihei Kidron Arlok along me keidut-lo.

2 PHURKIMO 36:10

Chung-phang-ok ahut Jehoiachin aphan Nebukadnezzar Bebilon pondet-lo, lapen Kardomhemthepi akhi-heihei pon-et-lo. Ansi Jehoiachin apunu Zedekiah aphan Judah lapen Jerusalem arecho pu Nebukadnezzar bat-lo.

2 PHURKIMO 36:18

Bebilon arecho Kardomhemthepi, kardomhem khi-puru, recho lapen la aban atum akhi pon-et-lo.

EZRA 5:14

Alangli Kardomhemthepi aser, arup ajohton-heihei Nebukadnezzar, Jerusalem along a-Kardomhemthepi pen kepontang ason lapen Bebilon akardom ahem along kebitang ason an pavoithulo. Lahei ajohton Judah a-Govornor Sheshbazzar pu amen arideng Sairas hodailo.

JEREMIAH 27:7

Kedo-an adet alangliphan ingdukpo, lapen alangli det ruretik an latum alanglisomar lapen alangli sumar aphan ingdukpo. Anke la adet jakongthedung adet lapen rechothedung atum ason ingdukpo.”

JEREMIAH 50:35

Hemphu pulo, “Bebilon aphan kethilo! La arat aphan, la pangribang atum, la thek kere atum aphan kethilo.

JEREMIAH 52:19

Ser lapen rup pen keselam amar an latum pon-et-lo: Harlungso, me akri kepon-i aphule, athok pen vi kedeng-i aharlung, thek-lo abisir, melur archok-heihei, mephik aharlung, drakha ahorlang kedung-i aharlung-heihei.

DANIEL 1:2

Hemphu alangliphan recho Jehoiakim lapen Kardomhemthepi ajehak akhi-heihei paponlong-lo. Alangli, Bebilon adet amethang a-arnam-heihei anat alanglilong ajehak amonit nepsi chevoilo, lapen Kardom ahem khipuru-heihei along kevanlong akhi-heihei thap-lo.

DANIEL 5:11

Inut amonit nangli det arlo do, alanglilong Kangthir arnam-heihei akarjong do. Nanglipo recho kecho un ahut, labangso amonit aning mesen, gian lapen bidi arnam-heihei abidi asonthak thak. Lapen nanglipo, Nebukadnejar Recho, alangliphan kopai alam kethanthek, kemoithek, thek-kere, chiklolongso kelakhathek atum angbong akethenei bat-lo.

DANIEL 5:13

Recho angno Daniel aphan prapjin pen pavanlo, lapen Daniel aphan recho pulo, “Nepo recho, Judah adet pen nangkevan a-Judia, Daniel pu nangli heloma?

DANIEL 5:18

Arnam kethe nanglipo Nebukad-nezzar aphan kethenei arecho paplang-lo lapen alangliphan man lapen adak-atur pilo.

DANIEL 5:23

Nangli sining ahemphu abe thursi klemlo, lapen Alangli a-Kardomhemthepi pen kevan aharlung-heihei lapen harlungkethe-heihei pavantoilo. Nangli, nangli arlengkethe atum, nangli piso atum, lapen nangli ke-enpangtar apiso atum lahei pen hor jun-ilo lapen kelangthekthe mate karjuthekthe mate jatta kethekthe aser arup, atam, ingchin, thengpi lapen arlong-heihei pen keselam a-arnam-heihei aphan choro-ilo. Bonta nangli kerengji mate kethiji kephar abang lapen nangli keklem ason an kelang abang Arnam aphan manpipedet-lo.

DANIEL 5:3

La aphijong amat ser aharlung lapen harlungkethe-heihei arlo van lo, lapen lahei pen halatum drakha ahor jun-ilo,

DANIEL 5:30

Halabangso aningve amat Bebilon arecho Belshazzar aphan pathilot-lo;

DANIEL 5:4

lapen ser rup, tam, ingchin, thengpi lapen arlong-heihei pen keselam a-arnam atum aphan chorolo.

KELAKHA 7:79

alangli dan ke rup kasu epak ardi powapho, lapen rup aharlung ehong ardi powa kethom, kangthirhem alin kevang ateng-lo, la la ta mesen ahim aduk pen jangthu kepangvuisi paplengset-lo, la sok-sang adan aphanlo;