2 SAMUEL 5:9 - BAIBEL KANGTHIR (BSI)

⁹ Pairaikom cheraidet aphi David ladak dolo lapen “David Arongsopi” pusi amen irlo. La adung arei la rongsopi kimlo, lapen nihang anglong longle keplengset anat pen pangcheng-lo.

2 SAMUEL 5:9 ပူးပေါင်းရင်းမြစ်များ

2 SAMUEL 5:7

(Bonta David chepahaidetsi halatum Zaion araikom cheraidet-lo, lapen la “David Arongsopi” pu chethang-lo.)

2 SAMUEL 5:8

Halabangso arni amethang amonit aphan David chepulo, “Ne sonthot ladak kedo Jebusi atum aphan kehijim abang doma? Latum aphan pathi dorphlup doma? Pulote arludamra lang ahor keng keng dunnon lapen hala amek kave lapen akeng ketekok an aphan tengkheng damnon.” (La apotsi la putang-lo, “Amek keselok lapen akeng ketekok atum Hemphu ahem arlo lutdam longle.”)

2 SAMUEL 6:10

Lasi Jerusalem anat la keponpejisi chesik-lo; lapen tovar kaprek anat suilo, lapen Gath arongsopi asor Obed-Edom ahem along la pondet-lo.

1 RECHO 11:27

Kethur-i-khrap atomo lahelo. Jerusalem anihang alongle Solomon kepapleng lapen rongsopi apaisong kekimthubom ahut,

1 RECHO 2:10

David thilot-lo lapen David arong-sopi alongsi pip-lo.

1 RECHO 9:15

Kardomhemthepi lapen rechohem kekimji aphan lapen rongsopi nihang anat alongle kepaplengji lapen rongsopi apaisong kekimji aphan Solomon Recho jakong akam paklemtoilo. Lahei pen la Hazor, Megiddo, lapen Gezer arongsopi ta kim-ilo.

1 RECHO 9:24

Apiso Ijip arecho asopi, David Arongsopi pen Solomon bangpi aphan kekimpi arechohem an kedam aphi Solomon rongsopi anihang anat longle papleng-lo.

2 RECHO 12:20

Joash Recho achakri atum la abethurlo, kepathiji mang-lo, lapen halatum banghini Shimeath asopo Jozakar lapen Shomer asopo Jehozabad atum laphan Silla kehirdam atovar Jerusalem anihang anat kepapleng alongle along kekim ahem along pathilot-lo.

2 RECHO 12:21

Joash aphan David Arongsopi recho athiri alongsi pip-lo, lapen la alar asopo Amaziah si recho cholo.

1 PHURKIMO 11:8

Nihang Anglong anat longle kepapleng nangji adim pen pangchengsi alangli rongsopi kimthulo, lapen Joab si ahin kedolang arongsopi adim-heihei kimthulo.

2 PHURKIMO 32:5

Rongsopi paisong keselam pen ajok, lapen hemchardon kekim pen ajok lapen athak apaisong kekim pen ajok recho ajakong chepangtang-lo. La aparta, Jerusalem-ban anihang anat longle kepapleng pen ajok la cherangkhalo, lapen la ongdung achir, anok-heihei paselamlo.

NEHEMIAH 3:15

Kolhozeh asopo Shallum, Mizpah anglong pangribang lang-amek Anghap kimthulo. Alangli asarnung dip-lo, adimthotsi anghap-heiheita bilo lapen asak-thepo-heihei lapen barlon-heihei bilo. Shelah Alangteng along alangli Recho aberi adung arpong an ha David arongsopi kedam adongkam an kimlo.

LUN ALOHTHUI 122:3

Jerusalem ke isi alon kepimeme, lapen kechingripet kekimthumi arongsopilo.

ISAIAH 29:1

Arnam adovan ke Jerusalem amat lo, la kevirlo! David kepamukam arongsopi kevirlo! Ningkan isi-hini kechopi amei arong-aje-heihei pavangnang lapen padamnang.

KANGSAI ATUM 9:20

Bonta kali pulote, Abimelek pen me vang-ra Shekem lapen Bethmillo amonit an aphan pachonang, lapen Shekem pen Bethmillo pen me akar thurra Abimelek aphanta pachonang.”

KANGSAI ATUM 9:6

Ansi Shekem lapen Bethmillo amonit atum chepangrum-petsi oak athengpi kangthir Shekem along dampet-lo lapen hadak Abimelek aphan halatum recho bat-lo.